O Zinâ

Ediçion

E notiçie da-a Liguria

Tempo grammo in Liguria, alluvion e frañe into Levante

Neuva alluvion into Spezzin e guasti pe-o tempo grammo into Tigullio. Inta seiaña di 12 de novembre gh’é stæto de inondaçion, sorviatutto inta Magra. In stradda Volta, à Spezza, unna fraña a l’à investio un parchezzo e doe palaçi son stæti desbarassæ. Ben ben de stradde serræ inte tutta a provinsa. O giorno apreuvo l’é anæto de sorva a Lavagna à San Comban e Cogorno, co-i euggi pontæ in sce l’Entella. À Manessen, inte l’entrotæra de Zena, unna fraña a l’à isoou unna vinteña de persoñe. À l’incomenso da settemaña ch’a vëgne s’aspeta unna neuva perturbaçion ch’a portià ancon de l’ægua.

Traduçion italiaña

Maltempo in Liguria, alluvione e frane nel Levante

Nuove inondazioni nello Spezzino e danni causati dal maltempo nel Tigullio. Nella serata del 12 novembre si sono verificate inondazioni, in particolare in Val di Magra. Alla Spezia, in via Volta, una frana ha investito un parcheggio e due palazzi sono stati evacuati. Numerose strade chiuse in tutta la provincia. Il giorno seguente è esondato il Lavagna a San Colombano e Cogorno, con gli occhi puntati sull’Entella. A Manesseno, nell’entroterra di Genova, una frana ha isolato una ventina di persone. Per l’inizio della prossima settimana è previsto l’arrivo di una nuova perturbazione che porterà ulteriori piogge.

Irpef ciù bassa, scceuppa un atro caxo politico in sciâ zonta Salis

E tasce son into mezo de un neuvo caxo politico à Zena. A scindica Salis a l’à annonçiou a revixon da quöta de l’azzonta in sce l’Irpef, ch’a no saià ciù de l’1,2% pe tutti, ma ciù bassa pe-i redditi sotta i 50mia euro. «Unna gran böxia – o commento do passou viçescindico Pietro Piciocchi –. A zonta a l’é stæta costreita à fâ marcia inderê in sce l’aumento perché o governo o no l’à approvou». O viçescindico d’ancheu Alessandro Terrile o l’à replicou: «A l’é a-a reversa, a mesua a l’é fruto de un accòrdio co-o governo». Anche o viçeministro Edoardo Rixi o l’é intervegnuo contra a Salis: «No an reduto e tasce, gh’é toccou renonçiâ à tiâle sciù».

Traduçion italiaña

Irpef più bassa, scoppia un altro caso politico sulla giunta Salis

Le tasse sono al centro di un nuovo caso politico a Genova. La sindaca Salis ha annunciato la revisione dell’aliquota dell’addizionale Irpef, che non sarà più dell’1,2% per tutti, ma più bassa per i redditi sotto i 50mila euro. «Una grossa bugia – ha commentato l’ex vicesindaco Pietro Piciocchi –. La giunta è stata costretta a fare marcia indietro sull’aumento perché il governo non lo ha approvato». L’attuale vicesindaco Alessandro Terrile ha replicato: «È esattamente il contrario, il provvedimento è il frutto di un accordo con il governo». Anche il viceministro Edoardo Rixi è intervenuto contro Salis: «Non hanno ridotto le tasse, hanno dovuto rinunciare ad aumentarle».

Paçiente mòrto pe un errô a-o Galliera, doe infermee condannæ

O Tribunâ de Zena o l’à condannou doe infermee de l’uspiâ Galliera pe-a mòrte de un paçiente de 70 anni che gh’aivan dæto 80 dòse d’insuliña incangio che 8. A giudiçe Elisa Centore a gh’à dæto 8 meixi co-a condiçionale pe ammassamento corposo e a l’à assòlto unna tersa infermea. I fæti son do zenâ do 2022: l’òmmo o l’aiva finio de vive dòppo ch’o l’ea stæto in cöma pe 16 giorni. A tragedia a l’ea stæta caxonâ da un errô de scrittua into programma donde se piggiava nòtta de terapie. O mego ch’o l’à fæto l’aro e l’infermea ch’a l’à somministrou e dòse son ancon lì ch’aspetan a sentensa.

Traduçion italiaña

Paziente morto per un errore al Galliera, due infermiere condannati

Il Tribunale di Genova ha condannato due infermiere dell’ospedale Galliera per la morte di un paziente di 70 anni al quale erano state somministrate 80 dosi di insulina anziché 8. Il giudice Elisa Centore ha inflitto una pena di 8 mesi, con la condizionale, per omicidio colposo e ha assolto una terza infermiera I fatti risalgono al gennaio 2022: l’uomo è deceduto dopo essere rimasto in coma per 16 giorni. La tragedia è stata causata da un errore di trascrizione nel programma in cui venivano annotate le terapie. Il medico che ha commesso il refuso e l’infermiera che ha somministrato le dosi sono ancora in attesa di sentenza.

E notiçie da l’Italia

Allarmi bomba à deruo inte scheue, l’Italia a gh’à poia da guæra ibrida

O fantaxima da guæra ibrida o mette poia à l’Italia. A-i 11 de novembre un messaggio ch’o menassava un attentato, firmou da-o «Mikhail Andropov» cappo do «Misoginistan», o l’é arrivou à miggiæa de scheue ch’an fæto sciortî i figgeu. O giorno apreuvo l’é capitou torna o mæximo, ma o governo o l’aiva indicou de no dâghe a mente. «No s’inspaximemmo e no permettiemo à un messaggio anònimo de deçidde o lunäio de scheue», a l’à dito a prescidente do Conseggio Giorgia Meloni. Inti giorni passæ o ministro de l’Estranxeo Antonio Tajani o l’aiva denonçiou di attacchi informatichi filorusci.

Traduçion italiaña

Allarmi bomba a raffica nelle scuole, l’Italia teme la guerra ibrida

Lo spettro della guerra ibrida spaventa l’Italia. L’11 novembre un messaggio che minacciava un attentato, firmato da un certo «Mikhail Andropov» leader del «Misoginistan», è arrivato a migliaia di scuole che hanno evacuato gli studenti. Il giorno seguente l’episodio si è ripetuto, ma il governo ha dato indicazione di ignorarlo. «Non ci spaventiamo e non permetteremo che un messaggio anonimo decida il calendario scolastico», ha dichiarato la presidente del Consiglio Giorgia Meloni. Nei giorni scorsi, il ministro degli Esteri Antonio Tajani aveva denunciato attacchi informatici di matrice filorussa.

Maneuvra, e banche attaccan o governo Meloni: «Nòrme sudamericañe»

Ancon polemiche in sciâ maneuvra tra o governo Meloni e e banche, che segondo l’Abi o dovian pagâ un contributo de 29 miliardi pe-i trei anni che vëgnan. Dubbi de constituçionalitæ in sciâ nòrma ch’a spande in sce 10 anni i crediti do Superbonus. O baccan de l’Intesa Sanpaolo Messina contra a premier: «Nòrme sudamericañe». A replica: «A nòstra a l’é unna deçixon de giustiçia». Dapeu o ministro Giorgetti o l’à averto à di poscibili arrangiamenti. A Meloni a l’aiva avvertiou: «Nisciun assato, emmo da avvardâ a tegnua di conti».

Traduçion italiaña

Manovra, le banche attaccano il governo Meloni: «Norme sudamericane»

Ancora polemiche sulla manovra tra il governo Meloni e le banche, che secondo Abi dovranno versare un contributo di 29 miliardi nei prossimi tre anni. Dubbi di costituzionalità sulla norma che spalma i crediti Superbonus su 10 anni. Il numero uno di Intesa Sanpaolo contro la premier: «Norme sudamericane». La replica: «La nostra è una decisione di giustizia». Poi il ministro Giorgetti ha aperto a possibili aggiustamenti. Meloni aveva avvertito: «Nessun assalto, dobbiamo preservare la tenuta dei conti».

Strage de Viareggio, o Moretti o sciòrte d’in prexon dòppo quattro meixi

O passou amministratô delegou de Ferrovie Mauro Moretti o l’é sciortio dòppo quattro meixi d’inta prexon d’Orvieto, donde o s’ea consegnou a-a fin de zugno pe scontâ a condanna à 5 anni pe-a strage de Viareggio do 2009. O l’ea accaxonou de desastro ferroviäio corposo e inçendio. Inte l’açidente l’é mòrto 32 persoñe. O Moretti, de 73 anni, o l’à ottegnuo da-o giudiçe a detençion in cà a Romma. «O l’é vegnuo zu ben ben, e seu condiçioin de sanitæ no van d’accòrdio co-a prexon», gh’é scrito into provedimento. O comitato de vittime: «Nisciuña peña pe lê».

Traduçion italiaña

Strage di Viareggio, Moretti esce di prigione dopo quattro mesi

L’ex amministratore delegato delle Ferrovie Mauro Moretti è uscito dopo quattro mesi dal carcere di Orvieto, dove si era costituito a fine giugno per scontare la condanna a 5 anni per la strage di Viareggio del 2009. Era accusato di disastro ferroviario colposo e incendio. Nell’incidente persero la vita 32 persone. Moretti, 73enne, ha ottenuto dal giudice la detenzione domiciliare a Roma. «È molto deperito, le sue condizioni di salute non sono compatibili col carcere», si legge nel provvedimento. Il comitato delle vittime: «Nessuna pena per lui».

E notiçie da-o mondo

Guæra in Ucraina, a Ruscia a detta a condiçion: «A Finlandia feua da-a Nato»

Dòppo i incontri à Abu Dhabi tra Ruscia, Ucraina e Stati Unii, o Cremlin o l’à dettou e condiçioin pe vegnî a-a fin da guæra: feua a Finlandia da-a Nato, a Moldavia spartia, o contròllo di territöi occupæ e do Donbass, ninte truppe europee in Ucraina. L’Euröpa a l’é pronta à trattâ ma no l’é ancon ciæo chi saià o negoçiatô. O Putin o l’aiva dito a-i incarregæ di Stati Unii reçevui à Mosca: «L’Euröpa a deve deçidde s’a veu a paxe ò a guæra». O cappo da delegaçion ruscia Medinsky o l’aiva annonçiou un accòrdio pe un gròsso scangio de prexonê tra e doe parte.

Traduçion italiaña

Guerra in Ucraina, la Russia detta le condizioni: «La Finlandia fuori dalla Nato»

Dopo gli incontri ad Abu Dhabi tra Russia, Ucraina e Stati Uniti, il Cremlino ha dettato le condizioni per la fine della guerra: l’uscita della Finlandia dalla Nato, la divisione della Moldavia, il controllo dei territori occupati e del Donbass, e l’assenza di truppe europee in Ucraina. L’Europa è pronta a trattare, ma non è ancora chiaro chi svolgerà il ruolo di negoziatore. Putin aveva dichiarato ai rappresentanti statunitensi ricevuti a Mosca: «L’Europa deve decidere se vuole la pace o la guerra». Il capo della delegazione russa Medinsky aveva annunciato un accordo per un importante scambio di prigionieri tra le due parti.

Isræle, o prescidente Herzog o l’incarrega o Eisenkot pe-o neuvo governo

O prescidente isrælian Herzog o l’à incarregou o Gadi Eisenkot, o cappo do partio Yashar, de formâ o neuvo governo. O seu nomme o l’ea stæto fæto da-e fòrse politiche che gh’an 67 carreghe contra e 46 de quelli ch’avieivan sostegnuo o Benjamin Netanyahu, za primmo ministro pe vint’anni e sëi governi da-o 1996 à ancheu. «Serve un governo stabile, l’é o momento de fâ de tutto pe l’unitæ», o l’à dito o Herzog. O Eisenkot o l’à averto a-o Likud ascì. Intanto à Gazza 400mia persoñe son stæte scorrie pe de inondaçioin.

Traduçion italiaña

Israele, il presidente Herzog incarica Eisenkot per il nuovo governo

Il presidente israeliano Herzog ha incaricato Gadi Eisenkot, leader del partito Yashar, di formare il nuovo governo. Il suo nome era stato proposto dalle forze politiche che contano 67 seggi contro i 46 di coloro avrebbero sostenuto Benjamin Netanyahu, già primo ministro per vent’anni e sei governi dal 1996 ad oggi. «Bisogna dare vita a un governo stabile, è tempo di fare tutto per l’unità», ha dichiarato Herzog. Eisenkot ha aperto anche al Likud. Nel frattempo a Gaza 400mila di persone sono state sfollate a causa delle inondazioni.

Cracòvia, un zoeno o spara in scê gente: 6 mòrti e 15 ferii

Attacco into cheu de Cracòvia, in Polònia. Un zoeno vestio da sordatto o l’à sparou abrettio in scê gente in sciâ ciassa do mercou. O conto o l’é de 6 mòrti e 15 ferii, tra i quæ doî poliçiòtti, e in ciù l’attentatô, corpio da unn’arma da feugo e in condiçion critica. O se ciamma Michal Oksinki, de 25 anni, o gh’aiva l’andio de disegnâ de scene de violensa. Primma da strage o l’à ammassou o poæ, a moæ e a seu. E vittime gh’aivan tra i 32 e i 61 anni. «L’Euröpa a s’astrenze co-a Polònia into dô», a solidarietæ da prescidente da Commiscion von der Leyen.

Traduçion italiaña

Cracovia, un giovane spara sulla folla: 6 morti e 15 feriti

Attentato nel cuore di Cracovia, in Polonia. Un giovane vestito da soldato ha sparato a caso contro la folla nella piazza del mercato. Il bilancio è di 6 morti e 15 feriti, tra cui due poliziotti, oltre all’attentatore, colpito da un’arma da fuoco e in condizioni critiche. Si chiama Michal Oksinki, ha 25 anni ed era solito disegnare scene di violenza. Prima della strage ha ucciso il padre, la madre e la sorella. Le vittime avevano un’età compresa tra i 32 e i 61 anni. «L’Europa si stringe con la Polonia nel dolore», la solidarietà della presidente della Commissione von der Leyen.