Doî euro pe un tondin veuo à l’ostaia, in Liguria scceuppa a polemica da stæ
Liguria protagonista da stæ co-a polemica in sciô biggetto de unn’ostaia do Finâ pubricou da-a giornalista Selvaggia Lucarelli. À fâ do sciato un tondin fæto pagâ 2 euro pe fâ assazzâ à unna figgeua de tròfie co-o pesto misse à 18 euro. A baccaña Ida Germano a s’é defeisa: «De tondi in azzonta n’ò portou quattro, veuggio che e casañe saccian che pe noiatri o l’é un travaggio in ciù, gh’ò 76 anni e son piña d’orgheuggio pe quello che fasso». In sciô locale l’é ciuvuo un muggio de reçenscioin negative, offeise e fiña menasse de mòrte: «Veddiò se fâ de açioin legale contra a Lucarelli – a l’à commentou a Germano – ma ò reçevuo ascì tanta solidarietæ, m’an ciammou da-a Germania e da-a Svissera». Intanto Zena a se conferma a çittæ con l’inflaçion ciù erta d’Italia: +8,2%, saieiva à dî 1.787 euro de speisa in ciù pe unna famiggia media. Segondo l’analixi de l’Assoutenti, Zena a l’é anche in çimma a-a lista pe-i aberghi ciù caistrioxi: +31% à luggio.
Traduçion italiaña
Due euro per un piatto vuoto in osteria, in Liguria scoppia la polemica dell’estate
Liguria protagonista dell’estate con la polemica sullo scontrino di un’osteria di Finale Ligure pubblicato dalla giornalista Selvaggia Lucarelli. A destare scalpore un piattino fatto pagare 2 euro per far assaggiare a una bambina delle trofie al pesto messe a 18 euro. La titolare Ida Germano si è difesa: «Di piatti aggiuntivi ne ho portati quattro, voglio che i clienti sappiano che per noi è un lavoro in più, ho 76 anni e sono fiera di quello che faccio». Sul locale è piovuta una marea di recensioni negative, offese e perfino minacce di morte: «Valuterò se fare azioni legali contro Lucarelli – ha commentato Germano – ma ho ricevuto anche molta solidarietà, mi hanno chiamato dalla Germania e dalla Svizzera». Intanto Genova si conferma la città con l’inflazione più alta d’Italia: +8,2%, cioè 1.787 euro di spesa in più per una famiglia media. Secondo l’analisi di Assoutenti, Genova è anche in cima alla lista per gli alberghi più cari: +31% a luglio.
Zoeno pestou feua da unna discoteca, a scena a va in diretta Facebook
Impio de bòtte dòppo unna discuscion perché o l’aiva piggiou unna stradda contraman vexin à unna discoteca tra Arasce e Arbenga: o l’é capitou à un zoeno marocchin de 30 anni. A scena a l’é stæta repiggiâ in diretta Facebook da-o telefonin da vittima, arrestou açeiso in machina inta violensa. «Ti me dæ o permisso d’ammassâlo?», «Oua che t’ê bloccou t’ê inte nòstre moen», «Mòlla o cotello ò te taggio a goa», son çerte frase che se sentan. À cinqu’oe da mattin di passanti l’an trovou stramortio, co-a machina abborlattâ e i veddri scciappæ, e an ciammou i soccorsci. O zoeno o l’é ancon in condiçioin grave à l’uspiâ Santa Coroña da Pria. In sciô fæto indaga i carabinê ch’an acquixio o video pe arrivâ a-i responsabili, stæti inquaddræ pe quarche segondo.
Traduçion italiaña
Giovane pestato fuori da una discoteca, la scena va in diretta Facebook
Riempito di botte dopo una discussione perché aveva preso una strada contromano vicino a una discoteca tra Alassio e Albenga: è successo a un giovane marocchino di 30 anni. La scena è stata ripresa in diretta Facebook dal cellulare della vittima, rimasto acceso in macchina durante la violenza. «Mi dai il permesso di ammazzarlo?», «Ora che sei bloccato sei nelle nostre mani», «Molla il coltello o ti sgozzo», sono alcune delle frasi che si sentono. Alle cinque del mattino alcuni passanti l’hanno trovato esanime, con l’auto ammaccata e i vetri spaccati, e hanno chiamato i soccorsi. Il giovane è ancora in gravi condizioni all’ospedale Santa Corona di Pietra Ligure. Sul fatto indagano i carabinieri che hanno acquisito il video per arrivare ai responsabili, inquadrati per qualche secondo.
Zena primmo inta stöia pe abbonamenti in çittæ, battuo a Sandöia do scudetto
O Zena o l’à annonçiou d’avei venduo 26mia abbonamenti e passa pe-o campionato che vëgne. In sciâ fin o saià o numeo ciù erto mai registrou in çittæ dòppo i 25.186 da Sandöia pe-a saxon '91-'92, quella apreuvo a-a vittöia do scudetto. O traguardo o l’é stæto festezzou a-o Pòrto Antigo co-i tifoxi e a parteçipaçion d’eutto zugoei rossobleu. «Voemo ottegnî a sarvessa e semmo derê à louâghe – o l’à dito o capitanio Mattia Bani –. O pubrico o ne daià unna gran man, dapeu noiatri doviemo fâ o nòstro». A campagna a restià averta a-o manco fin a-i 19 d’agosto, avanti da partia co-a Fiorentiña à Marasci, ma l’é bon che a soçietæ a â prolunghe fin a-o segondo turno in cà, fissou a-i 16 de settembre co-o Napoli.
Traduçion italiaña
Genoa primo nella storia per abbonamenti in città, battuta la Sampdoria dello scudetto
Il Genoa ha annunciato di aver venduto oltre 26mila abbonamenti per il prossimo campionato. Alla fine sarà il numero più alto mai registrato in città dopo i 25.186 della Sampdoria per la stagione '91-'92, quella successiva alla vittoria dello scudetto. Il traguardo è stato festeggiato al Porto Antico coi tifosi e la partecipazione di otto giocatori rossoblù. «Vogliamo ottenere la salvezza e ci stiamo lavorando – ha detto il capitano Mattia Bani –. Il pubblico ci darà una grande mano, poi noi dovremo fare la nostra parte». La campagna resterà aperta almeno fino al 19 agosto, prima della partita con la Fiorentina a Marassi, ma è probabile che la società la prolunghi fino al secondo turno casalingo, fissato al 16 settembre col Napoli.
E notiçie da l’Italia
Senti a verscion registrâ:
O Governo o tascia i guägni straordenäi de banche, a Meloni: «Son ingiusti»
Unna tascia in scî guägni straordenäi de banche do 2022 e 2023: a l’é a mesua à sorpreisa do governo Meloni pe finançiâ o taggio de tasce e do conio fiscale do 2024. Segondo e primme stimme a varrià a-o manco 2 miliardi. Strassonâ in Borsa con 27 miliardi bruxæ inte un giorno apreuvo a-o provedimento. «A l’é unna tascia in sce un margine ingiusto – a l’à dito a prescidente do Conseggio –. Sti dinæ servian à finançiâ e mesue de sostëgno pe famigge e impreise». I instituti, piggiæ a-a cheita, travaggian co-o Governo pe di aggiustamenti in fase de converscion in lezze. Tra e atre novitæ approvæ da-o governo ch’an fæto discutte, quelle contra o montâ di prexi di airoplen, a poscibilitæ de dâ ciù liçense di tascì, scancellou o teito pe-e paghe di tecnichi da assumme pe tiâ sciù o ponte in sciô Streito.
Traduçion italiaña
Il Governo tassa gli extraprofitti delle banche, Meloni: «Sono ingiusti»
Una tassa sugli extraprofitti delle banche del 2022 e 2023: è la misura a sorpresa del governo Meloni per finanziare il taglio delle tasse e del cuneo fiscale nel 2024. Secondo le prime stime varrà almeno 2 miliardi. Tonfo in Borsa con 27 miliardi bruciati in un giorno in seguito al provvedimento. «È una tassa su un margine ingiusto – ha detto la presidente del Consiglio –. Queste risorse serviranno a finanziare le misure di sostegno per famiglie e imprese». Gli istituti, colti alla sprovvista, lavorano col Governo per aggiustamenti in fase di conversione in legge. Tra le altre novità approvate dal governo che hanno fatto discutere, quelle contro i rincari dei voli, la possibilità di dare più licenze di taxi, la cancellazione del tetto per gli stipendi dei tecnici da assumere per realizzare il ponte sullo Stretto.
S’é ammassou o prescidente da Visibilia Editore, a soçietæ fondâ da-a ministra Santanchè
O Luca Giuseppe Reale Ruffino, prescidente da soçietæ Visibilia Editore fondâ da-a ministra Daniela Santanchè, o s’é ammassou con un corpo de pistòlla inta neutte tra i 6 e i 7 de luggio. Un di seu figgi, za ch’o no ô sentiva da quarche oa, o l’é anæto in cà seu à Milan e o l’à trovou mòrto. L’açienda a l’à patio un squascio in Borsa perdendo o 30%. A primma ipòtexi a l’ea quella de unna brutta moutia tegnua ascosa da l’imprenditô, ma l’autopscia a l’à scartou de patologie grave. Nisciuña deprescion diagnosticâ, sciben che inti urtimi giorni o paiva un pö ammagonou. A Procua a l’à averto unn’investigaçion pe instigaçion à ammassâse, un atto dovuo pe poei indagâ.
Traduçion italiaña
Suicida il presidente di Visibilia Editore, la società fondata dalla ministra Santanchè
Luca Giuseppe Reale Ruffino, presidente della società Visibilia Editore fondata dalla ministra Daniela Santanchè, si è ucciso con un colpo di pistola nella notte tra il 6 e il 7 luglio. Uno dei suoi figli, poiché non lo sentiva da qualche ora, è andato a casa sua a Milano e lo ha trovato morto. L’azienda ha subito un crollo in Borsa perdendo il 30%. La prima ipotesi era quella di una brutta malattia tenuta nascosta dall’imprenditore, ma l’autopsia ha escluso patologie gravi. Nessuna depressione diagnosticata, anche se negli ultimi giorni sembrava un po’ giù di morale. La Procura ha aperto un’indagine per istigazione al suicidio, un atto dovuto per poter indagare.
Addio a-a Michela Murgia, scrittoa e attivista di driti çivili
A l’é mòrta de 51 anni a scrittoa Michela Murgia. Da tempo a pativa de un cancou a-i ren a-o quarto stadio e a l’aiva vosciuo contâ i seu urtimi meixi de vitta anche inte un libbro. «M’arresta pöchi meixi», a l’aiva dito inte unn’intervista, a coscì a l’é stæta. Dòppo ch’a l’à annonçiou o retio da-i incontri pubrichi à zugno, a-a meitæ de luggio a l’aiva maiou l’attô e regista Lorenzo Terenzi. Nasciua à Cabras in Sardegna, attivista femminista e pe-i driti çivili, a l’é stæta uña de ciù avvoxæ da seu generaçion. A l’aiva debuttou do 2006 con Il mondo deve sapere, un romanso tragicòmico in sciô mondo di call center e da lì à doî anni a l’à guägno i premmi Super Mondello e Campiello con Accabadora, unna stöia ricca de mistëio ch’a l’affronta di argomenti comme l’adoçion e l’eutanaxia.
Traduçion italiaña
Addio a Michela Murgia, scrittrice e attivista dei diritti civili
È morta a 51 anni la scrittrice Michela Murgia. Da tempo soffriva di un cancro ai reni al quarto stadio e aveva voluto raccontare i suoi ultimi mesi di vita in un libro. «Mi rimangono pochi mesi», aveva detto in un’intervista, e così è stato. Dopo aver annunciato il ritiro dagli incontri pubblici a giugno, a metà di luglio aveva sposato l’attore e regista Lorenzo Terenzi. Nata a Cabras in Sardegna, attivista femminista e per i diritti civili, è stata una delle più note della sua generazione. Aveva debuttato nel 2006 con Il mondo deve sapere, un romanzo tragicomico sul mondo dei call center e dopo due anni ha vinto i premi Super Mondello e Campiello con Accabadora, una storia ricca di mistero che affronta temi come l’adozione e l’eutanasia.
E notiçie da-o mondo
Senti a verscion registrâ:
L’Ecuador into ravaxo, ammassou o candidou prescidente Fernando Villavicencio
O Fernando Villavicencio, candidou prescidente a-e eleçioin in Ecuador, o l’é stæto ammassou con di corpi de pistòlla a-a fin de un comiçio inte unna scheua à Quito. Atre neuve persoñe son arrestæ ferie. L’assascinio o l’é stæto revendicou da-a banda Los Lobos, unn’organizzaçion criminale ligâ a-o cartello narcos de Jalisco, inte un video ch’o mostra unna venteña d’òmmi incappussæ che menassan di atri politichi ascì. O Villavicencio, giornalista e membro de l’Assemblea naçionale, o l’ea consciderou o legatäio do prescidente in carrega Guillermo Lasso ch’o l’à deciarou o stato d’emergensa pe 60 giorni e o l’à ciammou l’aggiutto de l’Fbi pe indagâ in sce l’assascinio. E fòrse armæ staian de pe-e stradde fin a-i 20 d’agosto, giorno de eleçioin.
Traduçion italiaña
L’Ecuador nel caos, ucciso il candidato presidente Fernando Villavicencio
Fernando Villavicencio, candidato presidente alle elezioni in Ecuador, è stato ucciso a colpi di pistola alla fine di un comizio in una scuola a Quito. Altre nove persone sono rimaste ferite. L’assassinio è stato rivendicato dalla banda Los Lobos, un’organizzazione criminale legata al cartello narcos di Jalisco, in un video che mostra una ventina di uomini incappucciati che minacciano pure altri politici. Villavicencio, giornalista e membro dell’Assemblea nazionale, è considerato l’erede del presidente in carica Guillermo Lasso che ha dichiarato lo stato d’emergenza per 60 giorni e ha chiesto l’aiuto dell’Fbi per indagare sull’omicidio. Le forze armate staranno nelle strade fino al 20 agosto, giorno delle elezioni.
E Hawaii bruxan, mòrti e miggiæa arrestæ sensa cà
Inferno de feugo a-e Hawaii. I inçendi devastanti ch’an corpio l’isoa de Maui, aggiuttæ da-a seçia e da-i venti fortiscimi de l’oragan Dora, an caxonou 50 mòrti e passa, i ciù tanti inta stòrica çittæ de Lahaina ch’a l’é stæta destruta pe l’80%, segondo e autoritæ do scito. Çentanæa de persoñe se son ciacciæ in mâ pe sarvâse da-e sciamme. Doamia abitanti son stæti ospitæ inte di refugi d’emergensa, ma saieivan 35mila quelli à reisego e tanti de quelli son sensa luxe.
Traduçion italiaña
Le Hawaii bruciano, morti e migliaia rimasti senza casa
Inferno di fuoco alle Hawaii. Gli incendi devastanti che hanno colpito l’isola di Maui, favoriti dalla siccità e dai venti fortissimi che l’uragano Dora, hanno provocato oltre 50 morti, la maggior parte nella storica città di Lahaina che è stata distrutta per l’80%, secondo le autorità del luogo. Centinaia di persone si sono buttate in mare per salvarsi dalle fiamme. Duemila abitanti sono stati ospitati in rifugi d’emergenza, ma sarebbero 35mila quelli a rischio e molti di questi sono senza elettricità.
Descoverto un cian pe ammassâ o Zelensky, a Ruscia: «No gh’é de premisse pe-a paxe»
L’Ucraina a l’avieiva descoverto un cian da Ruscia pe ammassâ o prescidente Volodymyr Zelensky con di bombardamenti à Kiev. I serviçi de seguessa l’an portou à sarvamento e an arrestou unna dònna, tegnua pe unn’informatoa, da quæ no se conosce ancon l’identitæ. Intanto a-a riunion de Gedda 40 Paixi compreiso a Ciña an discorrio da paxe con definî essençiale l’unitæ do territöio de l’Ucraina. A Ruscia a l’à reagio con unna gragnoâ de miscili. «No gh’é de premisse pe un accòrdio con Kiev», o l’à dito o Dmitrij Peskov, portavoxe do Putin, azzonzendo che «o Cremlin o no veu annette di atri territöi ciù che e quattro regioin za occupæ».
Traduçion italiaña
Scoperto un piano per uccidere Zelensky, la Russia: «Non ci sono i presupposti per la pace»
L’Ucraina avrebbe scoperto un piano della Russia per uccidere il presidente Volodymyr Zelensky con bombardamenti a Kiev. I servizi di sicurezza l’hanno portato in salvo e hanno arrestato una donna, ritenuta un’informatrice, di cui non si conosce ancora l’identità. Intanto al vertice di Gedda 40 Paesi inclusa la Cina hanno discusso della pace definendo essenziale l’unità del territorio dell’Ucraina. La Russia ha reagito con una pioggia di missili. «Non ci sono i presupposti per un accordo con Kiev», ha detto Dmitrij Peskov, portavoce di Putin, aggiungendo che «il Cremlino non vuole annettere altri territori oltre alle quattro regioni già occupate».
Doî euro pe un tondin veuo à l’ostaia, in Liguria scceuppa a polemica da stæ
