O Zinâ

Ediçion

E notiçie da-a Liguria

Senti a verscion registrâ:

I figgeu palestineixi saian cuæ à l’uspiâ Gaslini de Zena

Un çentanâ de figgeu palestineixi saian cuæ à l’uspiâ Gaslini de Zena. Unna primma squaddra, coordinâ da-o Andrea Moscatelli, a l’é partia a-i 18 de zenâ e unna segonda, guiddâ da-o Gianluca Piatelli, a l’é in scî pissi de mettise in viægio. L’intençion a l’é inandiâ a-a spedia o traspòrto da Gazza con di xeui e comensâ à fâ i primmi interventi in scî paçienti ciù gravi inti giorni che vëgne. L’instituto o l’asseguià l’ascistensa sanitäia à tutti i figgeu che n’avian de beseugno. «Inti contesti de guæra tròppo de spesso i piccin son quelli che patiscian o pezo – o l’à commentou o prescidente do Gaslini Edoardo Garrone – ma noiatri s’impegnemmo de longo pe quello che semmo fâ megio: cuâ i figgeu da Liguria, de l’Italia e do mondo».

Traduçion italiaña

I bambini palestinesi saranno curati all’ospedale Gaslini di Genova

Un centinaio di bambini palestinesi saranno curati all’ospedale Gaslini di Genova. Una prima équipe, coordinata da Andrea Moscatelli, è partita il 18 gennaio e una seconda, guidata da Gianluca Piatelli, è sul punto di mettersi in viaggio. L’intenzione è organizzare rapidamente il trasporto da Gaza con alcuni voli e iniziare a eseguire i primi interventi sui pazienti più gravi nei prossimi giorni. L’istituto assicurerà l’assistenza sanitaria a tutti i bambini che ne avranno bisogno. «Nei contesti di guerra troppo spesso i piccoli sono quelli che patiscono le conseguenze peggiori – ha commentato il presidente del Gaslini Edoardo Garrone – ma noi ci impegniamo sempre per ciò che sappiamo fare meglio: curare i bambini della Liguria, dell’Italia e del mondo».

Sanitæ, o Toti: «Basta profittâ in scê difficoltæ». Do 2023 prestaçioin cresciue de mezo mion

«No veuggio asconde i problemi che gh’é, ma profittâ in scê difficoltæ do scistema sanitäio o l’é desconoscente pe-o sfòrso che fa i profescionisti». O prescidente da Liguria Giovanni Toti o passa à l’attacco e o ciamma unna conferensa stampa periòdica pe comunicâ i exiti poxitivi do scistema regionale. «L’é giusto che i çittæn saccian cöse semmo apreuvo à fâ», o l’à azzonto. O governatô o l’à confermou i 42 mioin pe-e liste d’atteisa e i 220 mioin do Pnrr pe-a sanitæ in Liguria, co-e primme struttue ch’arvian do 2024. Dapeu o l’à revendicou i 1.700 infermê assonti inte l’urtimo anno e mezo. Segondo i dæti de l’Alisa, do 2023 s’é produto 500mia prestaçioin in ciù da l’anno passou.

Traduçion italiaña

Sanità, Toti: «Basta speculare sulle difficoltà». Nel 2023 prestazioni cresciute di mezzo milione

«Non vogliono nascondere i problemi che ci sono, ma speculare sulle difficoltà del sistema sanitario è ingeneroso per lo sforzo che fanno i professionisti». Il presidente della Liguria Giovanni Toti passa all’attacco e convoca una conferenza stampa periodica per comunicare i risultati positivi del sistema regionale. «È giusto che i cittadini sappiano cosa stiamo facendo», ha aggiunto. Il governatore ha confermato i 42 milioni per le liste d’attesa e i 220 milioni del Pnrr per la sanità in Liguria, con le prime strutture che apriranno nel 2024. Poi ha rivendicato i 1.700 infermieri assunti nell’ultimo anno e mezzo. Secondo i dati di Alisa, nel 2023 sono state prodotte 500mila prestazioni in più rispetto all’anno precedente.

Da chì a-a stæ unna pisciña in mâ davanti a-a Gainaa

Unna pisciña in mâ delimitâ con de böe tra a riva d’Arbenga e a Gainaa, pe promeuve l’isoa e fâ arrivâ i turisti. O progetto, presentou in Region, o saià realizzou da chì a-a stæ ch’a vëgne. I finançiamenti, pöcassæ 3 mioin d’euro, arrivan da l’Union Europea. À sviluppâ e propòste insemme a-e instituçioin do territöio saià l’Universcitæ de Zena. I autoî de l’iniçiativa asseguan che se faià tutto into rispetto da natua e che l’intençion a l’é quella de façilitâ de attivitæ sportive ligæ a-o mâ pe sostegnî l’economia locale.

Traduçion italiaña

Entro l’estate una piscina marina davanti alla Gallinara

Una piscina in mare delimitata da boe tra la costa di Albenga e la Gallinara, per promuovere l’isola e attirare i turisti. Il progetto, presentato in Regione, sarà realizzato entro la prossima estate. I finanziamenti, circa 3 milioni di euro, arrivano dall’Unione Europa. A sviluppare le proposte insieme alle istituzioni del territorio sarà l’Università di Genova. Gli autori dell’iniziativa assicurano che si farà tutto nel rispetto della natura e che l’obiettivo è quello di favorire attività sportive legate al mare per sostenere l’economia locale.

E notiçie da l’Italia

Senti a verscion registrâ:

Eleçioin, se vota i 8-9 de zugno. Primmo scì pe l’autonomia differençiâ

O Conseggio di ministri o l’à deçiso a dæta de pròscime eleçioin: se votià a-i 8 e 9 de zugno pe-e europee, e amministrative e inte quarche caxo e regionale ascì, quello che se dixe un election day. Un appuntamento ch’o ne sa anche de preuva politica pe verificâ a tegnua do consenso pe-o governo. Intanto in Senato l’é arrivou o primmo scì a-a lezze in sce l’autonomia differençiâ. Into votâ i esponenti do Partio Democratico an mostrou di feuggi con stampou a bandea italiaña e da-i banchi l’é stæto intonou l’inno naçionale. O cammin da reforma o va avanti a-a Camia donde a maggioransa a ponta à l’approvaçion avanti de eleçioin. L’oppoxiçion a l’à za annonçiou ch’a se battià pe-o referendum.

Traduçion italiaña

Elezioni, si vota l’8-9 giugno. Primo sì per l’autonomia differenziata

Il Consiglio dei ministri ha deciso la data delle prossime elezioni: si voterà l’8 e 9 giugno per le europee, le amministrative e in qualche caso anche le regionali, un cosiddetto election day. Un appuntamento che ha anche il sapore di un test politico per verificare la tenuta del consenso per il governo. Intanto in Senato è arrivato il primo sì alla legge sull’autonomia differenziata. Durante le votazioni gli esponenti del Partito Democratico hanno esposto fogli con stampata la bandiera italiana e dai banchi è stato intonato l’inno nazionale. Il cammino della riforma prosegue alla Camera dove la maggioranza punta all’approvazione prima delle elezioni. L’opposizione ha già annunciato che si batterà per il referendum.

Italia con Fransa e Germania into Mâ Rosso: «Defendiemo e nòstre nave»

Anche l’Italia a l’intervegnià into Mâ Rosso pe fermâ i attacchi di Houthi che son apreuvo à mette in crixi a navegaçion internaçionale con çentanæa de barchi costreiti a fâ o gio de l’Africa. A miscion militare con Fransa e Germania a saià unn’açion «pe-o ciù de politica de defeisa – a l’à dito a prescidente Meloni –. De de lì passa o 15% do commerçio mondiale, no poemo açettâ sta menassa». O ministro de l’Estranxeo Antonio Tajani o s’augua che l’approvaçion definitiva a l’arrive fito e o commenta: «No femmo a guæra à nisciun, ma defende e nòstre nave o l’é un dovei da Repubrica e do governo».

Traduçion italiaña

Italia con Francia e Germania nel Mar Rosso: «Difenderemo le nostre navi»

Anche l’Italia interverrà nel Mar Rosso per fermare gli attacchi degli Houthi che stanno mettendo in crisi la navigazione internazionale con centinaia di navi costrette a fare il giro dell’Africa. La missione militare con Francia e Germania sarà un’azione «prevalentemente di politica difensiva – ha detto la presidente Meloni –. Da lì passa il 15% del commercio mondiale, non possiamo accettare questa minaccia». Il ministro degli Esteri Antonio Tajani si augura che l’approvazione definitiva arrivi presto e commenta: «Non facciamo la guerra a nessuno, ma difendere le nostre navi è un dovere della Repubblica e del governo».

L’é mòrto o Gigi Riva, inte 30mia a-o morteuio à Caggiai

O l’é mòrto de 79 anni o campion de ballon Gigi Riva, zugou da Naçionale e do Caggiai, donde o l’à passou tutta a carrea arrivando à guägna o stòrico scudetto do 1970, sciben che e gren squaddre che corrissan apreuvo. E pròpio inta çittæ sarda, ch’o no l’aiva ciù vosciuo lasciâ, o l’é stæto piggiou da un infarto. Co-a maggia di azzurri o Riva o l’é stæto o megio marcatô de tutti i tempi, con 35 ræ inte 42 partie. Ciù de 30mia persoñe son anæte à dâghe l’urtimo saluo à Caggiai. «O l’é stæto un hombre vertical fin à l’urtimo, o se n’é anæto comme voeiva lê», o l’à dito o figgio Nicola. A-o Riva saià intitolou o neuvo stadio da çittæ.

Traduçion italiaña

È morto Gigi Riva, in 30mila al funerale a Cagliari

È morto a 79 anni il campione di calcio Gigi Riva, giocatore della Nazionale e del Cagliari, dove ha passato tutta la carriera arrivando a vincere lo storico scudetto del 1970, nonostante le grandi squadre lo inseguissero. E proprio nella città sarda, che non aveva più voluto lasciare, è stato colto da un infarto. Con la maglia degli azzurri Riva è stato il miglior marcatore di tutti i tempi, con 35 gol in 42 partite. Più di 30mila persone sono andate a dargli l’ultimo saluto a Cagliari. «È stato un hombre vertical fino all’ultimo, se n’è andato come voleva lui», ha detto il figlio Nicola. A Riva sarà intitolato il nuovo stadio della città.

E notiçie da-o mondo

Senti a verscion registrâ:

A Corte de l’Aia: «Isræle o deve prevegnî o genoçidio contra i palestineixi»

Isræle o deve «prevegnî quæsesegge açion» ch’a se pòsse configuâ comme genoçidio contra i palestineixi, «punî ògni instigaçion pubrica» à commettilo e consentî l’intrâ di aggiutti inta Striscia de Gazza. A l’é a deçixon da Corte internaçionale de giustiçia de l’Aia apreuvo à l’accaxonamento avansou da-o Sudafrica. I giudiçi an reconosciuo che existe un caxo da valuâ, ma no son arrivæ à impoñe un fermæ o feugo a-a spedia, ch’o l’ea pròpio a primma instansa. Pe-o prescidente Benjamin Netanyahu parlâ de genoçidio o l’é unn’offeisa e l’ordinansa di giudiçi a no leva a-o Stato ebraico o «drito à defendise da soli». Intanto i Stati Unii an sospeiso i finançiamenti à l’Agençia de Naçioin unie pe-i pròfughi palestineixi apreuvo a-o presonto interessamento de 12 dependenti inti attacchi di 7 d’ottobre contra Isræle.

Traduçion italiaña

La Corte dell’Aia: «Israele deve prevenire il genocidio contro i palestinesi»

Israele deve «prevenire qualsiasi azione» che si possa configurare come genocidio contro i palestinesi, «punire ogni incitamento pubblico» a commetterlo e consentire l’ingresso di aiuti nella Striscia di Gaza. È la decisione della Corte internazionale di giustizia dell’Aia dopo l’accusa avanzata dal Sudafrica. I giudici hanno riconosciuto che esiste un caso da valutare, ma non sono arrivati a imporre un cessate il fuoco immediato, che era proprio la prima istanza. Per il presidente Benjamin Netanyahu parlare di genocidio è un’offesa e l’ordinanza dei giudici non toglie allo Stato ebraico il «diritto all’autodifesa». Intanto gli Stati Uniti hanno sospeso i finanziamenti all’Agenzia delle Nazioni unite per i profughi palestinesi dopo il presunto coinvolgimento di 12 dipendenti negli attacchi del 7 ottobre contro Israele.

Fransa, a protesta di agricoltoî a menassa d’invadde Pariggi

Gran ravaxo in Fransa pe-a protesta di agricoltoî che menassan de bloccâ l’intrâ à Pariggi co-i trattoî, che son za arrivæ a-e banlieu. A-i 23 de zenâ unna dònna ch’a manifestava con seu maio e seu figgia a l’é stæta ammassâ da l’autista de unna machina asbriâ in scê gente. Un gruppo de viticoltoî o l’à forsou doî depòxiti da gran distribuçion vexin à Béziers. I agricoltoî veuan de semplificaçioin amministrative e de compensaçioin ciù spedie in caxo de desastri da natua. I serviçi de seguessa an za misso in guardia in sciô reisego de violense se o governo o no faià di gesti concreti.

Traduçion italiaña

Francia, la protesta degli agricoltori minaccia di invadere Parigi

È caos in Francia per la protesta degli agricoltori che minacciano di bloccare l’entrata a Parigi coi trattori, che sono già arrivati alle banlieu. Il 23 gennaio una donna che manifestava con suo marito e sua figlia è stata uccisa dall’autista di una macchina lanciata sulla folla. Un gruppo di viticoltori ha forzato due depositi della grande distribuzione nei pressi di Béziers. Gli agricoltori vogliono semplificazioni amministrative e indennizzi più rapidi in caso di calamità naturali. I servizi di sicurezza hanno già messo in guardia sul rischio di violenze se il governo non farà gesti concreti.

Neuva York in guæra co-i social: «Un reisego pe-a sanitæ pubrica»

Neuva York a l’é a primma çittæ americaña, e fòscia do mondo, à deciarâ a guæra a-i social network. «Son un reisego pe-a sanitæ pubrica, comme unna tosciña ambientale – e poule due do scindico Eric Adams –. No poemo stâ à ammiâ e consentî a-e Big Tech d’inricchîse in sciâ privacy di nòstri figgi». E o l’à promisso che i social saian trattæ comme «o tabacco e e pistòlle». Cöse se faià pe da bon se savià ciù in là, ma gh’é za chi vorrieiva che o scindico o tornesse a-o proibiçioniximo do Micheal Bloomberg ch’o l’aiva misso a-o bando i telefonin inte scheue pubriche. Inte l’aspëtâ e mesue da stâghe apreuvo, l’é stæto pubricou un arregòrdo con di conseggi a-i grendi pe promeuve un uso san di social network.

Traduçion italiaña

New York in guerra coi social: «Un pericolo per la salute pubblica»

New York è la prima città americana, e forse del mondo, a dichiarare guerra ai social network. «Sono un pericolo per la salute pubblica, come una tossina ambientale – le parole dure del sindaco Eric Adams –. Non possiamo stare a guardare e consentire alle Big Tech di arricchirsi sulla privacy dei nostri figli». E ha promesso che i social saranno trattati come «il tabacco e le pistole». Cosa si farà davvero si saprà in seguito, ma c’è già chi vorrebbe che il sindaco tornasse al proibizionismo di Michael Bloomberg che aveva messo al bando i cellulari nelle scuole pubbliche. Nell’attesa delle misure da seguire, è stato pubblicato un avviso con consigli agli adulti per promuovere un uso sano dei social network.