O Zinâ

Ediçion

E notiçie da-a Liguria

Senti a verscion registrâ:

Tunnel sotta o pòrto, partio i travaggi: «Pronto do 2029»

L’é partio i travaggi pe-o tunnel sotta o pòrto de Zena. A-a çeimònia in pòrto sotta a Lanterna, donde l’é comensou a demoliçion do primmo cabannon, l’à parteçipou i ministri Matteo Salvini e Matteo Piantedosi. Segondo e previxoin d’Autostrade, ch’a construià o tunnel co-a seu soçietæ Amplia, a neuva stradda a l’arvià a-o traffego inte l’agosto do 2029. I costi son montæ da-i 700 mioin de l’accòrdio originale à pöcassæ un miliardo. E a Sorvelevâ? «Son doe cöse despæge – o l’à dito o scindico Marco Bucci – quande ghe saià o tunnel a çittæ a deçiddià s’a vorrià tegnîla». O prescidente ligure Giovanni Toti o l’à pròposto de dedicâ o tunnel a-e 43 vittime do deruo do ponte Morandi: «O l’é un passo avanti piccin da quella tragedia». Unna frase ch’a l’à fæto arraggiâ i pænti de vittime: «Ghe semmo arrestæ, no porriemo mai açettâlo – a l’à commentou a prescidente do comitato Egle Possetti –. I dinæ pe fâ quello travaggio son parte de un accòrdio ch’o mette fin à unna presensa fòrte de instituçioin into proçesso, unn’atra de vergheugne de sti anni».

Traduçion italiaña

Tunnel subportuale, partiti i lavori: «Pronto nel 2029»

Sono iniziati i lavori per il tunnel subportuale di Genova. Alla cerimonia in porto sotto la Lanterna, dove è iniziata la demolizione del primo capannone, hanno partecipato i ministri Matteo Salvini e Matteo Piantendosi. Secondo le previsioni di Autostrade, che costruirà il tunnel con la sua società Amplia, la nuova strada aprirà al traffico nell’agosto 2029. I costi sono aumentati dai 700 milioni dell’accordo originale a circa un miliardo. E la Sopraelevata? «Sono due cose diverse – ha detto il sindaco Marco Bucci – quando ci sarà il tunnl la città deciderà se vorrà tenerla». Il presidente ligure Giovanni Toti ha proposto di dedicare il tunnel alle 43 vittime del crollo del ponte Morandi: «È un piccolo passo avanti rispetto a quella tragedia». Una frase che ha fatto arrabbiare i parenti delle vittime: «Siamo allibiti, non potremo mai accettarlo – ha commentato la presidente del comitato Egle Possetti –. I soldi per realizzare quell’opera sono parte di un accordo che mette fine a una presenza forte delle istituzioni nel processo, un’altra delle vergogne di questi anni».

Mòrte da Camilla Canepa pe-a vacciña, çinque meghi indagæ

Gh’é çinque indagæ pe-a mòrte da Camilla Canepa, a figgia de 18 anni ch’a l’à perso a vitta do 2021 dòppo vaccinâ contra o Covid con l’Astrazeneca à un di open day organizzæ pe-i zoeni. Son tutti meghi do pronto soccorso de Lavagna, accaxonæ de no avei fæto tutti i açertamenti previsti da-o protocòllo sanitäio pe descrovî a tromböxi ch’a l’aiva corpia, unna proçedua ch’a gh’avieiva permisso de sarvâse. A Procua a l’ipotizza l’ammassamento corposo e o fäso ideològico: saivan che a Repetto a s’ea vaccinâ con l’Astrazeneca ma no l’an scrito inta cartella clinica. L’autopscia, pe contra, a l’aiva ascciæio che a mòrte a l’ea stæta caxonâ da-a vacciña, somministrâ a-i 25 de mazzo. A-i 3 de zugno a s’ea sentia mâ, o giorno apreuvo gh’an fæto unna Tac sensa contrasto e l’an dimissa. A-i 5 a l’ea za a-o San Martin de Zena in condiçioin despiæ, a-i 10 a l’é mòrta. Oua i indagæ an 20 giorni pe presentâ de memöie e fâse interrogâ, dapeu i pm porrian domandâ de mandâli à giudiçio.

Traduçion italiaña

Morte di Camilla Canepa per il vaccino, cinque medici indagati

Ci sono cinque indagati per la morte di Camilla Canepa, la ragazza di 18 anni che ha perso la vita nel 2021 dopo essere stata vaccinata contro il Covid con Astrazeneca a uno degli open day organizzati per i giovani. Sono tutti medici del pronto soccorso di Lavagna, accusati di non aver compiuto tutti gli accertamenti previsti dal protocollo sanitario per scoprire la trombosi che l’aveva colpita, una procedura che le avrebbe permesso di salvarsi. La Procura ipotizza l’omicidio colposo e il falso ideologico: sapevano che Repetto si era vaccinata con Astrazeneca ma non l’hanno scritto nella cartella clinica. L’autopsia, invece, aveva chiarito che la morte era stata causata dal vaccino, somministrato il 25 maggio. Il 3 giugno si era sentita male, il giorno dopo le hanno fatto una Tac senza contrasto e l’hanno dimessa. Il 5 era già al San Martino di Genova in condizioni disperate, il 10 è morta. Ora gli indagati hanno 20 giorni per presentare memorie e farsi interrogare, poi i pm potranno chiedere il rinvio a giudizio.

Sanitæ, a-i privæ 120 prestaçioin e a gestion de l’uspiâ de Bordighea

A Region Liguria a l’à assegnou 120mia prestaçioin de diagnòstica a-i privæ che da chì à no guæi se porrian prenottâ. A l’é a strategia da zonta Toti pe taggiâ e liste d’atteisa da sanitæ. Segondo i dæti do ministëio de Finanse a Liguria a l’é uña de Regioin che spendan ciù pöco pe dâ de prestaçioin a-i privæ con l’11,9% contra unna media naçionale do 20,3%. Anche Campania, Pulia e Emilia Romagna stan de d’ato. Intanto l’é comensou a neuva gestion privâ de l’uspiâ Saint Charles de Bordighea ch’a vedde a Gvm Care & research convençionâ con l’Asl 1, a primma vòtta in Liguria. «I çittæn gh’avian i mæximi serviçi che un uspiâ pubrico, sensa pagâ ninte de ciù», o l’à dito o prescidente Giovanni Toti. Pe arrestâ into Ponente, a zonta da Region a l’à approvou o primmo incarrego pe-o papê de fattibilitæ de alternative de progetto pe-o neuvo uspiâ de Taggia.

Traduçion italiaña

Sanità, ai privati 120mila prestazioni e la gestione dell’ospedale di Bordighera

La Regione Liguria ha assegnato 120mila prestazioni di diagnostica ai privati che a breve si potranno prenotare. È la strategia della giunta Toti per tagliare le liste d’attesa della sanità. Secondo i dati del ministero delle Finanze la Liguria è una delle Regioni che spendono meno per affidare prestazioni ai privati con l’11,9% contro una media nazionale del 20,3%. Anche Campania, Puglia ed Emilia Romagna si collocano più in alto. Intanto è iniziata la nuova gestione privata dell’ospedale Saint Charles di Bordighera che vede la Gvm Care & research convenzionata con l’Asl 1, la prima volta in Liguria. «I cittadini avranno gli stessi servizi di un ospdale pubblico, senza pagare niente di più», ha detto il presidente Giovanni Toti. Per rimanere nel Ponente, la giunta regionale ha approvato il primo incarico per il documento di fattibilità delle alternative progettuali per il nuovo ospedale di Taggia.

E notiçie da l’Italia

Senti a verscion registrâ:

Personaggi spionezzæ, scandalo in Italia: 15 indagæ e politica innaiâ

O l’é un scandalo naçionale l’investigaçion da Procua de Perugia, partia da unna denonçia do ministro Crosetto, in sce l’attivitæ abuxiva d’arrecuggeita de dæti a-i danni de un muggio de personaggi in vista comme politichi, sportivi e imprenditoî. Tra i spionezzæ gh’é ben ben de ministri do governo Meloni, parlamentari, o Giuseppe Conte e a seu galante, a Marta Fascina, o Fedez, o Cristiano Ronaldo e o prescidente da Figc Giancarlo Gravina, che intanto o l’é stæto indagou da-a Procua de Romma pe auto-laveuia de dinæ. «Numei da mette poia», o l’à dito o cappo da Procua Raffaele Cantone. Sta tutto d’in gio a-o Pasquale Striano, un finançiê ch’o l’ea into gruppo de travaggio da Procua naçionale antimafia e o poeiva intrâ into scistema de segnalaçioin d’operaçioin bancäie sospette. Inte l’insemme gh’é 15 persoñe indagæ, tra e quæ anche trei giornalisti ch’avieivan reçevuo de informaçioin reservæ. Sciben che se parla de dossieraggio, a mæxima Procua ch’a l’indaga a l’à taggiou feua st’ipòtexi. «L’é graviscimo, veuggio savei chi son i mandanti», l’é intervegnuo a prescidente do Conseggio Giorgia Meloni. Pe-a Lega o l’é un «spionezzo inlegale de stampo sovietico» e a l’avverte ch’a l’é pronta à ciammâ i danni. A Elly Schlein ascì, segrettäia do Pd, a commenta: «Gravitæ mai vista, che o governo o fasse ciæo».

Traduçion italiaña

Personaggi spiati, scandalo in Italia: 15 indagati e politica in subbuglio

È uno scandalo nazionale l’inchiesta della Procura di Perugia, partita da una denuncia del ministro Crosetto, sull’attività abusiva di raccolta di dati ai danni di numerosi personaggi in vista come politici, sportivi e imprenditori. Tra gli spiati ci sono molti ministri del governo Meloni, parlamentari, Giuseppe Conte e la sua compagna, Marta Fascina, Fedez, Cristiano Ronaldo e il presidente della Figc Giancarlo Gravina, che intanto è stato indagato dalla Procura di Roma per autoriciclaggio. «Numeri spaventosi», ha detto il procuratore capo Raffaele Cantone. Tutto ruota intorno a Pasquale Striano, un finanziere che era nel gruppo di lavoro della Procura nazionale antimafia e poteva accedere al sistema di segnalazioni di operazioni bancarie sospette. Nel complesso ci sono 15 persone indagate, tra cui anche tre giornalisti che avrebbero ricevuto informazioni riservate. Benché si parli di dossieraggio, la stessa Procura che indaga ha escluso questa ipotesi. «È gravissimo, voglio sapere chi sono i mandanti», è intervenuta la presidente del Consiglio Giorgia Meloni. Per la Lega è uno «spionaggio illegale di stampo sovietico» e avverte che è pronta a chiedere i danni. Anche Elly Schlein, segretaria del Pd, commenta: «Gravità inaudita, il governo faccia chiarezza».

Mòrta a Barbara Balzerani, passâ terrorista de Bregadde Rosse

A l’é mòrta à Romma de 75 anni à Barbara Balzerani, passâ terrorista de Bregadde Rosse ch’a l’aiva parteçipou à ben ben d’assascinni e a-o sequestro do Aldo Moro. A no s’é mai pentia e a no l’à mai piggiou e distanse, ma a l’à deciarou un profondo mâprô pe chi l’é stæto corpio da-i terroristi. A l’ea stæta tra i urtimi agguantæ do 1985, da-o 2011 a l’ea tornâ in libertæ. Ma l’é scciuppou a polemica in sce un tweet pubricou e scancellou da-a Donatella Di Cesare, professoa de filosofia de l’universcitæ La Sapienza: «A teu revoluçion a l’é stæta a mæ ascì. Un addio a-a compagna Luna», o testo accompagnou da unna fotografia da Balzerani. Raffega d’attacchi, mascime da-o çentro-drita. «Son mäveggiâ e abbarlugâ – a l’à replicou a Di Cesare –. Son sempre stæta lontaña da tutte e forme de violensa». Pe-a ministra Anna Maria Bernini de poule «arresegæ che no van d’accòrdio co-a responsabilitæ de l’insegnamento». A rettoa Antonella Polimeni a l’à piggiou e distanse, dapeu l’ateneo o l’à averto un proçedimento in sciâ professoa.

Traduçion italiaña

Morta Barbara Balzerani, ex terrorista delle Brigate Rosse

È morta a Roma a 75 anni Barbara Balzerani, ex terrorista delle Brigate Rosse che aveva partecipato a molti assassini e al sequestro di Aldo Moro. Non si è mai pentita e non si è mai dissociata, ma ha dichiarato un profondo rammarico per chi è stato colpito dai terroristi. Era stata tra gli ultimi catturati nel 1985, dal 2011 era tornata in libertà. Ma è scoppiata la polemica su un tweet pubblicato e cancellato da Donatella Di Cesare, professoressa di filosofia dell’università La Sapienza: «La tua rivoluzione è stata anche la mia. Un addio alla compagna Luna», il testo accompagnato da una foto di Balzerani. Raffica di attacchi, soprattutto dal centrodestra. «Sono stupita e sconcertata – ha replicato Di Cesare –. Sono sempre stata lontana da tutte le forme di violenza». Per la ministra Anna Maria Bernini parole «pericolose che non si conciliano con la responsabilità dell’insegnamento». La rettrice Antonella Polimeni ha preso le distanze, quindi l’ateneo ha avviato un procedimento sulla professoressa.

8 marso, l’intervento do Mattarella e a polemica in scî cortëi

«Son ancon frequenti di asciddi che no se peuan açettâ, de prescioin inleçite into mondo do travaggio, de discriminaçion, comme vëgne denonçiou da di anni». Coscì o prescidente da Repubrica Sergio Mattarella a-i 8 de marso, a Giornâ internaçionale da dònna, con regordâ e violense e in particolâ a Giulia Cecchettin. O movimento Non una di meno o l’à inandiou di cortëi inte tante çittæ italiañe con di striscioin contra o patriarcato e o governo ma ascì à sostëgno da Palestiña. E pròpio in sce sto ponto s’é averto unn’atra polemica. «Un corteo ch’o tëgne feua e dònne isræliañe violentæ e ammassæ a-i 7 d’ottobre», a l’à attaccou a Noemi Di Segni, prescidente de l’Union de Communitæ ebraiche. A ministra de Opportunitæ pæge Eugenia Maria Roccella a s’é missa da-a seu parte e a l’à propòsto che i 7 d’ottobre, anniversäio de l’attacco de Hamas, vëgnan o Giorno contra o femminiçidio de massa.

Traduçion italiaña

8 marzo, l’intervento di Mattarella e la polemica sui cortei

«Sono ancora frequenti molestie inaccettabili, pressioni illecite nel mondo del lavoro, discriminazioni, come viene denunciato da anni». Così il presidente della Repubblica Sergio Mattarella l’8 marzo, la Giornata internazionale della donna, ricordando le violenze e in particolare Giulia Cecchettin. Il movimento Non una di meno ha organizzato cortei in tante città italiane con striscioni contro il patriarcato e il governo ma anche a sostegno della Palestina. E proprio su questo punto si è aperta un’altra polemica. «Un corteo che esclude le donne israeliane, stuprate e uccise il 7 ottobre», ha attaccato Noemi Di Segni, presidente dell’Unione delle Comunità ebraiche. La ministra delle Pari opportunità Eugenia Maria Roccella si è schierata dalla sua parte e ha proposto che il 7 ottobre, anniversario dell’attacco di Hamas, diventi il Giorno contro il femminicidio di massa.

E notiçie da-o mondo

Senti a verscion registrâ:

Gazza, tregua ciù lontaña. Primmi mòrti into Mâ Rosso

S’allontaña a tregua à Gazza: a delegaçion isræliaña a l’à desertou e negoçiaçioin a-o Cairo in sciô fermæ o feugo e o scangio de prexonê con Hamas. O Stato ebraico o veu conosce i nommi di ostaggi che se dovieiva liberâ e verificâ o numeo de detegnui palestineixi da lasciâ anâ. Intanto o prescidente american Joe Biden o l’à propòsto a-o Congresso unna miscion militare d’emergensa in sciâ riva de Gazza pe construe unna banchiña a-o largo che se ghe pòsse ormezzâ di barchi ciù grendi co-i aggiutti pe-a popolaçion. Into Mâ Rosso, un miscile di Houthi partio d’into Yemen o l’à corpio unna nave grega caxonando trei mòrti inta ciusma. Fransa, Germania, Italia e Greçia parteçipian a-a miscion Aspides pe defende e nave de mercançie e abbatte di miscili ò di droin lansæ contra de quelle. No ghe saià nisciun attacco preventivo, à differensa da miscion Prosperity Guardian de Stati Unii e Regno Unio.

Traduçion italiaña

Gaza, tregua più lontana. Primi morti nel Mar Rosso

Si allontana la tregua a Gaza: la delegazione israeliana ha disertato i negoziati al Cairo sul cessate il fuoco e lo scambio di prigionieri con Hamas. Lo Stato ebraico vuole conoscere i nomi degli ostaggi che dovrebbero essere liberati e verificare il numero di detenuti palestinesi da rilasciare. Intanto il presidente americano Joe Biden ha proposto al Congresso una missione militare d’emergenza sulla costa di Gaza per costruire una banchina al largo dove si possano ormeggiare navi più grandi con gli aiuti per la popolazione. Nel Mar Rosso un missile degli Houthi partito dallo Yemen ha colpito una nave greca provocando tre morti nell’equipaggio. Francia, Germania, Italia e Grecia parteciperanno alla missione Aspides per difendere le navi mercantili e abbattere missili o droni lanciati contro di esse. Non ci sarà nessun attacco preventivo, a differenza dalla missione Prosperity Guardian di Stati Uniti e Regno Unito.

Stati Unii, o Trump o l’avansa. O Biden: «Reisego pe-a democraçia»

S’ascada l’äia inti Stati Unii in vista de eleçioin de novembre. A Corte supremma a l’à confermou che o Trump o se peu candidâ a-e primmäie perché solo o Congresso federale o peu bandîlo pe-a seu fonçion inte l’assato à Capitol Hill do 2021. E dòppo l’exito do Super Tuesday, ch’o l’à marcou o dominio areo do tycoon into campo repubrican, a Nikki Halley a l’à annonçiou o retio da-a regatta. Ma anche o Biden o l’à fæto o pin de voti tra-i democratichi, e coscì pâ sempre ciù vexin un neuvo scontro tra i doî. O prescidente o l’à prononçiou de poule de feugo contra o Trump: «L’ea da-i tempi da guæra çivile che a libertæ e a democraçia no ean sotta attacco comme ancheu», o l’à dito into descorso a-o Congresso e o l’à accaxonou de sottomettise a-o Putin.

Traduçion italiaña

Stati Uniti, Trump avanza. Biden: «Pericolo per la democrazia»

Si scalda l’aria negli Stati Uniti in vista delle elezioni di novembre. La Corte suprema ha confermato che Trump si può candidre alle primarie perché solo il Congresso federale può bandirlo per il suo ruolo nell’assalto a Capitol Hill del 2021. E dopo l’esito del Super Tuesday, che ha segnato il dominio totale del tycoon nel campo repubblicano, Nikki Halley ha annunciato il ritiro dalla corsa. Ma anche Biden ha fatto il pieno di voti tra i democratici, e così sembra sempre più vicino un nuovo scontro tra i due. Il presidente ha pronunciato parole di fuoco contro Trump: «Era dai tempi della guerra civile che la libertà e la democrazia non erano sotto attacco come oggi», ha detto nel discorso al Congresso e lo ha accusato di sottomettersi a Putin.

In Fransa l’abòrto inta Constituçion, primma vòtta in Euröpa

A Fransa a l’é o primmo Paise europeo à mette l’abòrto inta Constituçion. E doe camie do Parlamento, riunie in Congresso inta reggia de Versagge, an approvou unn’azzonta à l’articolo ch’o definisce i driti çivili, passâ con 780 scì in sce 925. O testo o dixe coscì: «A lezze a determina e condiçioin inte quæ se fa vai a libertæ garantia a-a dònna d’addeuviâ unn’interruçion volontäia da gestaçion». «Un messaggio universale», o l’à scrito o prescidente Emmanuel Macron. «O mæ còrpo, a mæ deçixon», a frase mandâ in sciâ Tour Eiffel. Ma da-a Gexa arriva de critiche: pe l’Academia pontifiçia pe-a vitta «pròpio inte l’epoca di driti umoen universali no peu ësighe un drito à desentegâ unna vitta umaña». I vescoi franseixi an ciammou a preghea e o zazzun contra a reforma e çentanæa d’anti-abortisti an manifestou davanti a-a reggia.

Traduçion italiaña

In Francia l’aborto in Costituzione, prima volta in Europa

La Francia è il primo Paese europeo a inserire l’aborto nella Costituzione. Le due camere del Parlamento, riunite in Congresso nella reggia di Versailles, hanno approvato un’aggiunta all’articolo che definisce i diritti civili, passata con 780 voti favorevoli su 925. Il testo recita così: «La legge determina le condizioni in cui si esercita la libertà garantita alla donna di ricorrere all’interruzione volontaria di gravidanza». «Un messaggio universale», ha scritto il presidente Emmanuel Macron. «Il mio corpo, la mia scelta», la frase proiettata sulla Tour Eiffel. Ma dalla Chiesa arrivano critiche: per l’Accademia pontificia per la vita «proprio nell’epoca dei diritti universali non può esserci un diritto a sopprimere una vita umana». I vescovi francesi hanno chiesto preghiera e digiuno contro la riforma e centinaia di antiabortisti hanno manifestato davanti alla reggia.