O Zinâ

Ediçion

E notiçie da-a Liguria

Senti a verscion registrâ:

Uspiâ di Erxelli, a Region a veu fâlo co-i privæ

A l’é a conlaboraçion pubrico-privou a stradda çernua pe construe o neuvo uspiâ di Erxelli, into Ponente de Zena. E in sciâ töa gh’é za unna propòsta, quella da WeBuild, l’açienda apreuvo a-i cantê do Terso Valico e da neuva diga do pòrto. De chì à quattro meixi arrivià o progetto de fattibilitæ, dapeu a Region a dovià valuâlo e into caxo arvî unna cæga pubrica. L’investimento (in scî 500 mioin, ancon da definî) o saieiva tutto à carrego di privæ, ma a gestion a l’arrestieiva pubrica, fòscia sotta o San Martin. L’obiettivo o l’é finî i travaggi do 2029 e aveighe pronto ascì a funicolare pe quella dæta. Intanto o Conseggio de Stato o l’à bocciou o recorso a-o prescidente da Repubrica propòsto da Italia Nostra e de atre assoçiaçioin contra o progetto do neuvo Galliera. Oua, comme annonçiou da-a Region, o cammin pe-a realizzaçion o peu comensâ torna.

Traduçion italiaña

Ospedale di Erzelli, la Regione vuole farlo coi privati

È il partenariato pubblico-privato la strada scelta per costruire il nuovo ospedale di Erzelli, nel Ponente di Genova. E sul tavolo c’è già una proposta, quella di WeBuild, l’azienda che segue i cantieri del Terzo Valico e della nuova diga del porto. Entro quattro mesi arriverà il progetto di fattibilità, poi la Regione dovrà valutarlo ed eventualmente aprire una gara. L’investimento (circa 500 milioni, ancora da definire) sarebbe tutto a carico dei privati, ma la gestione rimarrebbe pubblica, probabilmente sotto il San Martino. L’obiettivo è finire i lavori nel 2029 e avere pronta anche la funicolare per quella data. Intanto il Consiglio di Stato ha bocciato il ricorso al presidente della Repubblica proposto da Italia Nostra e altre associazioni contro il progetto del nuovo Galliera. Ora, come annunciato dalla Regione, il cammino per la realizzazione può ripartire.

Pegi, mòrto un operäio de 45 anni: o l’é cheito d’in sciô teito

Un operäio de 45 anni o l’é mòrto in scî bricchi da Voæna, de d’ato à Pegi, tanto ch’o travaggiava in sciô teito de unna casa. A tragedia a l’é avvegnua a-i 22 de marso: o Chokri Bouhali, tunexin ma rescidente à Zena da ciù de vint’anni, o l’é cheito da 12 metri. Un collega ch’o l’ea insemme à lê o l’à ciammou o fræ ch’o l’à carregou ancon vivo in sce un motocaro pe portâlo in sciâ stradda, ma i soccorsci no son servii à ninte. O Bouhali o l’ea maiou, con una figgia d’11 anni. O l’aiva averto a partia Iva e ancheu o no l’avieiva manco avuo da travaggiâ. Inte quello cantê o no deuviava nisciuña mesua de proteçion. À indagâ in sciô fæto gh’é a poliçia e i inspettoî de l’Asl.

Traduçion italiaña

Pegli, morto un operaio di 45 anni: è caduto dal tetto

Un operaio di 45 anni è morto sulle alture della Val Varenna, sopra Pegli, mentre lavorava sul tetto di una casa. La tragedia è avvenuta il 22 marzo: Chokri Bouhali, tunisino ma residente a Genova da più di vent’anni, è caduto da 12 metri. Un collega che era insieme a lui ha chiamato il fratello che lo ha caricato ancora vivo su un motocarro per portarlo sulla strada, ma i soccorsi sono stati inutili. Bohali era sposato, con una figlia di 11 anni. Aveva aperto la partita Iva e oggi non avrebbe neanche dovuto lavorare. In quel cantiere non usava nessuna misura di protezione. A indagare sull’accaduto sono la polizia e gli ispettori della Asl.

O domestego o çitta i Berlusconi in tribunâ: «No m’an pagou de straordenäi»

O passou meistro de casa da famiggia Berlusconi, ch’o louava into castello piggiou à pixon à Paraggi, o l’à çittou o Pier Silvio pe-o travaggio straordenäio ch’o l’avieiva fæto sensa vegnî pagou quande gh’ea o Covid. O domestego Lucio Camba, che ancheu o l’à cangiou de rescidensa e o sta inte unna villa in sciô monte de Portofin co-a Silvia Toffanin e i doî figgi, o sostëgne che gh’aggian domandou de travaggiâ de ciù dæto o momento particolâ, ma che a paga a no fïse assæ. O tentativo de mediaçion o l’é fallio, coscì s’é arrivou a-a primma udiensa do proçesso çivile averto in tribunâ à Zena davanti a-o giudiçe Francesco Maria Parodi. L’exito o l’é tutt’atro che seguo.

Traduçion italiaña

Il domestico fa causa ai Berlusconi: «Non mi hanno pagato gli straordinari»

L’ex maggiordomo della famiglia Berlusconi, che lavorava nel castello preso in affitto a Paraggi, ha fatto causa a Pier Silvio per il lavoro straordinario che avrebbe svolto senza essere pagato durante il Covid. Il domestico Lucio Camba, che oggi ha cambiato residenza e vive in una villa sul monte di Portofino con Silvia Toffanin e i due figli, sostiene che gli sia stato chiesto di lavorare di più dato il momento particolare, ma che la paga non fosse sufficiente. Il tentativo di mediazione è fallito, così si è arrivati alla prima udienza del processo civile aperto in tribunale a Genova davanti al giudice Francesco Maria Parodi. L’esito è tutt’altro che certo.

E notiçie da l’Italia

Senti a verscion registrâ:

Mafia à Bari, i fanæ do Governo e a raggia do scindico Decaro

Scceuppa o caxo Bari. Apreuvo à l’investigaçion da Procua in sciô presonto scistema de voti de scangio do 2019, ch’a l’à portou à 130 arresti, o ministro de l’Interno Matteo Piantedosi o l’à nominou a commiscion ch’a dovià valuâ anche l’ipòtexi de desfâ o Commun pe mafia. «Un atto de guæra contra a çittæ», a reaçion do scindico Antonio Decaro, ch’o no l’é mai sciortio implicou into proçedimento e o ven descaxonou inte interçettaçioin. A deçixon a l’é arrivâ a-e pòrte da campagna pe-e neuve eleçioin de zugno, ma a relaçion da commiscion a l’arrivià dòppo o primmo gio de votaçioin. «Se gh’é un solo sospetto d’infiltraçion, mi renonçio a-a scòrta», o l’à azzonto o scindico in conferensa stampa. «O governo o l’à deciarou guæra a-e mafie, no de seguo a-i amministratoî locali», a replica do Piantedosi. Da-a manciña un muggio de manifestaçioin de solidarietæ pe-o Decaro. Intanto a Procua antimafia de Firense a l’à commandou o sequestro de 10,8 mioin a-o Marcello Dell’Utri e seu moggê Miranda Anna Ratti. Pe-i magistrati o l’avieiva dovuo communicâ e variaçioin do reddito pe 42 mioin e mezo. Sotta a lente anche de donaçioin do Silvio Berlusconi pe squæxi un mion d’euro.

Traduçion italiaña

Mafia a Bari, i fari del Governo e la rabbia del sindaco Decaro

Esplode il caso Bari. A seguito dell’inchiesta della Procura sul presunto sistema di voti di scambio nel 2019, che ha portato a 130 arresti, il ministro dell’Interno Matteo Piantedosi ha nominato una commissione che dovrà valutare anche l’ipotesi di sciogliere il Comune per mafia. «Un atto di guerra contro la città», la reazione del sindaco Antonio Decaro, che non è mai risultato implicato nel procedimento e viene scagionato nelle intercettazioni. La decisione è arrivata alle porte della campagna per le nuove elezioni di giugno, ma la relazione della commissione arriverà dopo il primo turno. «Se c’è un solo sospetto di infiltrazione, io rinuncio alla scorta», ha aggiunto il sindaco in conferenza stampa. «Il governo ha dichiarato guerra alle mafie, non di certo agli amministratori locali», la replica di Piantedosi. Dalla sinistra pioggia di manifestazioni di solidarietà per Decaro. Intanto la Procura antimafia di Firenze ha disposto il sequestro di 10,8 milioni a Marcello Dell’Utri e sua moglie Miranda Anna Ratti. Per i magistrati avrebbe dovuto comunicare le variazioni di reddito per 42 milioni e mezzo. Sotto la lente anche donazioni di Silvio Berlusconi per quasi un milione di euro.

Lecce e Romma, atre doe dònne ammassæ da-o maio

Atri doî feminiçiddi in Italia inti urtimi giorni. Unna dònna de 50 anni, d’origine polacca, a l’é stæta ammassâ da-o maio italian de 56 à Taurisano, in provinsa de Lecce. I doî ean apreuvo à mollâse. L’òmmo, dòppo aveila accotellâ vinti vòtte, o l’é anæto da pe lê à confessâ l’assascinio a-a poliçia. Inte l’aggrescion l’é arrestou ferio unna vexiña ascì, intervegnua pe defende a vittima. À Romma un òmmo de 36 anni o l’à ammassou a moggê de 37, torna con unna cotellâ, into mezo de unna rattella in cà, donde gh’ea anche a figgia de çinque anni. A famiggia a l’ea d’origine cineise. Inte sto caxo l’assascin o l’é scappou, ma da lì à no guæi o l’é stæto attrovou e arrestou da-i poliçiòtti, co-e moen ancon brutte de sangue. «Ea gioso e no voeiva ch’a me lascesse», o l’à contou.

Traduçion italiaña

Lecce e Roma, altre due donne uccise dal marito

Altri due femminicidi in Italia negli ultimi giorni. Una donna di 50 anni, di origine polacca, è stata uccisa dal marito italiano 56enne a Taurisano, in provincia di Lecce. I due si stavano lasciando. L’uomo, dopo averla accoltellata venti volte, è andato spontaneamente a confessare l’omicidio alla polizia. Nell’aggressione è rimasta ferita anche una vicina, intervenuta per difendere la vittima. A Roma un uomo di 36 anni ha ucciso la moglie 37enne, ancora con una coltellata, nel mezzo di una lite in casa, dove era presente anche la figlia di cinque anni. La famiglia era di origine cinese. In questo caso l’assassino è scappato, ma poco dopo è stato trovato e arrestato dai poliziotti, con le mani ancora sporche di sangue. «Ero geloso e non volevo che mi lasciasse», ha raccontato.

Ægua do bronzin, in Italia o 40% e passa o ven straggiou

In Italia se perde o 42,4% de l’ægua boña da beive. O dæto l’à communicou l’Istat inta Giornâ mondiale de l’ægua, ch’a cazze a-i 22 de marso. Un elemento de prexo che però o s’asgreia comme ninte: con tutte e perdie se porrieiva levâ a sæ à 43 mioin e passa de persoñe. L’Italia a l’é ascì o Paise de l’Union europea ch’o ne consumma de ciù (9,4 miliardi de metri cubbi do 2022) e squæxi o 9% de famigge o patisce di raçionamenti. A Basilicata a l’é a ciù straggioña co-o 65,5% de perdie, o dæto ciù basso o l’é in Emilia-Romagna co-o 29,7%. In media ògni abitante o reçeive 214 litri d’ægua a-o giorno, ma o 28,8% de famigge – squæxi un terso – no se fian à beive l’ægua do bronzin.

Traduçion italiaña

Acqua potabile, in Italia oltre il 40% viene sprecato

In Italia si perde il 42,4% dell’acqua potabile. Il dato lo ha comunicato l’Istat nella Giornata mondiale dell’acqua, che ricorre il 22 marzo. Un elemento prezioso che però si spreca con grande facilità: con tutte le perdite si potrebbero dissetare 43 milioni di persone. L’Italia è anche il Paese dell’Unione europea che ne consuma di più (9,4 milioni di metri cubi nel 2022) e quasi il 9% delle famiglie subisce razionamenti. La Basilicata è la più sprecona col 65,5% delle perdite, il dato più basso è in Emilia-Romagna col 29,7%. In media ogni abitante riceve 214 litri d’acqua al giorno, ma il 28,8% delle famiglie – quasi un terzo – non si fida a bere l’acqua del rubinetto.

E notiçie da-o mondo

Senti a verscion registrâ:

Mosca, attentato inte unna salla de conçerti: a-o manco 40 mòrti

A-o manco 40 mòrti e 100 ferii o l’é o conto, ancon provvisöio, do graviscimo attentato di 22 de marso inte unna salla de conçerti à Mosca. Un gruppo d’òmmi armæ con di vestî militari, quattro ò çinque comme se nòtta inte un video, o l’é introu e o l’à averto o feugo in scê gente abrettio. L’attacco o l’é avvegnuo inta Crocus City Hall, ch’a peu tegnî 7mia persoñe e passa, donde s’aspëtava o conçerto da rock band Picnic. Un çentanâ de persoñe son stæte sarvæ d’inta salla ò d’in sciô teito, che da lì à no guæi o l’é vegnuo zu pe-o cado de sciamme. L’Ucraina a l’à denegou quæsesegge responsabilitæ, ma o viçeprescidente do Conseggio de seguessa ruscio Dmitry Medvedev o l’à dito: «Se vegnisse feua che gh’é derê i terroristi de Kiev se dovià trovâli e ammassâli tutti, compreiso i cappi do Stato ch’o l’à commisso ste bestialitæ». Ferma condanna pe l’atto e vexinansa a-e famigge de vittime son arrivæ da-i Stati Unii e da tutta l’Euröpa.

Traduçion italiaña

Mosca, attentato in una sala concerti: almeno 40 morti

Almeno 40 morti e 100 feriti è il bilancio, ancora provvisorio, del gravissimo attentato del 22 marzo in una sala concerti a Mosca. Un gruppo di uomini armati in abiti militari, quattro o cinque come si osserva in un video, è entrato e ha aperto il fuoco sulla folla indistintamente. L’attacco è avvenuto nella Crocus City Hall, che può contenere oltre 7mila persone, dove si attendeva il concerto della rock band Picnic. Un centinaio di persone sono state salvate dalla sala o dal tetto, che poco dopo è crollato per il calore delle fiamme. L’Ucraina ha negato qualunque responsabilità, ma il vicepresidente del Consiglio di sicurezza russo Dmitry Medvedev ha detto: «Se emergesse che ci sono dietro i terroristi di Kiev dovranno essere trovati e uccisi tutti, compresi i leader dello Stato che ha commesso queste atrocità». Ferma condanna per l’atto e vicinanza alle famiglie delle vittime sono arrivate dagli Stati Uniti e da tutta l’Europa.

Eleçioin in Ruscia, o Putin o guägna e l’Euröpa a s’inandia pe-a guæra

Nisciuña sorpreisa: con l’87% e passa di voti o Vladimir Putin o l’é torna o prescidente da Ruscia. Un exito stòrico, ma con l’ombra de prescioin e mastrussi a-i seggi e dëxeñe de gente arrestæ pe-e proteste de oppoxiçioin. «Semmo ciù fòrti, nisciun porrià mettine poia», o seu commento apreuvo a-a vittöia, çelebrâ inta Ciassa Rossa donde s’é regordou i dex’anni da l’annescion da Crimea. «Eleçioin burla, ni libere ni giuste», o cöo de l’Euröpa e di Stati Unii. O Cremlin o dixe delongo d’ëse pronto à negoçiâ in sce l’Ucraina, ma co-o refuo de retiâse da-e regioin occupæ. Intanto l’Union Europea a s’inandia pe affrontâ e menasse do Putin con tegnî in conto tutti i reiseghi, anche quelli de unna guæra. E à Bruxelles se studia ascì de neuve sançioin pe-a mòrte do Alexei Navalny.

Traduçion italiaña

Elezioni in Russia, Putin vince e l’Europa si prepara alla guerra

Nessuna sorpresa: con l’87% e oltre dei voti Vladimir Putin è di nuovo il presidente della Russia. Un risultato storico, ma con l’ombra di pressioni e brogli ai seggi e decine di persone arrestate per le proteste delle opposizioni. «Siamo più forti, nessuno potrà intimidirci», il suo commento dopo la vittoria, celebrata nella Piazza Rossa dove sono stati ricordati i dieci anni dall’annessione della Crimea. «Elezioni farsa, né libere né giuste», il coro dell’Europa e degli Stati Uniti. Il Cremlino dice sempre di essere pronto a negoziare sull’Ucraina, ma col rifiuto di ritirarsi dalle regioni occupate. Intanto l’Unione Europea si prepara per affrontare le minacce di Putin tenendo in considerazione tutti i rischi, anche quelli di una guerra. E a Bruxelles si studiano anche nuove sanzioni per la morte di Alexei Navalny.

Un ren de pòrco traciantou inte un òmmo: primmo caxo a-o mondo

Di chirurghi de Boston, inti Stati Unii, an traciantou o ren de un pòrco modificou geneticamente in sce un paçiente de 62 anni corpio da unna moutia terminale. L’é di anni che a sciensa a ponta in scî pòrchi, ma sta chì a l’é a primma vòtta che unn’operaçion pægia a l’arriësce in sce unna persoña viva, unna speransa de cua pe çentanæa de miggiæa de gente ch’aspetan de reçeive un òrgano. O ren o l’à comensou à produe de l’oeña dòppo l’intervento e o paçiente, ch’o l’aiva za patio o tracianto da un uman do 2018, o sta delongo megio. Uña de ciù gren difficoltæ a l’é o reisego de refuo da parte de l’organiximo: do 2022 à Baltimora un òmmo de 57 anni o l’à visciuo pe doî meixi co-o cheu de un pòrco. L’anno passou, sempre inti Stati Uniti, un òmmo de 58 anni o l’é mòrto dòppo sëi settemañe.

Traduçion italiaña

Rene di porco trapiantato in un uomo: primo caso al mondo

Chirurghi di Boston, negli Stati Uniti, hanno trapiantato il rene di un maiale geneticamente modificato su un paziente di 62 anni affetto da una malattia terminale. Sono anni che la scienza punta sui maiali, ma questa è la prima volta che un’operazione del genere riesce su una persona viva, una speranza di cura per centinaia di migliaia di persone che aspettano di ricevere un organo. Il rene ha iniziato a produrre urina dopo l’intervento e il paziente, che aveva già subito il trapianto da un umano nel 2018, è in continuo miglioramento. Una delle maggiori difficoltà è il pericolo di rigetto da parte dell’organismo: nel 2022 a Baltimora un uomo di 57 anni ha vissuto per due mesi col cuore di un maiale. L’anno scorso, sempre negli Stati Uniti, un uomo di 58 anni è morto dopo sei settimane.