O Zinâ

Ediçion

E notiçie da-a Liguria

Ammassamento a-o parco de Villetta De Neigro, mòrto un òmmo de 49 anni

Un òmmo de 49 anni, o Pietro Alberto Paolo Signor, o l’é stæto ammassou a-i 30 de zugno into parco de Villetta De Neigro into cheu de Zena. Pe l’assascinio l’é stæto arrestou o Cisse Camara, senegaleise de 42 anni: o l’à ferio fin a-a mòrte con de bottiggiæ, o l’à ligou o còrpo con di vestî e o l’é stæto visto tanto ch’o rebellava o cadaveo. L’é bon ch’o fïse sotta l’effetto do crack e o l’é ancon recoverou à l’uspiâ San Martin in condiçioin grave. Tutti doî sensa unna cà, no l’é ancon ciæo percöse aggian rattellou. O Signor, nasciuo à Milan, o l’ea un artista con doe lauree e o l’à aspëtava un tracianto de cheu. O Camara ascì o l’aiva passou do tempo in provinsa de Milan e o l’aiva unna domanda d’axilo politico ancon pendente.

Traduçion italiaña

Omicidio nel parco di Villetta Di Negro, ucciso un uomo di 49 anni

Un uomo di 49 anni, Pietro Alberto Paolo Signor, è stato uccisoil 30 giugno nel parco di Villetta Di Negro, nel centro di Genova. Per l’omicidio è stato arrestato Cisse Camara, senegalese di 42 anni: l’ha ferito mortalmente a colpi di bottiglia, ha avvolto il corpo con degli abiti ed è stato visto mentre oltraggiava la vittima. Probabilmente sotto l’effetto del crack, è tuttora ricoverata in gravi condizioni all’ospedale San Martino. Entrambi senza fissa dimora, non è ancora chiaro il motivo della loro lite. Signor, nato a Milano, era un’artista con due lauree e aspettava un trapianto di cuore. Anche Camara aveva trascorso un periodo nella provincia di Milano e aveva una richiesta di asilo politico in sospeso.

Figgiña mòrta a Bordighea, l’accusa: «Ammassâ da-a moæ e da-o seu compagno»

A Beatrice, a figgetta de doî anni trovâ sensa vitta à Bordighea a-i 9 de frevâ, a l’é mòrta pe-e bòtte da moæ Emanuela Aiello e do compagno Manuel Iannuzzi, lê ascì arrestou. A l’é l’accusa da Procua d’Impëia ch’a l’à parlou de «indiçi graviscimi» e «unna riga de tormenti con de mainee fee». A seu grande a l’é stæta sentia comme testimònia: «Ciù ti â tegnivi sciù e ciù a testa a cazzeiva in avanti – a l’à contou – a gh’aiva tutto o còrpo e e lerfe moæle». Un patimento anæto avanti pe di giorni sensa mai domandâ aggiutto. A dònna, accaxonâ d’avei piccou a figgia ma anche d’avei ascistio a-e violense do compagno «sensa mesciâ un dio», a s’é defeisa cianzendo: «No ò mai fæto do mâ a-e mæ figge».

Traduçion italiaña

Bambina morta a Bordighera, l’accusa: «Uccisa dalla madre e dal suo compagno»

Beatrice, la bambina di due anni trovata senza vita a Bordighera il 9 febbraio, è morta a causa dei colpi inferti dalla madre Emanuela Aiello e dal compagno Manuel Iannuzzi, anche lui arrestato. È l’accusa della Procura di Imperia che parla di «gravissimi indizi» e di «una serie di vessazioni con modalità atroci». La sorella maggiore è stata sentita come testimone: «Più la sollevavi e più la testa cadeva in avanti – ha raccontato –. Aveva tutto il corpo e le labbra viola». Una sofferenza che si è protratta per giorni senza mai chiedere aiuto. La donna, accusata di aver picchiato la figlia ma anche di aver assistito alle violenze del compagno «senza muovere un dito», si è difesa piangendo: «Non ho mai fatto del male alle mie figlie».

Voto de scangio e aggravante mafiosa, o Cozzani o va a-o proçesso

O Matteo Cozzani, passou cappo de gabinetto do Giovanni Toti, o l’é stæto mandou a-o proçesso con l’accusa de voto de scangio con l’aggravante mafiosa. Con lê atre 11 persoñe, træ de quæ co-a mæxima aggravante: son i binelli Arturo Angelo e Italo Maurizio Testa e o passou scindacalista da Cgil Venanzio Maurici. L’investigaçion a l’à da fâ co-i voti arrivæ da-a communitæ siçiliaña de Riesi a-i candidæ da Lista Toti a-e eleçioin regionale do 2020 e a l’é unna costiggeua de quella ch’a l’à portou à l’arresto e a-e dimiscioin do passou governatô da Liguria. O proçesso pe-o Cozzani e i atri o comensià a-i 16 de settembre.

Traduçion italiaña

Voto di scambio e aggravante mafiosa, Cozzani va a processo

Matteo Cozzani, ex capo di gabinetto di Giovanni Toti, è stato rinviato a giudizio con l’accusa di voto di scambio con aggravante mafiosa. Con lui altre 11 persone, tre delle quali con la stessa aggravante: i gemelli Arturo Angelo e Italo Maurizio Testa e l’ex sindacalista Cgil Venanzio Maurici. L’inchiesta riguarda i voti arrivati dalla comunità siciliana di Riesi ai candidati della Lista Toti nelle elezioni regionali del 2020 ed è una costola di quella che ha portato all’arresto e alle dimissioni dell’ex governatore della Liguria. Il processo a carico di Cozzani e degli altri inizierà il 16 settembre.

E notiçie da l’Italia

Deroga pe l’energia, l’Union europea a l’açetta a propòsta italiaña

L’Union europea a l’à açettou a propòsta italiaña de derogâ a-o patto de stabilitæ ascì pe l’energia. A Commiscion a conçedde à tutti i 27 Paixi unna flescibilitæ fiscale pe deuviâ fin a-o 0,3% do Pil, con un limite ammuggiou do 0,6% inte trei anni, pe di investimenti e di sostëgni a-e famigge in scê vivagne renovabile. Coscì Romma a porrieiva spende in scî 13,6 miliardi. O governo o studia o taggio de tasce in scî carburanti fin a-a fin de zugno, intanto a Lega a refua o voucher da 100 euro pe aggiuttâ e famiggie in difficortæ. A Camia a l’à approvou a primma lezze de delega pe-o retorno a-o nucleare: se prevedde di reattoî piccin e a fuxon do 2050. «Pe st’anno chì e nòrme d’attuaçion», o l’à annonçiou o ministro de l’Ambiente.

Traduçion italiaña

Deroga per l’energia, l’Unione europea accetta la proposta italiana

L’Unione europea ha accolto la proposta italiana di derogare al patto di stabilità anche per l’energia. La Commissione concede a tutti i 27 Paesi una flessibilità fiscale che consente di utilizzare fino allo 0,3% del Pil, con un limite cumulativo dello 0,6% in tre anni, per investimenti e sussidi alle famiglie sulle fonti rinnovabili. Roma potrebbe quindi spendere circa 13,6 miliardi. Il governo sta valutando la possibilità di ridurre le accise sui carburanti fino alla fine di giugno, mentre la Lega respinge il buono da 100 euro per aiutare le famiglie in difficoltà. La Camera ha approvato la prima legge delega per il ritorno al nucleare: entro il 2050 sono previsti piccoli reattori e la fusione. «Entro quest’anno le norme attuative», ha annunciato il ministro dell’Ambiente.

Calabria, quattro paisen bruxæ vivi: se lamentavan de condiçioin de travaggio

Quattro paisen son stæti bruxæ vivi inte unna machina à Amendolara, in Calabria. I assascin an bloccou e pòrte d’in de feua, an cacciou da benziña e an dæto feugo a-a vettua. E vittime son trei afghen e un pachistan da-i 19 a-i 29 anni, tutti co-o permisso de soggiorno. Doî pachisten son stæti affermæ: segondo a denonçia de un atro afgan scampou à l’ammassamento, î menassavan pe fâli louâ sensa pagâli. «Ne davan da mangiâ e donde stâ, ma ninte dinæ. Gh’é unna gran mafia do Pachistan», o l’à dito. Saieivan stæti ammassæ perché no voeivan vive inte dexe inte unna stançia.

Traduçion italiaña

Calabria, quattro braccianti bruciati vivi: si lamentavano delle condizioni di lavoro

Quattro contadini sono stati bruciati vivi in ​​un’auto ad Amendolara, in Calabria. Gli aggressori hanno chiuso a chiave le portiere da fuori, hanno cosparso il veicolo di benzina e gli hanno dato fuoco. Le vittime sono tre afghani e un pakistano di età compresa tra i 19 e i 29 anni, tutti in possesso di permesso di soggiorno. Due pakistani sono stati fermati: secondo la denuncia di un altro afghano scampato all’omicidio, i responsabili li minacciavano per costringerli a lavorare senza paga. «Ci davano cibo e casa, ma niente soldi. C’è una grande mafia pakistana», ha detto. Sarebbero stati uccisi perché non volevano vivere in dieci in una stanza.

Caxo Minetti, a Procua de Milan a dà un neuvo pai poxitivo a-a graçie

Neuvo pai poitivo da Procua generale de Milan in sciâ graçia a-a Nicole Minetti, passâ conseggea regionale da Lombardia stæta condannâ pe façilitaçion da prostituçion. E verifiche in azzonta ean stæte inandiæ apreuvo a-e notiçie che metteivan di dubbi in scê raxoin do provedimento. Pe-i magistrati e deciaraçioin in scî festin saieivan fäse e no ghe saieiva d’inregolaritæ in sce l’adoçion. Intanto a Procua de Firense a l’à archiviou l’investigaçion in sciô Marcello Dell’Utri pe-e strage de mafia do 1993 perché «manca di elementi concreti in sce di contatti diretti tra Cosa Nostra e o Silvio Berlusconi». «Un atro desastro giudiçiäio» pe-a prescidente da Fininvest Marina Berlusconi.

Traduçion italiaña

Caso Minetti, la Procura di Milano dà un nuovo parere positivo alla grazia

Nuovo parere positivo della Procura generale di Milano sulla grazia di Nicole Minetti, ex consigliera regionale della Lombardia condannata per favoreggiamento della prostituzione. Le verifiche aggiuntive erano state avviate seguito di notizie che mettevano in dubbio i presupposti del provvedimento. Secondo i magistrati le dichiarazioni sui festini sarebbero false e non vi sarebbe alcuna irregolarità in merito all’adozione. Nel frattempo, la Procura di Firenze ha archiviato l’inchiesta su Marcello Dell’Utri per le stragi mafiose del 1993 perché «mancano elementi concreti su contatti diretti tra Cosa Nostra e Silvio Berlusconi». «Un altro disastro giudiziario» per Marina Berlusconi, presidente di Fininvest.

E notiçie da-o mondo

Stati Unii-Iran, trattative diffiçile e o Trump o sbraggia a-o Netanyahu

Trattative ingarbuggiæ pe-a paxe tra Stati Unii e Iran. Washington a l’à misso de condiçioin ciù due inta seu contropropòsta, sorviatutto in sciô nucleare. I ayatollah an avvertio: «No se fiemmo ciù de promisse do nemigo». Dapeu o Netanyahu o l’à annonçiou un attacco à Beirut. E Teheran, con sospende e negoçiaçioin, a l’à menassou de bloccâ no solo Hormuz ma ascì Bab el-Mandeb, un streito importantiscimo pe-o trafego de nave into Mâ Rosso. Aloa o Trump o l’avieiva fæto unna telefonâ de feugo a-o primmo ministro isrælian: «T’ê un matto, sensa de mi ti saiësci in prexon. Ti stæ in sce l’anima à tutti». Neuvo gio d’incontri tra i doî Paixi.

Traduçion italiaña

Stati Uniti-Iran, negoziati difficili e Trump sgrida Netanyahu

Trattative complicate per la pace tra Stati Uniti e Iran. Washington ha imposto condizioni più rigide nella sua controproposta, soprattutto sul nucleare. Gli ayatollah hanno avvertito: «Non ci fidiamo più delle promesse del nemico». Netanyahu ha quindi annunciato un attacco a Beirut. E Teheran, sospendendo i negoziati, ha minacciato di bloccare non solo Hormuz, ma anche Bab el-Mandeb, uno stretto di fondamentale importanza per il traffico marittimo nel Mar Rosso. A quel punto Trump ha fatto una telefonata infuocata al primo ministro israeliano: «Sei un pazzo, senza di me saresti in prigione. Ti odiano tutti». Nuovo ciclo di incontri tra i due Paesi.

Ruscia-Ucrania, a guæra a va avanti: o Putin o refua d’incontrâ o Zelensky

Va avanti a guæra tra Ruscia e Ucraina: çentanæa di miscili e droin contra Kiev e Dnipro, dapeu di atri doin partii da Kiev an corpio de infrastruttue pe-o petròlio à Peterburgo. O prescidente ucraino Zelensky o l’à spedio unna lettia averta a-o Putin: «Incontremmose e finimmo sta guæra, fissemmo unna dæta». A propòsta a l’é un fermæ o feugo pin tanto che gh’é e negoçiaçioin. «Pe-o momento no gh’é raxon d’incontrâlo», a respòsta do prescidente ruscio da-o Forum econòmico. Da-i Stati Unii intanto luxe verde à di neuvi aggiutti à l’Ucraina pe 8 miliardi.

Traduçion italiaña

Russia-Ucraina, la guerra continua: Putin si rifiuta di incontrare Zelensky

La guerra tra Russia e Ucraina continua: centinaia di missili e droni contro Kiev e Dnipro, poi altri due attacchi da Kiev contro infrastrutture petrolifere a San Pietroburgo. Il presidente ucraino Zelensky ha inviato una lettera aperta a Putin: «Incontriamoci e mettiamo fine a questa guerra, fissiamo una data». La proposta è un cessate il fuoco_totale mentre sono in corso i negoziati. «Al momento non c’è motivo di incontrarlo», ha risposto il presidente russo al Forum economico. Dagli Stati Uniti, intanto, via libera a nuovi aiuti all’Ucraina per 8 miliardi di dollari.

O Paris Saint Germain o l’arresta campion d’Euröpa, un mòrto inti scontri à Budapest

O Paris Saint Germain o l’à guägno torna a Champions League e o l’é arrestou campion d’Euröpa. À Budapest i franseixi battuo l’Arsenal a-i rigoî dòppo i primmi 90 menuti e i tempi azzonti finii 1-1 co-e ræ de Havertz e Dembelè. Ma inta neutte da festa l’é scciuppou di scontri: in sciâ fin s’é contou un mòrto, un ferio grave, 800 persoñe fermæ de quæ 200 tegnui in prexon. A-i ultras ciù violenti s’é unio i black bloc e di gruppi che representan e fasce ciù marginalizzæ da popolaçion.

Traduçion italiaña

Il Paris Saint-Germain resta campione d’Europa, un morto negli scontri a Budapest

Il Paris Saint-Germain ha vinto nuovamente la Champions League, rimanendo campione d’Europa. A Budapest i francesi hanno battuto l’Arsenal ai rigori dopo i 90 minuti regolamentari e i tempi supplementari terminati 1-1 con gol di Havertz e Dembelè. Ma nella notte dei festeggiamenti sono scoppiati scontri: alla fine si è registrato un morto, un ferito grave e 800 persone fermate, di cui 200 arrestate. Agli ultras più violenti si sono uniti i black bloc e gruppi che rappresentano le fasce più emarginate della popolazione.