O Zinâ

Ediçion

E notiçie da-a Liguria

À Zena o caxo do striscion antirazzista à scheua arrancou via da-a poliçia

À Zena l’é scciuppou o caxo do striscion antirazzista misso à l’intrâ da scheua Daneo, inta çittæ vegia, into giorno de proteste contra o decreto Scheua do ministro Valditara. O lenseu, con scrito in çimma Chi nisciun l’é foresto traduto inte ciù lengue, o l’é stæto arrancou via da doî poliçiòtti vestii a-a borgheise sotta i euggi mäveggiæ de genitoî e figgeu. A Questua a l’à fæto savei che l’intervento o l’é partio dòppo unna segnalaçion a-i cantonê e che se faià unn’investigaçion interna. A scindica Salis a l’à vixitou a scheua e a l’à commentou: «Unna dinamica diffiçile da giustificâ». L’assoçiaçion de famigge a l’à ciammou unna manifestaçion a-a Meridianâ a-a mattin di 28 de settembre.

Traduçion italiaña

A Genova il caso dello striscione antirazzista a scuola strappato dalla polizia

A Genova è scoppiato il caso dello striscione antirazzista affisso all’ingresso della scuola Daneo, nel centro storico, nel giorno delle proteste contro il decreto Scuola del ministro Valditara. Il telo, recante la scritta Qui nessuno è straniero tradotta in diverse lingue, è stato strappato via da due poliziotti in borghese sotto gli occhi attoniti di genitori e bambini. La Questura ha riferito che l’intervento è partito dopo una segnalazione alla polizia locale e che verrà avviata un’indagine interna. La sindaca Salis ha visitato la scuola e ha commentato: «Una dinamica difficile da giustificare». L’associazione delle famiglie ha indetto una manifestazione alla Meridiana la mattina del 28 settembre.

Ericsson: tenscion à l’incontro in prefettua, dapeu o governo o ciamma tutti a-a töa

Tenscion a-i 23 de settembre inta prefettua de Zena donde gh’ea a reunion pe discutte di 131 liçençiamenti di dependenti de l’Ericsson. L’açienda a l’à confermou a deçixon, ma ancon primma a l’à preteiso che i assessoî do Commun e da Region sciortissan d’inta sala perché, segondo loiatri, a presensa da politica a no l’ea prevista. «Un fæto mai sentio inta nòstra çittæ, un sgreuxo a-e instituçioin», o commento da scindica Silvia Salis sostegnua da-i partii da seu maggioransa. Da lì à pöco o ministëio de Impreise o l’à convocou tutti à Romma a-i 28 de settembre pe parlâ de prospettive de travaggio do scito de Zena.

Traduçion italiaña

Ericsson: tensione all’incontro in prefettura, poi il governo convoca tutti al tavolo

Tensione il 23 settembre nella prefettura di Genova, dove si teneva la riunione per discutere i 131 licenziamenti dei dipendenti Ericsson. L’azienda ha confermato la decisione, ma ancor prima ha preteso che gli assessori del Comune e della Regione uscissero dalla sala perché, a loro dire, la presenza della politica non era prevista. «Un fatto inaudito nella nostra città, uno sgarbo alle istituzioni», ha commentato la sindaca Silvia Salis, sostenuta dai partiti della sua maggioranza. A stretto giro il ministero delle Imprese ha convocato tutti a Roma il 28 settembre per trattare le prospettive occupazionali del sito di Genova.

A stæ do 2026, a ciù cada mai registrâ in Liguria: a conferma inti dæti offiçiæ

A stæ do 2026 a l’é stæta a ciù cada mai registrâ in Liguria. A conferma a l’é arrivâ da-i dæti definitivi de l’Arpal e de l’Universcitæ de Zena. L’anomalia media regionale in sciô periodo climatico 2003-2022 a l’é stæta de +2,5 graddi contra i +2,1 graddi do 2003 e i +2,2 graddi do 2022. Gh’é stæto 59 giorni segnæ da-e condiçioin de cado estremmo. O giorno ciù cado o l’é stæto a-i 13 d’agosto con unna temperatua media de 27,9 graddi e unna mascima de 37,5 graddi à Busalla. Tra o 1° de zugno e i 31 d’agosto gh’é stæto 77 neutte tropicale in sce 92, saieiva à dî che o termòmetro o no l’é mai anæto sotta i 20 graddi.

Traduçion italiaña

Estate 2026, la più calda mai registrata in Liguria: la conferma nei dati ufficiali

L’estate 2026 è stata la più calda mai registrata in Liguria. La conferma arriva dai dati definitivi di Arpal e Università di Zena. L’anomalia media regionale nel periodo climatico 2003-2022 è stata di +2,5 gradi contro i +2,1 gradi del 2003 e i +2,2 gradi del 2022. Ci sono stati 59 giorni caratterizzati da condizioni di caldo estremo. Il giorno più caldo è stato il 13 agosto con una temperatura media di 27,9 gradi e una massima di 37,5 gradi a Busalla. Tra il 1° giugno e il 31 agosto ci sono state 77 notti tropicali su 92, in altre parole il termometro non è mai sceso sotto i 20 gradi.

E notiçie da l’Italia

Approvou o decreto Scheua: mascimo 30% de foresti inte classe, ninte burqa e niqab

O governo Meloni o l’à approvou o neuvo decreto Scheua. Tra e mesue gh’é o limite mascimo do 30% de foresti inta formaçion de primme da l’anno 2027-2028, a proibiçion de mette indòsso o burqa e o niqab e l’òbrigo pe-i genitoî, se no san l’italian, de frequentâ un corso de badda con de sançioin fin à mille euro pe chi no s’adatta. Pe-a prescidente do Conseggio son «de nòrme de sæximo perché no ghe segge de classe ghetto». A Meloni a l’à arregordou che o Mattarella, quand’o l’ea ministro, o l’arrecomandava de limitâ o numero de foresti inte classe. «Unna vergheugna» segondo l’oppoxiçion, ch’a l’accaxoña o governo de razziximo. Proteste inte scheue in gio pe l’Italia.

Traduçion italiaña

Approvato il decreto Scuola: massimo 30% di stranieri nelle classi, niente burqa e niqab

Il governo Meloni ha approvato il nuovo decreto Scuole. Tra le misure ci sono il limite massimo del 30% per gli stranieri nella formazione delle prime a partire dall’anno 2027-2028, il divieto di indossare il burqa e il niqab e l’obbligo per i genitori, se non parlano italiano, di partecipare a un corso gratuito con sanzioni fino a mille euro per chi non si adegua. Per la presidente del Consiglio si tratta di «norme di buon senso per evitare classi ghetto». Meloni ha ricordato che Mattarella, quando era ministro, aveva raccomandato di limitare il numero di stranieri nelle classi. «Una vergogna» secondo l’opposizione, che accusa il governo razzismo. Proteste nelle scuole in Italia.

O retorno a-o nucleare o l’é lezze, luxe verde anche da-o Senato

L’Italia a torna a-o nucleare. O Senato o l’à approvou o disegno de lezze delega firmou da-o ministro Pichetto Fratin ch’o permettià d’arvî torna e çentrale atòmiche, serræ dòppo o referendum do 1987. O provedimento o l’ea za passou a-a Camia. «Unna deçixon de cheu e de sæximo, e un atro impegno mantegnuo», o commento da Meloni. «Unna mattëia econòmica, che ne diggan donde mette i avansi», l’attacco de Avs e Movimento 5 Stelle. Intanto, in ponto energia, l’Eni a l’à fissou un prexo mascimo de 2,19 euro pe-o gasòlio e 1,99 pe-a benziña da-i 28 de settembre. O governo o l’à apprexou l’iniçiativa.

Traduçion italiaña

Il ritorno al nucleare è legge, via libera anche dal Senato

L’Italia torna al nucleare. Il Senato ha approvato il disegno di legge delega firmato dal ministro Pichetto Fratin che consentirà la riapertura delle centrali nucleari, chiuse dopo il referendum del 1987. Il provvedimento era già passato alla Camera. «Una decisione di coraggio e di buon senso, e un altro impegno mantenuto», il commento di Meloni. «Una follia economica, ci dicano loro dove mettere le scorie», attaccano Avs e Movimento 5 Stelle. Nel frattempo, in tema di energia, Eni ha fissato un prezzo massimo di 2,19 euro per il diesel e 1,99 per la benzina a partire dal 28 settembre. Il governo ha apprezzato l’iniziativa.

Mòrto d’83 anni o Sandro Mazzola, o «figgio do ballon»

L’é mòrto d’83 anni o Sandro Mazzola, bandea de l’Inter, figgio do Valentino vittima da strage de Superga, un di ciù gren zugoei de ballon da stöia italiaña. «O figgio do ballon, t’ê stæto a poexia ciù doçe», o messaggio do prescidente da Fifa Gianni Infantino. O morteuio o l’é stæto çelebrou à Sant’Ambreuxo, à Milan. In sciâ cascia gh’ea a maggia neigra-turchiña co-o numeo 8: «No t’ascordiemo mai». Di tifoxi da Juventus an giou e spalle tanto che gh’ea o menuto de scilençio primma da partia con l’Atalanta: a soçietæ a l’à condannou o gesto, ma o giudiçe sportivo o l’à dæto unna sançion de 10mia euro.

Traduçion italiaña

Morto a 83 anni Sandro Mazzola, il «figlio del calcio»

È morto a 83 anni Sndro Mazzola, bandiera dell’Inter, figlio di Valentino vittima della strage di Superga, uno dei più grandi calciatori della storia italiana. «Il figlio del calcio, sei stato la poesia più dolce», il messaggio del presidente della Fifa Gianni Infantino. Il funerale è stato celebrato a Sant’Ambrogio, a Milano. Sulla bara era esposta la maglia nerazzurra con il numero 8: «Non ti dimenticheremo mai». Alcuni tifosi della Juventus hanno voltato le spalle durante il minuto di silenzio prima della partita contro l’Atalanta: la società ha condannato il gesto, ma il giudice sportivo ha inflitto una sanzione di 10mila euro.

E notiçie da-o mondo

Allarme pe-i attacchi da Ruscia in Italia e Fransa, o Putin o l’à guägno e eleçioin

In Euröpa se spantega l’allarme pe di poscibili attacchi da Ruscia contra l’Italia e a Fransa: o giornale spagnòllo El Mundo o l’à reportou de informaçioin «arrecuggeite da-a Cia e scompartie con ben ben di governi europëi». Ma Romma e Pariggi an denegou tutto: «Vivemmo za di tempi diffiçili, no ghe veu de l’atra benziña in sciô feugo», o commento do ministro Crosetto. Intanto o Putin o l’à guägno torna e eleçioin tanto che l’Ucraina a l’à bersaggiou Mosca con droin e miscili. O Zelensky o l’à annonçiou a luxe verde da-o Trump pe-a produçion di miscili Patriot pe-a defeisa d’äia.

Traduçion italiaña

Allarme per gli attacchi russi in Italia e Francia, Putin ha vinto le elezioni

In Europa si diffonde l’allarme per possibili attacchi russi contro Italia e Francia: il quotidiano spagnolo El Mundo ha riportato informazioni «raccolte dalla Cia e condivise con diversi governi europei». Roma e Parigi, però, hanno smentito tutto: «Stiamo già vivendo tempi difficili, non c’è bisogno di aggiungere benzina sul fuoco», ha commentato il ministro Crosetto. Nel frattempo Putin ha vinto nuovamente le elezioni, mentre l’Ucraina ha bersagliato Mosca con droni e missili. Zelensky ha annunciato il via libera di Trump alla produzione dei missili Patriot per la difesa aerea.

O Trump o menassa l’Iran à l’assemblea de l’Onu, protesta contra o Netanyahu

«Son seguo che l’Iran o faià un accòrdio dòppo e eleçioin, sedonca ô levo d’insemme». Son e poule do prescidente american Trump à l’assemblea de Naçioin Unie. O giorno apreuvo o prescidente iranian Pezeshkian o l’à mostrou e fotografie di figgeu ammassæ da-e bombe americañe e o l’à dito: «Semmo pronti a-o dialogo, ma no se dechinemmo davanti a-i malemmi». Quante into mæximo scito l’à parlou o primmo ministro isrælian Netanyahu, dexeñe de diplomatichi son sciortii d’inta sala, quarchedun con cantâ di cöi pe-a Palestiña. «E accuse de genoçidio son a ciù gran böxia do secolo», o l’à dito. Dapeu i attacchi a-a Gran Bretagna, a-a Fransa e a-o scindico de Neuva York: «Un antisemita amigo de Hamas».

Traduçion italiaña

Trump minaccia l’Iran all’assemblea dell’Onu, protesta contro Netanyahu

«Sono sicuro che l’Iran farà un accordo dopo le elezioni, altrimenti li anniento». Queste le parole del presidente americano Trump all’assemblea delle Nazioni Unite. Il giorno dopo, il presidente iraniano Pezeshkian ha mostrato fotografie dei bambini uccisi dalle bombe americane e ha dichiarato: «Siamo pronti al dialogo, ma non ci piegheremo ai bulli». Mentre nello stesso luogo parlava il primo ministro israeliano Netanyahu, decine di diplomatici sono usciti dalla sala, alcuni intonando cori a favore della Palestina. «Le accuse di genocidio sono la più grande menzogna del secolo», ha affermato. Poi gli attacchi contro Gran Bretagna, Francia e il sindaco di New York: «Un amico antisemita di Hamas».

Germania, a Cdu a preçipita: l’Afd a guägna in Sassònia e a Linke a se piggia Berlin

Dòppo a vittöia in Sassònia, in Germania Alternative für Deutschland o guägna anche in Pomerania, tanto che a Linke, o partio da scinistra estremma, a se piggia Berlin. Atri corpi pe-a Cdu e pe-o cançellê Merz, ch’o l’à definio «drammatica» a desfæta ma o no ghe veu mollâ: «O governo o l’arrestià in carrega pe asseguâ l’avvegnî democratico da Germania. Me piggio a responsabilitæ de portâ avanti o Paise e de fâ e reforme». A Weidel, o cappo de l’Afd, a gh’à replicou: «Semmo noatri o partio ciù grande da Germania, ch’o ne tie feua e conseguense».

Traduçion italiaña

Germania, Cdu precipita: Afd vince in Sassonia e Linke conquista Berlino

Dopo la vittoria in Sassonia, in Germania Alternative für Deutschland vince anche in Pomerania, mentre Linke, il partito di estrema sinistra, conquista Berlino. Altri colpi per la Cdu e per il cancelliere Merz, che ha definito la rottura «drammatica» ma non vuole lasciare: «Il governo resterà in carica per garantire il futuro democratico della Germania. Mi assumo la responsabilità di portare avanti il Paese e di realizzare le riforme». Weidel, leader dell’Afd, gli ha replicato: «Siamo il partito più grande in Germania, ne tragga le conseguenze»