O Zinâ

Ediçion

E notiçie da-a Liguria

Senti a verscion registrâ:

Sanremmo, doî studenti investii da un camio: un mòrto e unna feria graviscima

Tragedia à Sanremmo a-i 23 de frevâ. Un camio o l’à investio doî fræ ch’anavan a-a scheua à Bussaña: o primmo, de 17 anni, o l’é mòrto e unna figgia de 15 anni a l’é graviscima à l’uspiâ Santa Coroña da Pria. I doî studenti, d’origine tunexiña, stavan à Trieua. L’autista, ch’o no s’é affermou dòppo l’açidente avvegnuo in sce unna stradda proibia a-i pedoin, o l’é stæto arrestou da lì à no guæi pe ammassamento stradale, omiscion de soccorso e lexoin corpose. A-a poliçia o l’à dito ch’o no s’ea accòrto de ninte. O mezzo o l’é stæto sexio. «No gh’é de poule, semmo vexin a-a famiggia», o l’à dito o scindico de Trieua Massimo Di Fazio.

Traduçion italiaña

Sanremo, due studenti investiti da un camion: un morto e una ferita gravissima

Tragedia a Sanremo il 23 febbraio. Un camion ha investito due fratelli che andavano a scuola a Bussana: il primo, 17enne, è morto e una ragazza di 15 anni è gravissima all’ospedale Santa Corona di Pietra Ligure. I due studenti, di origine tunisina, abitavano a Triora. L’autista, che non si è fermato dopo l’incidente avvenuto su una strada vietata ai pedoni, è stato arrestato poco dopo per omicidio stradale, omissione di soccorso e lesioni colpose. Alla polizia ha detto che non si era accorto di niente. Il mezzo è stato sequestrato. «Non ci sono parole, siamo vicini alla famiglia», ha detto il sindaco di Triora Massimo Di Fazio.

Mòrta pe l’asportaçion de un melanöma, assòlto o santon de Borzonasca

O l’é stæto assòlto in appello o Paolo Bendinelli, o santon e responsabile do çentro olistico Anidra de Borzonasca accaxonou da mòrte da Roberta Repetto, a dònna de 40 anni ammassâ da-e metastaxi de un melanöma che gh’aivan asportou doî anni avanti, sensa anestexia e in sciâ töa de unna coxiña. A peña a l’é stæta reduta pe-o mego brescian Paolo Oneda. Apreuvo à l’operaçion a Repetto a l’ea stæta cuâ con de erbe, de tisañe e da meditaçion. In primmo graddo o Bendinelli o l’ea stæto condannou à trei anni e quattro meixi pe ammassamento corposo. Za alantô o giudiçe o l’aiva scrito che «i scintomi no poeivan fâ pensâ ch’a saieiva mòrta». «E sentense se rispettan, ma pe mi o l’é un dô», a l’à commentou a seu Rita Repetto.

Traduçion italiaña

Morta per l’asportazione di un melanoma, assolto il santone di Borzonasca

È stato assolto in appello Paolo Bendinelli, il santone e responsabile del centro olistico Anidra di Borzonasca accusato della morte di Roberta Repetto, la donna di 40 anni uccisa dalle metastasi di un melanoma che le avevano asportato due anni prima, senza anestesia e sul tavolo di una cucina. La pena è stata ridotta per il medico bresciano Paolo Oneda. Dopo l’operazione Repetto era stata curata con erbe, tisane e meditazione. In primo grado Bendinelli era stato condannato a tre anni e quattro mesi per omicidio colposo. Già allora il giudice aveva scritto che «i sintomi non potevano far pensare che sarebbe morta». «Le tendenze si rispettano, ma per me è doloroso», ha commentato la sorella Rita Repetto.

A-o San Martin o primmo tracianto de figæto in Italia sensa fermâ o sangue

Pe-a prima vòtta in Italia un figæto o l’é stæto traciantou sensa interrompîne a çircolaçion do sangue de drento. L’intervento o l’é stæto fæto a-i 8 de zenâ à l’uspiâ San Martin de Zena, into çentro commandou da-o Enzo Andorno. L’òrgano o no s’é mai fermou de reçeive do sangue into passaggio da-o donatô a-a paçiente, che da lì à quattro giorni a l’é sciortia d’inta terapia intensciva e dòppo træ settemañe a l’é stæta mandâ à cà. «O San Martin o se conferma unn’eminensa naçionale – o l’à commentou o prescidente Giovanni Toti –. Oua semmo a-o travaggio pe inandiâ za st’anno chì i tracianti de cheu ascì, sempre a-o San Martin».

Traduçion italiaña

Al San Martino il primo trapianto di fegato in Italia senza fermare il sangue

Per la prima volta in Italia un fegato è stato trapiantato senza interromperne la circolazione sanguigna all’interno. L’intervento è stato eseguito l’8 gennaio all’ospedale San Martino di Genova, nel centro diretto da Enzo Andorno. L’organo non ha mai smesso di ricevere sangue nel passaggio dal donatore alla paziente, che in quattro giorni è uscita dalla terapia intensiva e dopo tre settimane è stata dimessa. «Il San Martino si conferma un’eccellenza nazionale – ha commentato il presidente Giovanni Toti –. Ora siamo al lavoro per avviare già quest’anno anche i trapianti di cuore, sempre al San Martino».

E notiçie da l’Italia

Senti a verscion registrâ:

Mòrti in sciô travaggio, tròppi cantê feua de lezze: a streita do governo

Interdiçion fin à 5 anni pe-e açiende con de gròsse violaçioin. A l’é uña de ipòtexi à l’examme do governo dòppo o squascio into cantê de l’Esselunga de Firense ch’o l’à caxonou çinque mòrti. A dita incarregâ di travaggi a l’ea l’Aep (Attività Edilizie Pavesi), a mæxima do cantê de San Benigno à Zena donde gh’ea za stæto di derui. Oua a Procua a l’indaga in scê açiende ciù picciñe che louavan sotta contræto, donde gh’ea ascì di foresti inregolari. O ministro da giustiçia Carlo Nordio o s’é deciarou conträio à l’introduçion do crimine d’ammassamento in sciô travaggio. Da-i dæti reportæ da-a ministra do Travaggio Marina Calderone, ciù do 76% di cantê controllæ do 2023 aivan de inregolaritæ, l’85% e passa into caxo di travaggi ligæ a-o Superbonus.

Traduçion italiaña

Morti sul lavoro, troppi cantieri fuorilegge: la stretta del governo

Interdizione fino a 5 anni per le aziende con gravi violazioni. È una delle ipotesi allo studio del governo dopo il crollo nel cantiere Esselunga di Firenze che ha causato cinque morti. La ditta incaricata dei lavori era l’Aep (Attività Edilizie Pavesi), la stessa del cantiere di San Benigno a Genova dove c’erano già stati crolli. Ora la Procura indaga sulle aziende più piccole che lavoravano in subappalto, dove c’erano anche stranieri irregolari. Il ministro della giustizia Carlo Nordio si è dichiarato contrario all’introduzione del reato di omicidio sul lavoro. Dai dati riportati dalla ministra del Lavoro Marina Calderone, più del 76% dei cantieri controllati nel 2023 avevano irregolarità, oltre l’85% nel caso dei lavori legati al Superbonus.

Terso incarrego pe-i governatoî, a maggioransa a se scciappa

Neuva scciappeuia inta maggioransa de governo. Stavòtta à spartî e fòrse politiche o l’é o terso incarrego pe-i prescidenti de Regioin. I senatoî de Fratelli d’Italia e Forza Italia, insemme à l’oppoxiçion, an votou contra l’emendamento da Lega: da-a seu parte solo Italia Viva. «Nisciun problema pe-o governo – o l’à dito o Matteo Salvini – se ne parlià in parlamento». A prescidente do Conseggio Giorgia Meloni a l’à arregordou che l’argomento «o no l’ea drento a-o programma» de governo e a l’à asseguou che no gh’é da sciätâse pe-a tegnua da maggioransa. O Massimiliano Fedriga, prescidente do Friuli e da Conferensa de Regioin, o l’à domandou d’inandiâ un confronto co-o governo.

Traduçion italiaña

Terzo mandato per i governatori, la maggioranza si spacca

Nuova spaccatura nella maggioranza di governo. Stavolta a dividere le forze politiche è il terzo mandato per i presidenti delle Regioni. I senatori di Fratelli d’Italia e Forza Italia, insieme all’opposizione, hanno votato contro l’emendamento della Lega: dalla sua parte solo Italia Viva. «Nessun problema per il governo – ha detto Matteo Salvini – se ne parlerà in parlamento». La presidente del Consiglio Giorgia Meloni ha ricordato che il tema «non era all’interno del programma» di governo e ha assicurato che non c’è da preoccuparsi per la tenuta della maggioranza. Massimiliano Fedriga, presidente del Friuli e della Conferenza delle Regioni, ha chiesto di avviare un confronto col governo.

Inquinamento mai coscì erto inta Cianua Padaña, allarme pe-o PM10

L’äia a no l’é mai stæta coscì atteuscegâ inta Cianua Padaña. Ô dixe i dæti de l’osservatöio europeo Copernicus, ma anche un studio pubricou in sciâ revista Science segondo o quæ l’anidride carbònica a l’é a-o livello ciù erto di urtimi 14 mioin d’anni. Pe-a clascifica da soçietæ svissera IqAir inte sti giorni de frevâ Milan a l’é stæta a tersa çittæ ciù inquinâ a-o mondo. O scindico Giuseppe Sala o l’à contestou i dæti, ma intanto in Lombardia e in Emilia Romagna l’é comensou e mesue anti-smog de primmo livello pe-a pua sottî – saieiva à dî o PM10 – ch’a l’à passou pe coscì i limiti de lezze pe-a sanitæ de persoñe.

Traduçion italiaña

Inquinamento mai così alto in Pianura Padana, allarme PM10

L’aria non è mai stata così insalubre in Pianura Padana. Lo dicono i dati dell’osservatorio europeo Copernicus, ma anche uno studio pubblicato sulla rivista Science secondo cui l’anidride carbonica è al livello più alto degli ultimi 14 milioni di anni. Per la classifica della società svizzera IqAir in questi giorni di febbraio Milano è stata la terza città più inquinata del mondo. Il sindaco Giuseppe Sala ha contestato i dati, ma intanto in Lombardia e in Emilia Romagna sono iniziate le misure anti-smog di primo livello per le polveri sottili – ossia il PM10 – che hanno superato ampiamente i limiti di legge per la salute delle persone.

E notiçie da-o mondo

Senti a verscion registrâ:

O Navalny fòscia ammassou con un «pugno into cheu». Doî anni de guæra in Ucraina

O Alexei Navalny, l’oppoxitô ruscio mòrto inte unna colònia penale artica, o saieiva stæto ammassou con un pugno into cheu, unna tecnica da Kgb, segondo o Times. O còrpo de l’òmmo o l’é stæto mostrou à seu moæ, ma e autoritæ refuan ancon de consegnâghelo. A vidoa Yulia Navalnaya a l’accaxoña o Putin, coscì comme l’Euröpa e i Stati Unii, deciaraçioin che o Cremlin o definisce «sgreuzze». Intanto a-i 24 de frevâ cazze o segondo anniversäio de l’invaxon de l’Ucraina. «O Putin o deve pagâ sedonca o l’anià avanti», o l’à dito o Biden. «I tentativi de tornâ a-i confin do '91 portian à unna guæra globale», o l’à avvertio o Dmitry Medvedev, viçeprescidente do Conseggio de seguessa ruscio.

Traduçion italiaña

Navalny forse ucciso con un «pugno al cuore». Due anni di guerra in Ucraina

Alexei Navalny, l’oppositore russo morto in una colonia penale artica, sarebbe stato ucciso con un pugno al cuore, una tecnica da Kgb, secondo il Times. Il corpo dell’uomo è stato mostrato a sua madre, ma le autorità rifiutano ancora di consegnarglielo. La vedova Yulia Navalnaya accusa Putin, così come l’Europa e gli Stati Uniti, dichiarazioni che il Cremlino definisce «grezze». Intanto il 24 febbraio cade il secondo anniversario dell’invasione dell’Ucraina. «Putin deve pagare altrimenti andrà avanti», ha detto Biden. «I tentativi di tornare ai confini del '91 porteranno a una guerra globale», ha avvertito Dmitry Medvedev, vicepresidente del Consiglio di sicurezza russo.

Guæra Isræle-Hamas, a trattativa in scî ostaggi a se mescia in Fransa

Va avanti a trattativa in scî ostaggi isrælien ch’a porrieiva fermâ a guæra à Gazza. Hamas o vorrieiva in cangio 3mia prexonê palestineixi. Oua e negoçiaçioin se mescian à Pariggi con l’Egitto, o Qatar, i serviçi segretti d’Isræle e o coordinamento da Cia. L’imprescion stavòtta a l’é che a stradda a segge quella giusta. Da l’atra parte o Netanyahu o domanda a-o governo de refuâ «ògni tentativo d’impoñe un Stato palestineise». O prescidente brasilian Lula o commenta: «A no l’é unna guæra, ma un genoçidio». A replica: «De frase vergognose, o passa a linia rossa».

Traduçion italiaña

Guerra Israele-Hamas, la trattativa sugli ostaggi si sposta in Francia

Prosegue la trattativa sugli ostaggi israeliani che potrebbe fermare la guerra a Gaza. Hamas vorrebbe in cambio 3mila prigionieri palestinesi. Ora i negoziati si spostano a Parigi con l’Egitto, il Qatar, i servizi segreti di Israele e il coordinamento della Cia. L’impressione stavolta è che la strada sia quella giusta. D’altro canto Netanyahu chiede al governo di respingere «ogni tentativo di imporre uno Stato palestinese». Il presidente brasiliano Lula commenta: «Non è una guerra, ma un genocidio». La replica: «Frasi vergognose, supera la linea rossa».

Valençia, a-o manco 10 mòrti inte l’inçendio de doî palaçi

Un gròsso inçendio o l’à caxonou a-o manco dexe mòrti à Valençia, in Spagna, ma à l’appello manca ancon unna vinteña de despersci. À piggiâ feugo doî palaçi construti che l’é 15 anni, coverti de pannelli de poliuretan, un materiale ch’o s’asciamma de lengê. Quattro de vittime appartëgnan a-a mæxima famiggia: una cobia de zoeni con di figgin de 3 anni e 2 settemañe. Quattòrze persoñe son arrestæ ferie, nisciun à reisego de moî: tra de loiatri çinque pompê ch’an çercou de sarvâ i rescidenti. I atri son stæti ospitæ inti aberghi da çittæ.

Traduçion italiaña

Valencia, almeno 10 morti nell’incendio di due palazzi

Un grosso incendio ha causato almeno dieci morti a Valencia, in Spagna, ma all’appello manca ancora una ventina di dispersi. A prendere fuoco due palazi costruiti 15 anni fa, ricoperti di pannelli di poliuretano, un materiale facilmente infiammabile. Quattro delle vittime appartengono alla stessa famiglia: una coppia di giovani con bambini di 3 anni e 2 settimane. Quattordici persone sono rimaste ferite, nessuno in pericolo di vita: tra loro cinque pompieri che hanno cercato di salvare i residenti. Gli altri sono stati ospitati negli alberghi della città.