O Zinâ

Ediçion

E notiçie da-a Liguria

Depòxiti chimichi, o Conseggio de Stato o ferma o stramuo à San Pê d’Æña

O Conseggio de Stato o l’à fermou o stramuo di depòxiti chimichi da Mortiou into pòrto de San Pê d’Æña. L’urtima sentensa a l’à refuou o recorso de l’Autoritæ portuale, da struttua do commissäio e da soçietæ Superba contra a deçixon do Tar da Liguria ch’a scassava a proçedua d’adattamento tecnico-fonçionale perché incangio ghe voeiva unna variante a-o cian de regolaçion do pòrto. «Gran contentessa» da parte di comitati ch’aivan comensou a battaggia inti tribunæ co-o fondatô Gianfranco Angusti. «Oua tocca a-o Commun attrovâ unna soluçion», o commento do prescidente ligure e passou scindico Marco Bucci. A scindica Salis: «A sentensa a conferma a nòstra poxiçion, oua serve un cian de regolaçion».

Traduçion italiaña

Depositi chimici, il Consiglio di Stato ferma il trasferimento a Sampierdarena

Il Consiglio di Stato ha bloccato il trasferimento dei depositi chimici da Multedo al porto di Sampierdarena. L’ultima sentenza ha respinto il ricorso dell’Autorità portuale, della struttura commissariale e della società Superba contro la decisione del Tar Liguria di annullare la procedura di adeguamento tecnico-funzionale, in quanto si rendeva necessaria una variante al piano regolatore portuale. «Grande soddisfazione» per i comitati che avevano iniziato la battaglia nei tribunali col fondatore Gianfranco Angusti. «Ora spetta al Comune trovare una soluzione», commenta il presidente ligure ed ex sindaco Marco Bucci. La sindaca Salis: «La sentenza conferma la nostra posizione, ora serve un piano regolatore».

S’arve torna a discuscion in sciâ Gronda, o Rixi: «Megio fâ torna o progetto»

À Zena se torna à discutte in sciâ Gronda. O viçeministro Edoardo Rixi inte unn’intervista a Primocanale o l’à deciarou: «Gh’é tròppi travaggi in scê autostradde e anche pe quello l’é difiçile partî, mi son pe vedde torna tutto o progetto, magara con un ponte misso d’arente a-o San Zòrzo. Besorrieiva assettâse tutti insemme e deçidde». A scindica Salis a gh’à replicou: «L’é di anni che dixan che no se peu renonçiâ à quello progetto, che diggan che se son inarræ e gh’aivimo raxon noiatri». Torna o Rixi: «Che o Commun o digghe s’o veu cangiâ, sedonca anemmo avanti co-o progetto approvou». A scindica a l’à domandou do «respetto» e a s’é dita pronta à valuâ tutte e soluçioin pe fâ cresce a çittæ.

Traduçion italiaña

Si riapre il dibattito sulla Gronda, Rixi: «Meglio rifare il progetto»

A Genova si torna a discutere della Gronda. Il viceministro Edoardo Rixi, in un’intervista a Primocanale, ha dichiarato: «Ci sono troppi lavori in corso sulle autostrade e anche per questo è difficile partire, io sono per rivedere l’intero progetto, magari con un ponte affiancato al San Giorgio». La sindaca Salis ha replicato: «Sono anni che ci dicono che non si può rinunciare a quel progetto, dicano che si sono sbagliati e che avevamo ragione noi». Rixi ha ribattuto: «Il Comune dica vuole cambiare idea, altrimenti andremo avanti con il progetto approvato». La sindaca ha chiesto «rispetto» e si è detta pronto a valutare tutte le soluzioni per la crescita della città.

À Zena se peu vixitâ a mostra ciù grande do secolo in sciô Van Dyck

À Paxo l’é stæto inaugurou Van Dyck l’Europeo, a ciù gran mostra do nòstro secolo dedicâ à l’artista, un di ciù avvoxæ à livello internaçionale, e a-o seu viægio da Anversa à Zena fin à Londra. A saià averta fin a-i 19 de luggio e se ghe porrià ammiâ 60 quaddri spartii inte dexe seçioin tematiche, imprestæ da-i musëi ciù importanti d’Euröpa. Inte l’espoxiçion, cuâ da-a Anna Orlando e da-a Katlijne van der Stighelen, se porrià trovâ ascì o seu primmo retræto de lê mæximo, i loei d’argomento sacro e di atri tòcchi straordenäi.

Traduçion italiaña

A Genova si può visitare la più grande mostra del secolo dedicata su Van Dyck

A Palazzo Ducale è stata inaugurata Van Dyck l’Europeo, la più grande mostra del nostro secolo dedicata all’artista, uno dei più famosi a livello internazionale, e al suo viaggio da Anversa a Zena fino a Londra. Sarà aperta fino al 19 luglio e permetterà di ammirare 60 dipinti, suddivisi in dieci sezioni tematiche, prestati dai principali musei europei. Nell’esposizione, curata da Anna Orlando e Katlijne van der Stighelen, si potranno trovare anche il suo primo autoritratto, opere a soggetto sacro e altri pezzi straordinari.

E notiçie da l’Italia

Referendum, finisce a campagna elettorale e scceuppa un neuvo caxo in sciô governo

L’Italia a l’é ciammâ a-o referendum pe deçidde in sciâ reforma da giustiçia. Inti urtimi giorni a prescidente do Conseggio Giorgia Meloni a l’à annonçiou unna töa co-i magistrati e i avvocati pe discorrî di decreti attuativi se guägnesse o scì. O fronte do no o l’à serrou a campagna à Romma con tutti i cappi do campo largo e ascì o segretäio da Cgil Maurizio Landini: «Sarvemmo a Constituçion». Ma in sciô governo l’é scciuppou un neuvo caxo Delmastro: o sottosegretäio a-a Giustiçia o l’é accaxonou d’ësise misso in soçietæ pe piggiâ un ristorante co-a figgia de un condannou pe camorra: unna fotografia a mostra into mæximo locale o cappo de gabinetto do ministro Nordio, a Giusi Bartolozzi. L’oppoxiçion a l’à ciammou e dimiscioin, a Meloni a l’à defeiso.

Traduçion italiaña

Referendum, si conclude la campagna elettorale e scoppia un nuovo caso sul governo

L’Italia è chiamata al referendum per decidere sulla riforma della giustizia. Nei giorni scorsi la presidente del Consiglio, Giorgia Meloni, ha annunciato un tavolo con magistrati e avvocati per discutere i decreti attuativi in caso di vittoria del sì. Il fronte del no ha chiuso la campagna a Roma con tutti i leader del campo largo e anche il segretario della Cgil Maurizio Landini: «Salveremo la Costituzione». Ma sul governo è scoppiato un nuovo caso Delmastro: il sottosegretario alla Giustizia è accusato di essersi messo in società per rilevare un ristorante con la figlia di un condannato per camorra: una fotografia mostra nello stesso locale il capo di gabinetto del ministro Nordio, Giusi Bartolozzi. L’opposizione ha chiesto le dimissioni, Meloni lo ha difeso.

Mòrto o Umberto Bossi, fondatô da Lega ch’o l’à cangiou a politica italiaña

L’é mòrto d’84 anni o Umberto Bossi, o fondatô da Lega Nord, personaggio ch’o l’à cangiou a politica italiaña. O voeiva a separaçion do Nòrd Italia da «Romma ladroña». O l’é stæto deputou pe sette vòtte, doe vòtte senatô e træ vòtte ministro inti governi Berlusconi. Do 2024 gh’é vegnuo un corpo apoplettico, do 2012 o l’à lasciou a guidda a Lega e o l’é arrestou prescidente federale tanto che o Salvini o montava comme segretäio do partio fondou torna dòppo o scandalo Belsito. A Gemonio, o paise dond’o l’ea nasciuo, scioî e un striscion feua de casa. O morteuio domenega à Pontida, donde gh’é stæto tante reunioin di militanti.

Traduçion italiaña

Morto Umberto Bossi, fondatore della Lega che ha cambiato la politica italiana

È morto a 84 anni Umberto Bossi, fondatore della Lega Nord, personaggio che ha cambiato la politica italiana. Voleva la secessione del Nord Italia da «Roma ladrona». È stato sette volte deputato, due volte senatore e tre volte ministro nei governi Berlusconi. Nel 2024 è stato colpito da un ictus, nel 2012 si è dimesso dalla guida della Lega ed è rimasto presidente federale durante l’ascesa di Salvini come segretario del partito rifondato dopo lo scandalo Belsito. A Gemonio, il suo paese natale, fiori e uno striscione davanti alla casa. I funerali domenica a Pontida, dove si sono svolti tanti raduni di militanti.

Feminiçidio à Bergamo, dònna ammassâ à cotellæ da-o passou maio

Torna un feminiçidio: à Bergamo unna dònna de 42 anni, Valentina Sarto, a l’é stæta ammassâ à cotellæ da-o Vittorio Dongellini, o seu passou maio. L’òmmo o l’à çercou de levâse a vitta e o l’é stæto portou primma à l’uspiâ e dapeu in prexon. Da l’investigaçion l’é vegnuo feua che a Sarti a voeiva denonçiâlo, ma a no l’à mai fæto perché a l’aiva poia. «A l’à domandou solo che un conseggio, a l’à dito ch’a voeiva aspëtâ ancon unna settemaña», o l’à contou o Morsi Panza, l’òmmo ch’o gh’aiva unna relaçion con lê. Un atro responsabile de feminiçidio, o Vasile Frumuzache, imputou pe-a mòrte de doe dònne, o l’à dito into proçesso d’aveine ammassou uña «pe poia» e l’atra «pe desprexo».

Traduçion italiaña

Femminicidio a Bergamo, donna accoltellata a morte dall’ex marito

Ancora un femminicidio: a Bergamo una donna di 42 anni, Valentina Sarto, è stata accoltellata a morte da Vittorio Dongellini, suo ex marito. L’uomo ha tentato il suicidio ed è stato portato prima in ospedale e poi in carcere. Dalle indagini è emerso che Sarto voleva denunciarlo, ma non l’ha mai fatto per paura. «Mi ha solo chiesto un consiglio, ha detto che voleva aspettare un’altra settimana», ha raccontato Morsi Panza, l’uomo che aveva una relazione con lei. Un altro responsabile di femminicidio, Vazile Frumuzache, incriminato per la morte di due donne, ha dichiarato durante il processo di averne uccisa una «per paura» e l’altra «per disprezzo».

E notiçie da-o mondo

Guæra in Iran, a raggia do Trump contra Nato e Euröpa pe Hormuz

O prescidente american Donald Trump contra a Nato e l’Union europea in sciâ spediçion de nave pe arvî torna o streito de Hormuz, bloccou da l’incomenso da guæra in Iran. Gran Bretagna, Germania e Italia an refuou, dapeu sëi Paixi europëi s’en deciaræ pronti pronti pe contribuî à un cian pe garantî a navegaçion, ma sensa nisciun intervento militare. O tycoon inveninou: «Bruttoî, se n’arregordiemo». E o l’à annonçiou unna coaliçion con quattro Stati arabi. L’Iran o l’à menassou: «Chi aggiutta i Stati Unii saià comprixe de l’aggrescion». Intanto Isræle o l’à ammassou atri doî cappi do regimme e o l’à corpio o stabilimento de gazzo de South Pars, un di ciù grendi a-o mondo. Teheran a l’à corpio un F-35 american e oua a ponta in scê localitæ turistiche.

Traduçion italiaña

Guerra in Iran, rabbia di Trump contro Nato ed Europa per Hormuz

Il presidente americano Donald Trump contro Nato e Unione Europea sull’invio di navi per riaprire lo stretto di Hormuz, bloccato dall’inizio della guerra in Iran. Gran Bretagna, Germania e Italia si sono rifiutate, poi sei Paesi europei si sono dichiarati pronti a contribuire con un piano per garantire la navigazione, ma senza alcun intervento militare. Il tycoon infuriato: «Vigliacchi, ce ne ricorderemo». E ha annunciato una coalizione con quattro Stati arabi. L’Iran ha minacciato: «Chiunque aiuti gli Stati Uniti sarà complice dell’aggressione». Nel frattempo Israele ha ucciso altri due leader del regime e ha colpito l’impianto di gas di South Pars, uno dei più grandi al mondo. Teheran ha colpito un F-35 statunitense e ora sta prendendo di mira località turistiche.

Epidemia de meningite in Inghiltæra, doî mòrti e studenti à l’uspiâ

Unn’epidemia de meningite intensa a l’à corpio o Sud de l’Inghiltæra con caxonâ doî mòrti e 13 recòveri inti uspiæ sorivatutto tra i studenti da contea do Kent. I caxi son squæxi unna trenteña. Saieiva comensou tutto inte unna discoteca de Canterbury. O ministro da Sanitæ Wes Streeting o l’à parlou a-a Camia di Commun de unna scituaçion «sensa pægi in passou» pe-a diffuxon da moutia. Un caxo o s’é registrou in Fransa ascì, unna persoña ch’a frequenta a mæxima universcitæ. E autoritæ an inandiou unna campagna de vaccinaçion pe-i studenti, di quæ i ciù tanti no an mai reçevuo de proteçion, za che o Regno Unio o l’à missa in campo pe-i figgeu solo da-o 2015 in avanti.

Traduçion italiaña

Epidemia di meningite in Inghilterra: due morti e studenti ricoverati in ospedale

Un epidemia di meningite acuta ha colpito il sud dell’Inghilterra, causando due decessi e 13 ricoveri ospedalieri, principalmente tra gli studenti della contea del Kent. I casi accertati sono quasi una trentina. Tutto sarebbe iniziato in una discoteca di Canterbury. Il ministro della Salute Wes Streeting ha parlato alla Camera dei Comuni di una situazione «senza precedenti» per la diffusione della malattia. Un caso è stato registrato anche in Francia, una persona che frequenta la stessa università. Le autorità hanno avviato una campagna di vaccinazione per gli studenti, la maggior parte dei quali non ha mai ricevuto protezione, dato che il Regno Unito l’ha istituita solo per i bambini dal 2015 in poi.

Mòrto o Chuck Norris, l’attô american de Walker Texas Ranger

L’é mòrto d’86 anni o Chuck Norris, attô american avvoxou sorviatutto pe ëse o protagonista da serie televixiva Walker Texas Ranger. O l’ea ascì un esperto d’arte marçiale e scimbolo di cini d’açion di anni Ottanta e Novanta. Inti giorni passæ o l’aiva spantegou in sciâ Ræ de imagine donde o pratticava a boxe in occaxon de l’urtimo anniversäio: «No vëgno vegio, monto de livello», o diva. Do 1972 o l’ea stæto protagonista de un scontro stòrico co-o seu amigo Bruce Lee into Colosseo pe The Way of the Dragon. Inti urtimi giorni o l’ea stæto recoverou à l’uspiâ pe un patî tanto ch’o l’ea in scê Hawaii.

Traduçion italiaña

Morto Chuck Norris, l’attore statunitense che interpretava Texas Ranger

È morto all’età di 86 anni Chuck Norris, attore americano noto soprattutto per aver recitato nella serie televisiva Texas Ranger. Era anche un esperto di arti marziali e un’icona dei film d’azione degli anni Ottanta e Novanta. Nei giorni scorsi aveva pubblicato in rete delle immagini che lo ritraevano mentre praticava la boxe in occasione del suo ultimo compleanno: «Non sto invecchiando, sto salendo di livello», aveva commentato. Nel 1972 fu protagonista dello storico scontro al fianco dell’amico Bruce Lee al Colosseo in L’urlo di Chen terrorizza anche l’Occidente. Nei giorni scorsi era stato ricoverato in ospedale per un malore accusato mentre si trovava alle Hawaii.