O Zinâ

Ediçion

E notiçie da-a Liguria

Senti a verscion registrâ:

Primmo de l’anno in coa, a Region contra l’Autofiori: «A Liguria a no peu pagâ i retardi»

L’anno neuvo o l’é comensou co-i vegi problemi in Liguria, in particolâ quelli caxonæ da-i travaggi in scê autostradde. Pròpio inti giorni ch’an visto montâ i pedaggi inte tutta l’Italia pe compensâ l’inflaçion, l’A10 a l’à visciuo doî giorni de feugo con 10 chilòmetri de coa tra Arbenga e o Finâ. A Region, ch’a l’aiva concordou d’ammermâ i cantê fin a-i 8 de zenâ pe façilitâ i viægi sotta e feste, a l’à commentou con una nòtta: «L’é ciæo ch’o no l’é stæto abasta. Comprendemmo e raxoin de l’Autofiori, ma conscideremmo gravemente defiçitäia a valutaçion in sciâ recheita e pensemmo che a Liguria a no pòsse fâse carrego de remediâ a-i retardi». Di asciddi pe-i travaggi s’en registræ anche in sce l’A26 e in sce l’Aurelia.

Traduçion italiaña

Capodanno in coda, la Regione contro Autofiori: «La Liguria non può pagare i ritardi»

L’anno nuovo è iniziato coi vecchi problemi in Liguria, in particolare quelli causati dai lavori sulle autostrade. Proprio nei giorni che hanno visto aumentare i pedaggi in tutta Italia per compensare l’inflazione, l’A10 ha vissuto due giorni di fuoco con 10 chilometri di coda tra Albenga e Finale. La Regione, che aveva concordato di alleggerire i cantieri fino all’8 gennaio per facilitare i viaggi nel periodo festivo, ha commentato con una nota: «Evidentemente non è stato abbastanza. Comprendiamo le ragioni di Autofiori, ma consideriamo gravemente deficitaria la valutazione sull’impatto e riteniamo che la Liguria non possa farsi carico di rimediare ai ritardi». Disagi per i lavori si sono registrati anche sull’A26 e sull’Aurelia.

Frugon o s’inversa in sce l’A7, meue un zoeno de 21 anni

Un zoeno de 21 anni o l’é mòrto a-i 3 de zenâ inte un açidente in sce l’autostradda A7 tra l’Isoa do Canton e e Vigneue, in direçion de Milan. O se ciammava Giovanni Gallori, o ne vegniva da-a Toscaña e insemme à atri quattro amixi o l’ea apreuvo à anâ in montagna pe passâ quarche giorno de vacansa in sciâ neive. O frugon co-o quæ viægiavan o s’é inversou. A dinamica a l’é ancon da capî, ma pâ che no ghe fïse di atri mezzi interessæ. I atri zoeni son arrestæ gravemente ferii e son stæti portæ a-i uspiæ de Zena, Turin e Neuve. O træto da Ronco a-e Vigneue o l’é stæto serrou pe fâ arrivâ i soccorsci, ch’an avuo de difficoltæ pe corpa do traffego bloccou: i pompê de Zena son arrestæ in coa e quelli de Tortoña an dovuo piggiâ l’autostradda contraman.

Traduçion italiaña

Furgone si ribalta sulla A7, muore un giovane di 21 anni

Un giovane di 21 anni è morto il 3 gennaio in un incidente sull’autostrada A7 tra Isola del Cantone e Vignole Borbera, in direzione Milano. Si chiamava Giovanni Gallori, veniva dalla Toscana e insieme ad altri quattro amici stava andando in montagna per trascorrere qualche giorno di vacanza sulla neve. Il minivan con cui viaggiavano si è ribaltato. La dinamica è ancora da capire, ma sembra che non ci fossero altri mezzi coinvolti. Gli altri ragazzi sono rimasti gravemente feriti e sono stati portati agli ospedali di Genova, Torino e Novi Ligure. Il tratto da Ronco Scrivia a Vignole Borbera è stato chiuso per far arrivare i soccorsi, che hanno avuto difficoltà per colpa del traffico bloccato: i vigili del fuoco di Genova sono rimasti in coda e quelli di Tortona hanno dovuto prendere l’autostrada contromano.

I caccioei liguri: "I loî ammassan i chen, van allontanæ

«I loî devan ëse allontanæ da-i òmmi». A l’é a poxiçion di caccioei liguri ch’an presentou i dæti in scê predaçioin patie da-i chen, 400 inti urtimi dex’anni de quæ 150 solo da-o novembre do 2022. Presenti anche l’assessô regionale Alessandro Piana e o senatô Francesco Bruzzone, tutti doî da Lega. «Sto papê o l’é basou in scê testimonianse arrecuggeite da-i padroin de vittime», o l’à dito o Andrea Campanile, prescidente da Federcaccia. Vittime che pe-o 55% saieivan di chen attaccæ inte battue de caccia ò d’addestramento. Segondo a Isabella Villa, ascì che i numei in Liguria no son comme into Laçio e in Toscaña, «gh’é de scituaçioin allarmante comme a-o Sascê ò a Bavai donde porrieiva ësighe de streuppe fisse de loî». Cöse fâ aloa? «No voemo arvî a caccia a-o lô – asseguan – ma serve de soluçion ch’arrivan da-a sciensa e da-a politica». I animalisti à l’attacco: «Sti dæti no gh’an de varsciua scientifica, o lô o l’ammassa pe scampâ, i caccioei solo che pe demoâse».

Traduçion italiaña

I cacciatori liguri: "I lupi uccidono i cani, vanno allontanati

«I lupi devono essere allontanati dagli uomini». È la posizione dei cacciatori liguri che hanno presentato i dati sulle predazioni subite dai cani, 400 negli ultimi dieci anni di cui 150 solo da novembre 2022. Presenti anche l’assessore regionale Alessandro Piana e il senatore Francesco Bruzzone, entrambi della Lega. «Questo documento è basato sulle testimonianze raccolte dai padroni delle vittime», ha detto Andrea Campanile, presidente di Federcaccia. Vittime che per il 55% sarebbero cani attaccati nelle battute di caccia o di addestramento. Secondo Isabella Villa, anche se i numeri in Liguria non sono come nel Lazio e in Toscana, «ci sono situazioni allarmanti come a Sassello o a Bavari dove potrebbero esserci branchi stanziali di lupi». Che fare dunque? «Non vogliamo aprire la caccia al lupo – assicurano – ma servono soluzioni che arrivino dalla scienza e dalla politica». Gli animalisti all’attacco: «Questi dati non hanno valore scientifico, il lupo uccide per sopravvivere, i cacciatori solo per divertirsi».

E notiçie da l’Italia

Senti a verscion registrâ:

Un òmmo ferio da-a pistòlla de un deputou de Fdi, a Meloni a ciamma a sospenscion

Un òmmo o l’é arrestou ferio à unna gamba pe-o corpo sparou da-a pistolla de un deputou de Fratelli d’Italia, o Emanuele Pozzolo. L’açidente, capitou à unna festa pe-o Primmo de l’anno donde gh’ea ascì o sottosegretäio a-a Giustiçia Andrea Delmastro, o l’é vegnuo un caxo politico. Tanto che a prescidente do Conseggio Giorgia Meloni a l’à parlou de «responsabilitæ» e a l’à annonçiou d’avei domandou a sospenscion d’into partio pe-o Pozzolo. Lê o sostëgne che o corpo o segge partio pe un errô e ch’o no segge stæto lê à tiâ, ma à tutte e mainee o l’é indagou pe lexoin. Dòppo avei ciammou inte un primmo momento l’inmunitæ parlamentare, o s’é sottopòsto a-a preuva pe registrâ a povie da scceuppo in scê moen e in scî vestî. O ferio, de 31 anni, o l’é o zeneo de un òmmo da scòrta do Delmastro e o l’à presentou unna quæla contra o Pozzolo, accaxonandolo de no dî a veitæ.

Traduçion italiaña

Uomo ferito dalla pistola di un deputato Fdi, Meloni chiede la sospensione

Un uomo è rimasto ferito a una gamba per il colpo sparato dalla pistola di un deputato di Fratelli d’Italia, Emanuele Pozzolo. L’incidente, accaduto a una festa di Capodanno dove era presente anche il sottosegretario alla Giustizia Andrea Delmastro, è diventato un caso politico. Tanto che la presidente del Consiglio Giorgia Meloni ha parlato di «responsabilità» ha annunciato d’aver chiesto la sospensione dal partito per Pozzolo. Lui sostiene che il colpo sia partito per errore e che non sia stato lui a esploderlo, ma comunque è indagato per lesioni. Dopo aver invocato in un primo momento l’immunità parlamentare, si è sottoposto al test per rilevare la polvere da sparo sulle mani e sui vestiti. Il ferito, 31enne, è il genero di un uomo della scorta di Delmastro e ha presentato una querela contro Pozzolo, accusandolo di non dire la verità.

Primmo de l’anno, dònna ammassâ con un corpo de pistòlla inti festezzamenti

Unna dònna a l’é mòrta à Napoli e unn’atra a l’é stæta gravemente feria pe di proiettili tiæ abrettio inti festezzamenti pe-o Primmo de l’anno. A vittima, Concetta Russo de 45 anni, a l’é stæta piggiâ a-a testa tanto ch’a l’ea à cà seu, à Afragola. Chi l’à ammassâ l’é stæto o nevo Gaetano Santariello, lê ascì de 45 anni, ch’o l’à confessou in lagrime: «Pensava che a pistòlla a fïse descarrega, no avieiva mai sparou à mæ lalla». O l’é stæto arrestou e misso in prexon pe ammassamento corposo e detençion de unn’arma arröbâ. L’òmmo, ben conosciuo comme imprenditô à Pantigliate in Lombardia, o l’à contou d’aveila accattâ solo pe festezzâ. Pe-o derê de l’anno son stæti 274 i ferii, di quæ 12 dovui à l’uso d’arme da feugo.

Traduçion italiaña

Capodanno, donna uccisa con un colpo di pistola durante i festeggiamenti

Una donna è morta a Napoli e un’altra è rimasta gravemente ferita a causa di proiettili vaganti nei festeggiamenti di Capodanno. La vittima, Concetta Russo di 45 anni, è stata raggiunta alla testa mentre era in casa sua, ad Afragola. A ucciderla è stato il nipote Gaetano Santariello, anche lui 45enne, che ha confessato in lacrime: «Pensavo che la pistola fosse scarica, non avrei mai sparato a mia zia». È stato arrestato e messo in carcere per omicidio colposo e detenzione di arma rubata. L’uomo, molto noto come imprenditore a Pantigliate in Lombardia, ha raccontato di averla comprata solo per festeggiare. A Capodanno sono stati 274 i feriti, di cui 12 dovuti all’uso di armi da fuoco.

Commisse Anas, sponta o nomme do Salvini. Lê o responde: «Oua parte e quæle»

S’allarga l’investigaçion in scê commisse de l’Anas donde l’é indagou pe corruçion e manipolaçion de cæghe pubriche anche o Denis Verdini insemme co-o figgio Tommaso e o passou parlamentare Vito Bonsignore, oua imprenditô, ch’o l’avieiva contattou a soçietæ Inver pe promeuve di progetti de çerti travaggi d’infrastruttue. Tutti i arrestæ an addeuviou a poscibilitæ de no responde. Inte unn’interçettaçion do 2022 o Denis Verdini o commentava coscì e perquixiçioin: «A l’é delongo a mæxima stöia: gh’é quarcösa de politico che veuan trovâ e ch’o no gh’é, ma che veuan trovâ perché un o l’é o Verdini e in testa gh’é o Salvini». O nomme do ministro di Traspòrti o sponta anche inte unn’atra interçettaçion donde parla o Pileri, sòçio do Tommaso Verdini. O Salvini, ch’o l’à pe galante a figgia do Verdini, o s’é defeiso: «Ëse tiou drento abrettio à di fæti che no ne sò ninte no se peu ciù açettâ, da ancheu comensa à partî e quæle».

Traduçion italiaña

Commesse Anas, spunta il nome di Salvini. Lui risponde: «Ora partono le querele»

Si allarga l’inchiesta sulle commesse di Anas in cui è indagato per corruzione e turbativa d’asta anche Denis Verdini insieme al figlio Tommaso e all’ex parlamentare Vito Bonsignore, ora imprenditore, che avrebbe contattato la società Inver per promuovere progetti di alcune opere infrastrutturali. Tutti gli arrestati si sono avvalsi della facoltà di non rispondere. In un’intercettazione del 2022 Denis Verdini commentava così le perquisizioni: «È sempre la stessa storia: c’è qualcosa di politico che vogliono trovare e che non c’è, ma che vogliono trovare perché uno è Verdini e in testa c’è Salvini». Il nome del ministro dei Trasporti spunta anche in un’altra intercettazione in cui parla Pileri, socio di Tommaso Verdini. Salvini, che ha come compagna la figlia di Verdini, si è difeso: «Essere coinvolto a sproposito in vicende di cui non so niente non è più tollerabile, da oggi iniziano a partire le querele».

E notiçie da-o mondo

Senti a verscion registrâ:

Isræle, attacco contra Hamas in Libano: tenscion sempre ciù erta

Scituaçion sempre ciù teisa into Levante de Mezo. O segondo cappo de Hamas Saleh al-Arouri o l’é stæto ammassou a-i 3 de zenâ inte un attacco isrælian à Beirut, in Libano, into palaçio ch’o l’òspita o scagno di miliçien. Un fæto ch’o l’à fermou e negoçiaçioin pe un accòrdio in scî ostaggi. Intanto l’exerçito d’Isræle o s’inandia à portâ avanti a guæra pe tutto o 2024, ma da l’atra parte o ministro da Defeisa Gallant o l’imagiña un avegnî donde «i palestineixi governian a Striscia de Gazza». Strage in Iran inte l’anniversäio de l’ammassamento do generâ Soleimani, cappo di pasdaran e gran nemigo d’Isræle: doî scceuppi into çemetëio de Kerman an caxonou 84 mòrti e çentanæa de ferii. L’Isis o l’à revendicou l’attentato. In Iraq un attacco con di droin, façile ch’o fïse conduto da-i americhen, o l’à fæto feua doî membri de gruppi armæ filo-iranien.

Traduçion italiaña

Israele, attacco contro Hamas in Libano: tensione sempre più alta

Situazione sempre più tesa in Medio Oriente. Il numero due di Hamas Saleh al-Arouri è stato ucciso il 3 gennaio in un attacco israeliano a Beirut, in Libano, nel palazzo che ospita l’ufficio dei miliziani. Un fatto che ha fermato i negoziati per un accordo sugli ostaggi. Intanto l’esercito di Israele si prepara a portare avanti la guerra per tutto il 2024, ma d’altra parte il ministro della Difesa Gallant immagina un futuro in cui «i palestinesi governeranno la Striscia di Gaza». Strage in Iran nell’anniversario dell’uccisione del generale Soleimani, capo dei pasdaran e gran nemico di Israele: due esplosioni nel cimitero di Kerman hanno provocato 84 morti e centinaia di feriti. L’Isis ha rivendicato l’attentato. In Iraq un attacco con droni, probabilmente condotto dagli americani, ha eliminato due membri dei gruppi armati filo-iraniani.

Tæramòtto in Giappon, squæxi 100 mòrti e miggiæa feua de cà

Trei scrolloin de tæramòtto inti primmi giorni de zenâ an fæto a-o manco 92 mòrti e ciù de 200 despersci into mezo do Giappon. I primmi eventi, de 7,5 e 6,2 graddi Richter, son stæti i ciù fòrti e s’en registræ in sciâ riva de ponente. Se temmeiva l’arrivo de un tsunami con de onde erte 5 metri, dapeu l’allarme o l’é tornou inderê. Pöcassæ 33mia cæ son arrestæ sensa corrente elettrica, inti paixi vexin à l’epiçentro son anæte destrute. Inti mæximi giorni à l’airopòrto de Tokyo gh’é stæto un açidente tra doî airoplen: quello da Japan Airlines o l’à piccou drento à quello da Guardia de riva e o l’à piggiou feugo. Tutti sarvi i 367 passaggê do primmo, tutte mòrte e 5 persoñe à bòrdo de l’atro. S’indaga in scê responsabilitæ.

Traduçion italiaña

Terremoto in Giappone, quasi 100 morti e migliaia di sfollati

Tre scosse di terremoto nei primi giorni di gennaio hanno causato almeno 92 morti e più di 200 dispersi nel centro del Giappone. I primi eventi, di magnitudo 7,5 e 6,2 sulla scala Richter, sono stati i più forti e sono stati registrati sulla costa occidentale. Si temeva l’arrivo di uno tsunami con onde alte 5 metri, poi l’allarme è rientrato. Circa 33mila case sono rimaste senza corrente elettrica, nei paesi vicino all’epicentro sono andate distrutte. Negli stessi giorni all’aeroporto di Tokyo c’è stato un incidente tra due aerei: quello della Japan Airlines ha scontrato quello della Guardia costiera e ha preso fuoco. Tutti salvi i 367 passeggeri del primo, tutte morte le 5 persone a bordo dell’altro. Si indaga sulle responsabilità.

O zeo o paralizza a Sveçia, temperatue à 43 graddi sotta o zero

Se o 2023 o saià registrou comme l’anno ciù cado da stöia, a-o manco da quande semmo boin à registrâ e temperatue, o 2024 o l’incomensa into segno do zeo. O gran freido ch’o vëgne zu da l’Artico o l’à paralizzou à Sveçia comme no capitava da 25 anni in sà. Un miggiâ de machine son arrestæ bloccæ da-a neive pe 24 oe in scê autostradde. In Lappònia o termòmetro o l’à toccou i 43,6 graddi sotta o zero. E tempeste e i venti de borrasca an costreito à serrâ e scheue inte ben ben de regioin da Scandinavia. Unn’ondâ d’inverno viaxo ch’a l’investià ascì o resto de l’Euröpa inta primma meitæ de zenâ, con levâ da mezo l’äia teivia de settemañe passæ.

Traduçion italiaña

Il gelo paralizza la Svezia, temperature a 43 gradi sotto zero

Se il 2023 sarà registrato come l’anno più caldo della storia, almeno da quando siamo in grado di registrare le temperature, il 2024 inizia all’insegna del gelo. Il grande freddo che scende dall’Artico ha paralizzato la Svezia come non succedeva da 25 anni a questa parte. Un migliaio di auto sono rimaste bloccate dalla neve per 24 ore sulle autostrade. In Lapponia il termometro ha toccato i 43,6 gradi sotto zero. Le tempeste e i venti di burrasca hanno costretto a chiudere le scuole in molte regioni della Scandinavia. Un’autentica ondata invernale che investirà anche il resto dell’Europa nella prima metà di gennaio, spazzando via l’aria mite delle scorse settimane.