O Zinâ

Ediçion

E notiçie da-a Liguria

Salon Nautico de Zena, scceuppa o ciæto da Salis à l’inauguraçion

L’é stæto inaugurou a-o 1° d’ottobre o 66eximo Salon Nautico de Zena. E à fâ do sciato, ciù che e barche, l’é stæto o caxo instituçionale scciuppou perché a scindica Silvia Salis a no l’é stæta invitâ a-o taggio do frexetto insemme a-a prescidente do Conseggio Giorgia Meloni e a-o prescidente de Confindustria Nautica Piero Formenti. Incangio o prescidente ligure Marco Bucci o l’é stæto ciammou. A Meloni a l’à ciammou a-o telefono a Salis pe dîghe o seu despiaxei, i organizzatoî an deciarou che nisciun di doî o l’ea previsto, o Formenti o s’é scusou. «No veuggio fâ de polemiche, ma se l’intençion à l’ea de levâme de l’attençion no ghe son arriescii», o commento da Salis. «No ne saiva ninte», o l’à dito o Bucci.

Traduçion italiaña

Salone Nautico di Genova, scoppia il caso Salis all’inaugurazione

È stato inaugurato il 1° ottobre il 66esimo Salone Nautico di Genova. E a far discutere, più delle imbarcazioni, è stato il caso istituzionale legato alla mancata partecipazione della sindaca Silvia Salis alla cerimonia del taglio del nastro insieme alla presidente del Consiglio Giorgia Meloni e al presidente di Confindustria Nautica Piero Formenti. Invece il presidente ligure Marco Bucci è stato chiamato. Meloni ha telefonato a Salis per esprimere il proprio dispiacere, gli organizzatori hanno dichiarato che nessuno dei due era previsto, Formenti si è scusato. «Non voglio fare polemiche, ma se l’intenzione era quella di togliermi visibilità, l’obiettivo non è stato raggiunto», ha commentato la Salis. «Io non ne sapevo nulla», ha dichiarato Bucci.

Tascia in scî imbarchi, o Tar o dà raxon a-o Commun de Zena

O Tar da Liguria o l’à cacciou inderê o recorso presentou da-e compagnie marittime contra a tascia in scî imbarchi instituia da-o Commun de Zena in fòrsa de un accòrdio co-o governo firmou do 2022. Se parla de 3 euro pe ciaschedun passaggê de barchi e nave da croxea, levou i rescidenti à Zena e in scê isoe. I giudiçi amministrativi an dito che o provedimento o l’é legittimo. «A sentensa a conferma che gh’aivimo raxon areo – o commento da scindica Salis e do viçescindico Terrile –. Chi l’é vegnuo primma de noiatri o l’à mancou i patti co-o Stato». Oua i promotoî do recorso s’appensan se fâ appello a-o Conseggio de Stato.

Traduçion italiaña

Tassa sugli imbarchi, il Tar dà ragione al Comune di Genova

Il Tar della Liguria ha respinto il ricorso presentato dalle compagnie marittime contro la tassa di imbarco introdotta dal Comune di Genova in virtù di un accordo con il governo siglato nel 2022. Si tratta di un contributo di 3 euro a passeggero per traghetti e navi da crociera. I giudici amministrativi hanno stabilito la legittimità del provvedimento. «La sentenza conferma che avevamo ragione – hanno commentato il sindaco Bucci e il vicesindaco Terrile –. Chi ci ha preceduto ha disatteso gli accordi con lo Stato». Ora i promotori del ricorso stanno valutando se appellarsi al Consiglio di Stato.

Aeropòrto de Zena, a-a fin de novembre o bando pe trovâ o sòçio privou

Da chì a-a fin de novembre saià pubricou o bando pe l’intrâ de neuvi sòçi inte l’Aeropòrto de Zena. L’à annonçiou o Matteo Paroli, prescidente de l’Aeropòrto e de l’Autoritæ portuale che ancheu a gh’à a maggioransa de quöte a-o 60%, insemme a-a Camia de Commerçio a-o 40%. A soçietæ a l’é stæta valuâ da PriceWaterhouseCooper tra i 14,9 e i 15,9 mioin d’euro, s’aspeta l’exito do studio de l’atro açionista. L’intençion a l’é de trovâ un privou ch’o segge bon anche à piggiâ a maggioransa e arrivâ coscì a-o descazze da conçescion do 2029.

Traduçion italiaña

Aeroporto di Genova: entro fine novembre il bando per individuare il socio privato

Entro la fine di novembre verrà pubblicato il bando per l’ingresso di nuovi soci nell’Aeroporto di Genova. L’annuncio è stato dato da Matteo Paroli, presidente dell’Aeroporto e dell’Autorità portuale che oggi detiene la maggioranza delle quote al 60%, insieme alla Camera di Commercio al 40%. La società è stata valutata da PriceWaterhouseCooper tra i 14,9 e i 15,9 milioni di euro, in attesa dello studio dell’altro azionista. L’obiettivo è individuare un privato che sia in grado eventualmente di acquisire la maggioranza e arrivare così alla scadenza della concessione nel 2029.

E notiçie da l’Italia

Caxo Regeni, dòppo dex’anni trei agenti egiçien condannæ

Dòppo dex’anni o Tribunâ de Romma o l’à condannou à dex’anni trei agenti di serviçi segretti egiçien pe-a mòrte do Giulio Regeni, o reçercatô italian ammassou a-o Cairo do 2016. Un o l’é stæto assòlto. I giudiçi an reconosciuo o sequestro, ma no l’assascinio. O ministro Tajani: «Condannou træ persoñe, no l’Egitto». Unna deciaraçion ch’a l’à fæto arraggiâ l’oppoxiçion. O ministro Foti o l’à fæto savei ch’o ciammià a refæta quande a sentensa a passià in giudicou. I genitoî mettan premmua: «O pagamento di dinæ o l’é za in deuvia, che o governo o no se ceighe». A prescidente Meloni a l’à dito: «Serrâ e relaçioin con l’Egitto o no l’aggiuttieiva»

Traduçion italiaña

Caso Regeni, dopo dieci anni condannati tre agenti egiziani

Dopo dieci anni il Tribunale di Roma ha condannato a dieci anni tre agenti dei servizi segreti egiziani per la morte di Giulio Regeni, il ricercatore italiano ucciso al Cairo nel 2016. Uno è stato assolto. I giudici hanno riconosciuto il sequestro di persona, ma non l’omicidio. Il ministro Tajani ha dichiarato: «Sono state condannate tre persone, non l’Egitto». Un’affermazione che ha suscitato l’ira dell’opposizione. Il ministro Foti ha fatto sapere che chiederà il risarcimento una volta che la sentenza sarà passata in giudicato. I genitori incalzano: «L’erogazione del denaro è già esecutiva, il governo non si pieghi». La presidente Meloni ha affermato: «Interrompere i rapporti con l’Egitto non aiuterebbe».

Carburanti, parte o taggio di prexi. O governo o l’inandia a maneuvra

Primma settemaña co-o taggio a-i prexi di carburanti deçiso da l’Eni e da l’Ip e dapeu da Q8 ascì. Inti primmi giorni gh’é stæto de coe a-e staçioin. Dapeu l’Eni a l’à misso in deuvia anche un sconto do 30% in scê bollette da luxe e do gazzo da ottobre in là. I tascisti e i camionisti son pronti a-a mobilitaçion. Intanto o Conseggio di ministri o l’à dæto a luxe verde a-i primmi papê in sciâ maneuvra. O governo o domanda flescibilitæ pe 29 miliardi, o ministro Giorgetti o ciamma giudiçio. Primmo scì a-o disegno de lezze in sce l’antisemitiximo co-o campo progrescista scciappou: M5s e Avs conträi, o Pd o s’é astegnuo.

Traduçion italiaña

Carburanti, parte del taglio dei prezzi. Il governo prepara la manovra

Prima settimana col taglio dei prezzi dei carburanti deciso da Eni e Ip e successivamente anche da Q8. Mei primi giorni si sono registrate code alle stazioni di servizio. Eni ha inoltre introdotto uno sconto del 30% sulle bollette di luce e gas a partire dal mese di ottobre. Tassisti e autotrasportatori sono pronti alla mobilitazione. Nel frattempo, il Consiglio dei ministri ha dato il via libera ai documenti preliminari della manovra. Il Governo chiede flessibilità per 29 miliardi e il ministro Giorgetti invita alla prudenza. Primo sì al disegno di legge sull’antisemitismo, col campo progressista diviso: M5s e Avs contrari, il Pd si è astenuto.

Delitto de Garlasco, a Procua a l’à serrou l’investigaçion in sciô Sempio

A Procua de Pavia a l’à serrou l’investigaçion in sciô Andrea Sempio, neuvo accaxonou pe-o delitto de Garlasco: da-e neuve consulense l’é vegnuo feua che o seu pê o combaxa co-a scarpa de l’assascin. I inquirenti caccian di dubbi in sciô travaggio do Ris, alantô guiddou da-o passou generale Garofalo: in sciâ bicicletta no gh’ea de tracce do Dna da Chiara Poggi, ma st’elemento o no l’é finio in scî papê. Oua o Alberto Stasi, stæto condannou pe l’ammassamento, o peu ammiâ a-a revixon do proçesso. A famiggia Poggi a no saià parte çivile inte un proçesso contra o Sempio: «No avansiemo de preteise verso di innoçenti».

Traduçion italiaña

Delitto di Garlasco, la Procura ha chiuso le indagini su Sempio

La Procura di Pavia ha chiuso l’indagine su Andrea Sempio, nuovo accusato per il delitto di Garlasco: dalle nuove consulenze è emerso che il suo piede è compatibile con la scarpa dell’assassino. Gli inquirenti sollevano dubbi sull’operato del Ris, all’epoca guidato dall’ex generale Garofalo: sulla bicicletta non vi erano tracce del Dna di Chiara Poggi, ma tale elemento non è finito nelle carte. Ora Alberto Stasi, condannato per l’omicidio, può puntare alla revisione del processo. La famiglia Poggi non si costituirà parte civile in un eventuale processo contro Sempio: «Non avanzeremo pretese nei confronti di innocenti».

E notiçie da-o mondo

Attentato in sce un aeroplan pin d’isrælien: «Comme i 11 de settembre»

Terrô into çê do Levante de Mezo: in sciô xeuo da compagnia FlyDubai da Dubai à Tel Aviv o segondo pilòtto de l’Oman o l’à accotellou o comandante di Emirati Arabi Unii e o l’à çercou de fâ piccâ o Boeing con 174 persoñe à bòrdo, tra i quæ 166 isrælien. L’aeroplan o l’é anæto zu pe 5mia metri, dapeu di passaggê son intræ inta gabiña, an fermou l’attentatô e an portou tutti à sarvamento. Pe-o Stato ebraico o l’é stæto «un tentativo d’attacco jihadista comme i 11 de settembre». Un collega do segondo pilòtto o l’à contou: «O l’é un estremista religioso, o prega tutto o giorno».

Traduçion italiaña

Attentato su un aereo pieno di israeliani: «Come l’11 settembre»

Terrore nei cieli del Medio Oriente: durante il volo della compagnia FlyDubai da Dubai a Tel Aviv il copilota omanita ha accoltellato il comandante emiratino e ha tentato di far precipitare il Boeing con 174 persone a bordo, tra cui 166 israeliani. L’aereo ha perso 5mila metri di quota, poi i passeggeri hanno fatto irruzione nella cabina di pilotaggio, hanno bloccato l’aggressore e portato tutti in salvo. Per lo Stato ebraico si è trattato di «un tentativo di attacco jihadista simile a quello dell’11 settembre». Un collega del copilota ha riferito: «È un estremista religioso, prega tutto il giorno».

Sollevo di studenti, a Fransa a bruxa: violense inte tutto o Paise

A Fransa a bruxa pe-o sollevo di studenti. Inte tutto o Paise violense, scontri inte ciasse, feugo inte scheue. Dexeñe de persoñe son arrestæ ferie, çentanæa de gente fermæ da-a poliçia. À Marseggia un prescide e i seu conlaboratoî son stæti bagnæ con da benziña. Inta mæxima çittæ un zoeno de chinz’anni o l’é stæto arrestou pe avei menassou de mòrte un professô. O ministro Géffray o l’à fæto un appello in televixon: «Che i genitoî diggan a-i figgi de no anâ à manifestâ, inte stradde son à reisego». I studenti veuan ciù dinæ pe-a scheua, o reneuvo di instituti tròppo vegi e l’aboliçion da reforma.

Traduçion italiaña

Rivolta degli studenti, Francia in fiamme: violenze in tutto il Paese

La Francia è in fiamme per la rivolta studentesca. In tutto il Paese si registrano violenze, scontri nelle piazze e incendi nelle scuole. Decine di persone sono rimaste ferite, centinaia fermate dalla polizia. A Marsiglia, un preside e i suoi collaboratori sono stati cosparsi di benzina. Nella stessa città, un quindicenne è stato arrestato per aver minacciato di morte un professore. Il ministro Géffray ha lanciato un appello in televisione: «I genitori dicano ai propri figli di non andare alle manifestazioni, perché per strada sono in pericolo». Gli studenti chiedono più fondi per la scuola, il rinnovamento degli istituti ormai obsoleti e l’abolizione della riforma.

A Ruscia a menassa: «Pronti à addeuviâ tutto l’arsenâ pe defende Kaliningrad»

Torna erta tenscion tra a Ruscia e a Nato. Mosca a l’à scrito à l’Alleansa pe denonçiâ e exerçitaçion fæte pe scimulâ l’isoamento de Kaliningrad, a çittæ ruscia in sciô Baltico, e a l’à avvertio d’ëse pronta à addeuviâ tutto l’arsenâ pe defende a seu exclave, donca compreiso l’arma atòmica ascì. A Nato a l’à confermou d’avei reçevuo a lettia e d’avei respòsto con denonçiâ «e menasse» de l’uso da fòrsa da parte de Mosca. O ministro Lavrov o l’à accaxonou l’Euröpa: «A pòrta avanti unna guæra contra de noiatri».

Traduçion italiaña

La Russia minaccia: «Pronta a usare tutto l’arsenale per difendere Kaliningrad»

Di nuovo alta tensione tra Russia e Nato. Mosca ha scritto all’Alleanza denunciando le esercitazioni condotte per simulare l’isolamento di Kaliningrad, la città russa sul Baltico, e ha avvertito di essere pronta a usare l’intero arsenale per difendere la propria exclave, comprese le armi nucleari. La Nato ha confermato di aver ricevuto la lettera e ha risposto denunciando «le minacce» di un uso della forza da parte di Mosca. Il ministro Lavrov ha accusato l’Europa: «Conduce una guerra contro di noi».