O Zinâ

Ediçion

E notiçie da-a Liguria

Mobilitæ inta valle do Besagno, o Politecnico de Milan o propoñe unna cabinovia

O Politecnico de Milan o l’à propòsto unna cabinovia pe-a mobilitæ inta valle do Besagno à Zena. O studio o l’é stæto presentou à Tursci da-o professô Pierluigi Coppola e da-a scindica Silvia Salis, ch’a l’à dito: «Aivimo promisso unn’alternativa a-o Skymetro, oua veuggio trovâ unna soluçion». O scistema o l’avieiva 8 staçioin, 6,5 chilòmetri d’estenscion, 50 pilloin, unna portâ de 1.200 passaggê à l’oa, costi pe 140-160 mioin d’euro. I tecnichi an scartou de atre ipòtexi comme o tranvai, l’autobo e a metropolitaña. L’amministraçion a l’à confermou che ghe saià un percorso de parteçipaçion inti muniçippi. Critiche da l’oppoxiçion e da-i comitati ch’an za parlou de «Skymetro light».

Traduçion italiaña

Mobilità in Valbisagno, il Politecnico di Milano propone una cabinovia

Il Politecnico di Milano ha proposto una funivia per la mobilità in Valbisagno a Genova. Lo studio è stato presentato a Tursi dal professor Pierluigi Coppola e dalla sindaca Silvia Salis, che ha detto: «Avevamo promesso un’alternativa allo Skymetro, ora voglio trovare una soluzione». Il sistema avrebbe 8 stazioni, un’estensione di 6,5 chilometri, 50 piloni, una capacità di 1.200 passeggeri all’ora e un costo stimato tra i 140 e i 160 milioni di euro. I tecnici hanno scartato altre ipotesi come tram, autobus e metropolitana. L’amministrazione ha confermato che ci sarà un percorso di partecipazione nei municipi. Critiche da parte dell’opposizione e dei comitati che hanno già parlato di «Skymetro light».

Ponte Morandi, a defeisa do Castellucci: «O l’é innoçente, unna vittima da sacrificâ»

O Giovanni Castellucci, passou amministratô delegou de Autostrade per l’Italia, «o l’é innoçente» ma l’accusa pubrica o n’à fæto unna «vittima da sacrificâ» che se veu condannâ «pe quello ch’o representa e no pe quello ch’o l’à fæto ò no». Coscì l’avvocato Giovanni Paolo Accinni o l’à comensou l’aringa into proçesso pe-o deruo do ponte Morandi. O Castellucci o l’ea conligou da-a prexon donde o sconta za 6 anni pe-a strage do ponte d’Acqualonga. I avvocati an refuou quæsesegge responsabilitæ pe-o dirigente. A sentensa de primmo graddo l’é bon ch’a l’arrive avanti da stæ, dapeu o proçesso d’appello o no dovieiva comensâ primma da meitæ do 2027.

Traduçion italiaña

Ponte Morandi, la difesa di Castellucci: «È innocente, una vittima sacrificale»

Giovanni Castellucci, ex amministratore delegato di Autostrade per l’Italia, «è innocente», ma la procura lo ha trasformato in una «vittima sacrificale» che si vuole condannare «per ciò che rappresenta e non per ciò che ha fatto o non ha fatto». Così l’avvocato Giovanni Paolo Accinni ha cominciato l’arringa nel processo per il crollo del ponte Morandi. Castellucci era collegato dal carcere dove sta già scontando una pena di 6 anni per la strage del viadotto dell’Acqualonga. Gli avvocati hanno negato ogni responsabilità per il dirigente. La sentenza di primo grado dovrebbe arrivare prima dell’estate, poi il processo d’appello non dovrebbe iniziare prima della metà del 2027.

In Liguria cresce a popolaçion à reisego de povertæ, uña de pezo regioin d’Italia

A popolaçion à reisego de povertæ ò escluxon soçiale in Liguria a l’é cresciua inte un anno da-o 13,8% a-o 19,7%, saieiva à dî che squæxi un rescidente in sce çinque o s’attreuva in condiçion de grave deprivaçion ò bassa intenscitæ de travaggio. O l’é o dæto açertou da l’Istat, in controtendensa a-a media naçionale. A Liguria a l’é uña de çinque regioin che registran un pezoamento ciù marcou do 2025 insemme à Piemonte, Toscaña, Marche e Siçilia. Chi vive in sciâ ziña da misëia, in particolâ, o l’é passou da-o 10,8% a-o 17,1%.

Traduçion italiaña

In Liguria cresce la popolazione a rischio povertà, una delle regioni peggiori d’Italia

La popolazione a rischio di povertà o esclusione sociale in Liguria è aumentata in un anno dal 13,8% al 19,7%, ovvero quasi un residente su cinque si trova in una condizione di grave deprivazione o bassa intensità di lavoro. Sono i dati accertati dall’Istat, in controtendenza alla media nazionale. La Liguria è una delle cinque regioni che registrano un peggioramento più marcato nel 2025, insieme a Piemonte, Toscana, Marche e Sicilia. Chi vive sulla soglia dell’indigenza, in particolare, è passato dal 10,8% al 17,1%.

E notiçie da l’Italia

O governo o no veu e eleçioin antiçipæ, neuvo caxo mediatico in sciô Piantedosi

Ninte eleçioin antiçipæ in Italia dòppo a desfæta do governo into referendum in sciâ giustiçia. Sta chì a linia da maggioransa, co-a Meloni ch’a va cianin in sciâ recompoxiçion de l’executivo. Ma intanto l’é sätou feua un neuvo caxo, quello in sciô ministro de l’Interno Matteo Piantedosi. Inte unn’intervista a giornalista Claudia Conte, à frevâ stæta nominâ conlaboratoa de badda da commiscion d’investigaçion in scê periferie, a l’à ammisso d’avei unna relaçion con lê. O Piantedosi o l’à fæto savei ch’o l’à za incarregou un avvocato. Pe-a Direçion antimafia de Romma a Miriam Caroccia a l’à reçiclou di dinæ da camorra inta soçietæ da quæ l’ea açionista o Andrea Delmastro, ch’o l’à dæto e dimiscioin de fresco da sottosegretäio a-a Giustiçia.

Traduçion italiaña

Il governo non vuole elezioni anticipate, nuovo caso mediatico su Piantedosi

Niente elezioni anticipate in Italia dopo la sconfitta del governo nel referendum sulla giustizia. Questa la linea della maggioranza, con Meloni che frena sul rimpasto dell’esecutivo. Ma nel frattempo è emerso un nuovo caso, quello sul ministro dell’Interno Matteo Piantedosi. In un’intervista alla giornalista Claudia Conte, a febbraio nominata collaboratrice della commissione d’inchiesta sulle periferie, ha ammesso di aver avuto una relazione con lui. Piantedosi ha fatto sapere di aver già dato mandato a un avvocato. Per la Direzione antimafia di Roma Miriam Caroccia avrebbe riciclato denaro proveniente dalla camorra nella società di cui era azionista Andrea Delmastro, recentemente dimessosi da sottosegretario alla Giustizia.

Tempo grammo into Mezogiorno, un ponte deruou e un desperso in Abrusso

O tempo grammo o sobacca torna o Mezogiorno d’Italia: paixi isoæ, sciummi anæti de sorva, frañe, nevadde mai viste e o deruo de un ponte in sciô Trigno, longo a statale Adriatica in Molise. Unna machina a gh’ea in çimma inte quello momento, i soccorritoî son ancon in çerchia. A Procua a l’à averto unn’investigaçion, ma no gh’é ancon d’indagæ. Inte çerti pòsti s’é formou di muggi de neive fin à doî metri. À Passolanciano, in Abrusso, 13 persoñe son arrestæ bloccæ inte un abergo taggiou feua da tutto. Inta region gh’é çentanæa de gente sens’ægua e sensa luxe. O prescidente Marsilio o ciamma o stato d’emergensa.

Traduçion italiaña

Maltempo al Sud, un ponte crollato e un disperso in Abruzzo

Il maltempo mette ancora in ginocchio il Sud Italia: paesi isolati, fiumi esondati, frane, nevicate da record e il crollo di un ponte sul Trigno, lungo la statale Adriatica in Molise. Un’auto si trovava sopra in quel momento, i soccorritori sono ancora impegnati nelle ricerche. La Procura ha aperto un’inchiesta, ma non ci sono ancora indagati. In alcune zone si sono formati cumuli di neve alti fino a due metri. A Passolanciano, in Abruzzo, 13 persone sono rimaste bloccate in un rifugio completamente isolato. Nella regione centinaia di persone sono senz’acqua ed elettricità. Il presidente Marsilio chiede lo stato d’emergenza.

Italia feua da-i Mondiali de ballon, dimiscioin de massa da-a Federaçion

Desastro Italia into ballon: a Naçionale a l’à perso a-i rigoî contra a Bòsnia (1-1 dòppo i tempi azzonti) e a l’à mancou a qualificaçion a-i Mondiali. O prescidente da Federaçion Gabriele Gravina o s’à piggiou primma a «responsabilitæ oggettiva» da crixi, dapeu, apreuvo a-e prescioin pe-e dimiscioin arrivæ da-o ministro do Sport Abodi ascì, o l’à mollou l’incarrego. A-i 22 de zugno ghe saià e eleçioin: se parla do Abete, do Malagò ò de un gran zugou do passou. Anche o Buffon o l’à dæto e dimiscioin: «O l’é un atto de responsabilitæ, voeiva fâlo de botto», o l’à dito. E l’allenatô Rino Gattuso ascì, ch’o l’aiva ciammou scuse co-e lagrime a-i euggi, o lascia «co-o dô into cheu».

Traduçion italiaña

L’Italia fuori dai Mondiali di calcio, dimissioni di massa dalla Federazione

Disastro Italia nel calcio: la Nazionale ha perso ai rigori contro la Bosnia (1-1 dopo i supplementari) e ha mancato la qualificazione ai Mondiali. Il presidente della Federazione, Gabriele Gravina, inizialmente si è assunto la «responsabilità oggettiva» della crisi, poi, in seguito alle pressioni per le dimissioni ricevute anche dal ministro dello Sport Abodi, ha rinunciato all’incarico. Il 22 giugno si terranno le elezioni: si parla di Abete, Malagò o di un grande giocatore del passato. Anche Buffon si è dimesso: «È un atto di responsabilità, volevo farlo subito», ha dichiarato. Pure l’allenatore Rino Gattuso, che aveva chiesto scusa con le lacrime agli occhi, lascia «con il cuore spezzato».

E notiçie da-o mondo

Guæra in Iran, o Trump o va avanti e o menassa de sciortî da-a Nato

I Stati Unii van avanti co-a guæra in Iran e o prescidente Donald Trump o menassa de sciortî d’inta Nato: «Son chì à consciderâ pe da bon o retio, ormai a l’é unna tigre de papê». A-i Paixi comme o Regno Unio che s’en refuæ d’intervegnî o l’à dito: «Anæ à Hormuz e piggiæve o petròlio da soli». Intanto, dòppo a Spagna, l’Italia ascì a l’à denegou a base de Sigonella pe-i aeroplen americhen. O cappo da Casa Gianca o l’à promisso che a guæra a finià inte 2-3 settemañe e o l’à annonçiou into descorso a-a naçion: «Reportiemo l’Iran à l’etæ da pria». O pilòtto de un F-35 american o saieiva stæto acciappou da-e fòrse de Teheran dòppo ch’o s’é cacciou de feua. O pappa Lion: «Vivemmo unn’oa scua da stöia».

Traduçion italiaña

Guerra in Iran, Trump va avanti e minaccia di uscire dalla Nato

Gli Stati Uniti continuano la guerra in Iran e il presidente Donald Trump minaccia di uscire dalla Nato: «Sto seriamente considerando il ritiro, ormai è una tigre di carta». Ai Paesi come il Regno Unito, che si sono rifiutati di intervenire, ha detto: «Andate a Hormuz e prendetevi il petrolio da soli». Nel frattempo, dopo la Spagna, anche l’Italia ha negato la base di Sigonella agli aerei americani. Il capo della Casa Bianca ha promesso che la guerra finirà in 2-3 settimane e ha annunciato nel discorso alla nazione: «Riporteremo l’Iran all’età della pietra». Il pilota di un F-35 americano sarebbe stato catturato dalle forze di Teheran dopo essersi lanciato fuori. Papa Leone: «Stiamo vivendo un’ora buia della storia».

Isræle o l’impedisce a messa de Parme, peña de mòrte pe-i atti de terroriximo

Pe-a primma vòtta Isræle o no l’à permisso a-o patriarca de Gerusalemme, o cardinâ Pizzaballa, de çelebrâ a messa a-o Santo Seporto inta Domenega de Parme. O Netanyahu o l’à parlou de «raxoin de seguessa», dapeu o l’à annonçiou un cian pe garantî e çelebraçioin inta Settemaña Santa. Messaggi de condanna son arrivæ da l’Italia e da-a Fransa. I vescoi an espresso «indignaçion» e an domandou unna tregua pe Pasqua. Intanto a Knesset a l’à approvou a lezze co-a peña de mòrte pe-i atti de terroriximo. Porrià ëse condannou chi caxoña a mòrte de unna persoña con l’intençion de denegâ l’existensa do Stato d’Isræle. L’Assoçiaçion pe-i driti çivili a l’à annonçiou un recorso a-a Corte supremma.

Traduçion italiaña

Israele impedisce la messa delle Palme, pena di morte per gli atti di terrorismo.

Per la prima volta Israele non ha permesso al patriarca di Gerusalemme, il cardinale Pizzaballa, di celebrare la messa a Santo Sepolcro nella Domenica delle Palme. Netanyahu ha parlato di «ragioni di sicurezza» per poi annunciare un piano per garantire le celebrazioni durante la Settimana Santa. Messaggi di condanna sono giunti dall’Italia e dalla Francia. I vescovi hanno espresso «indignazione» e hanno chiesto una tregua per Pasqua. Nel frattempo, la Knesset ha approvato la legge che prevede la pena di morte per gli atti di terrorismo. Potrà essere condannato chiunque causi la morte di una persona con l’intento di negare l’esistenza dello Stato di Israele. L’Associazione per i diritti civili ha annunciato un ricorso alla Corte suprema.

L’umanitæ a torna in sciâ Luña dòppo 54 anni, partia a miscion Artemis II

Pe-a primma vòtta dòppo 54 anni, de persoñe son torna in viægio pe-a Luña. Inta neutte tra o 1° e i 2 d’arvî a miscion Artemis II da Nasa a l’é partia da Cape Canaveral con quattro astronauti à bòrdo da Cape Canaveral, a-i 3 d’arvî a navetta Orion a l’à lasciou l’òrbita da Tæra. L’obiettivo o l’é construe unna base in sciô terren da Luña comme ponto de partensa pe-e esploraçioin de Marte che vegnian. «Gh’é unna vista mäveggiosa da Tæra – o l’à contou o canadeise Jeremy Hansen –. Nisciun de noiatri o l’arriësce à mangiâ perché semmo attaccæ a-i barconetti». A miscion, ch’a dovieiva duâ dexe giorni inte l’insemme, a porrieiva arrivâ into ponto ciù lontan da Tæra mai toccou.

Traduçion italiaña

L’umanità torna sulla Luna dopo 54 anni, partita la missione Artemis II

Per la prima volta dopo 54 anni, delle persone sono nuovamente in viaggio per la Luna. Nella notte tra il 1° e il 2 aprile, la missione Artemis II della Nasa è partita da Cape Canaveral con quattro astronauti a bordo, mentre il 3 aprile la navetta Orion ha lasciato l’orbita terrestre. L’obiettivo è costruire una base sul suolo lunare, che servirà da punto di partenza per future esplorazioni su Marte. «C’è una vista meravigliosa della Terra», ha raccontato il canadese Jeremy Hansen. «Nessuno di noi riesce a mangiare perché siamo incollati ai finestrini». La missione, che dovrebbe durare dieci giorni in totale, potrebbe raggiungere il punto più lontano della Terra mai toccato.