O Zinâ

Ediçion

E notiçie da-a Liguria

Senti a verscion registrâ:

A Liguria a no tëgne i anti-abortisti feua da-i consultöi

A Liguria a no særa e pòrte a-e assoçiaçioin contra l’abòrto inti consultöi. O Conseggio regionale o l’à refuou un ordine do giorno presentou da tutta l’oppoxiçioin ch’o l’avieiva impegnou a zonta Toti à no addeuviâ a poscibilitæ dæta da-a lezze approvâ in parlamento. L’assessô a-a Sanitæ Angelo Gratarola o l’aiva domandou de retiâ o provedimento za che a nòrma a no l’ea ancon pubricâ, ma a minoransa a l’à vosciuo anâ avanti co-a discuscion. Inta maggioransa solo che unn’astenscion, quella da Mabel Riolfo, ch’a l’à tòsto lasciou o gruppo da Lega Nord. «O l’é un attacco a-a libertæ de dònne», an dito i conseggê d’oppoxiçion. Pe-o çentrodrita, incangio, «unna poscibilitæ in ciù pe aggiuttâle»

Traduçion italiaña

La Liguria non tiene gli antiabortisti fuori dai consultori

La Liguria non chiude le porte alle associazioni contro l’aborto nei consultori. Il Consiglio regionale ha respinto un ordine del giorno presentato da tutta l’opposizione che avrebbe impegnato la giunta Toti a non esercitare la possibilità concessa dalla legge approvata in parlamento. L’assessore alla Sanità Angelo Gratarola aveva chiesto di ritirare il provvedimento dal momento che la norma non era ancora pubblicata, ma la minoranza ha voluto comunque continuare la discussione. In maggioranza solo un’astensione, quella di Mabel Riolfo, che ha lasciato da poco il gruppo della Lega Nord. «È un attacco alla libertà delle donne», hanno detto i consiglieri di opposizione. Per il centrodestra, invece, «una possibilità in più per aiutarle».

Skymetro, depoxitou o recorso a-o Tar pe fermâ o progetto

L’é arrivou o recorso a-o Tar contra o Skymetro, a metropolitaña sorvelevâ che o Commun de Zena o veu construe longo o Besagno. À depoxitâlo Legambiente pe conto do comitato ch’o s’oppoñe a-o travaggio. L’açion, finançiâ co-i dinæ arrecuggeiti da-i rescidenti, a ponta à scassâ i trei atti co-i quæ s’appreuva o progetto, se deciara a compatibilitæ ambientale e se poñe unna soggeçion d’espròprio. O recorso o se fonda in sce 15 ponti critichi, viçi de proçedua ma ascì de sostansa. «Ghe semmo arrivæ dòppo doî anni de lou sensa pösa, o Commun de Zena o no l’à mai vosciuo dâne a mente – o l’à scrito o comitato –. Emmo fæto un passo, davanti n’emmo atri mille, î faiemo tutti insemme».

Traduçion italiaña

Skymetro, depositato il ricorso al Tar per fermare il progetto

È arrivato il ricorso al Tar contro lo Skymetro, la metropolitana sopraelevata che il Comune di Genova vuole costruire lungo il Bisagno. A depositarlo Legambiente per conto del comitato che si oppone all’opera. L’azione, finanziata coi soldi raccolti dai residenti, punta ad annullare i tre atti con cui si approva il progetto, si dichiara la compatibilità ambientale e si appone il vincolo di esproprio. Il ricorso si fonda su 15 punti critici, vizi di procedura ma anche di sostanza. «Ci siamo arrivati dopo due anni di lavoro ininterrotto, il Comune di Genova non ha mai voluto ascoltarci – ha scritto il comitato –. Abbiamo fatto un passo, davanti ne abbiamo altri mille, li faremo tutti insieme».

Dònna mòrta dòppo un intervento a-o San Martin, indaga a Procua

A Procua de Zena a l’à averto unn’investigaçion pe ammassamento corposo in sciâ mòrte de unna dònna de 70 anni sottopòsta a un intervento ginecològico à l’uspiâ San Martin a-i 29 d’arvî. A paçiente a l’ea stæta operâ pe l’asportaçion de unna massa pelvica. E seu condiçioin son pezoæ tutt’assemme e a l’é mòrta in rianimaçion da lì à quarche oa. I magistrati an dispòsto l’autopscia tanto che se pòrta a-a fin l’identificaçion di meghi e di infermê ch’an parteçipou à l’intervento. «L’uspiâ o l’é do tutto à dispoxiçion de autoritæ pe façilitâ o sviluppo de l’investigaçion», se leze inte unna nòtta da direçion do policlinico.

Traduçion italiaña

Donna morta dopo un intervento al San Martino, indaga la Procura

La Procura di Genova ha aperto un’inchiesta per omicidio colposo sulla morta di una donna di 70 anni sottoposta a un intervento ginecologico all’ospedale San Martino il 29 aprile. La paziente era stata operata per l’asportazione di una massa pelvica. Le sue condizioni sono peggiorate improvvisamente ed è morta in rianimazione dopo qualche ora. I magistrati hanno disposto l’autopsia mentre si completa l’identificazione di medici e infermieri che hanno partecipato all’intervento. «L’ospedale è completamente a disposizione delle autorità per agevolare lo sviluppo delle indagini», si legge in una nota della direzione del policlinico.

E notiçie da l’Italia

Senti a verscion registrâ:

Europee, liste serræ: o generale Vannacci o l’asciamma e polemiche

Ciù un meise a-o voto pe-e eleçioin europee. Depoxitou e liste, no s’afferma e polemiche tra e fòrse politiche. A prescidente Meloni a l’à indicou de scrive solo Giorgia in sciâ scheda «se me voei dî che creddei ancon inte mi». E o generale Roberto Vannacci, candidou da-a Lega, o l’à fæto discutte pe-a propòsta de no mette i disabili insemme a-i ciù boin inte scheue. O prescidente do Senato La Russa o l’à commentou: «S’o l’avesse di figgi disabili o capieiva d’avei dito unna sciollaia». Pe-a Cei «se torna a-i tempi scui». Lê o no dà a mente manco a-e critiche da Lega: «Rattelle interne, no m’impòrtan». Into Pd a segrettäia Elly Schlein a se conferma cappolista a-o Çentro e inte Isoe, mæximo pe-o Carlo Calenda inta lista de Azione.

Traduçion italiaña

Europee, liste chiuse: il generale Vannacci infiamma le polemiche

Un mese al voto per le elezioni europee. Depositate le liste, non si placano le polemiche tra le forze politiche. La presidente Meloni ha indicato di scrivere solo Giorgia sulla scheda «se volete dirmi che credete ancora in me». E il generale Roberto Vannacci, candidato della Lega, ha fatto discutere per la proposta di non mettere i disabili insieme ai migliori a scuola. Il presidente del Senato La Russa ha commentato: «Se avesse figli disabili capirebbe di aver detto una sciocchezza». Per la Cei «si torna ai tempi bui». Lui non si cura nemmeno delle critiche della Lega: «Diatribe interne, non mi interessano». Nel Pd la segretaria Elly Schlein si conferma capolista al Centro e nelle Isole, lo stesso per Carlo Calenda nella lista di Azione.

Arriva un neuvo bonus da 100 euro, e mesue pe-o travaggio inte un decreto

Un bonus da 100 euro à zenâ pe-i dependenti con reddito sotta i 28mia, moggê ò maio e a-o manco un figgio à carrego. A l’é uña de mesue che o governo italian o l’é pronto à avâ into pròscimo decreto, presentou a-i scindicati avanti do 1º de mazzo. Ghe saià ascì di scarreghi do 120% pe chi assumme di zoeni, de dònne e de categorie penalizzæ e de semplificaçioin in sciâ deciaraçion di redditi. Critico o segrettäio da Cgil Maurizo Landini: «Unna marchetta pe-e eleçioin, serve unna politica differente». À marso, intanto, o tascio d’occupaçioin o l’é cresciuo a-o 62,1% in sciâ base do meise. A disoccupaçion a chiña a-o 7,2%, quella di zoeni a-o 20,1%.

Traduçion italiaña

Arriva un nuovo bonus da 100 euro, le misure per il lavoro in un decreto

Un bonus da 100 euro a gennaio per i dipendenti con reddito sotto i 28mila, coniuge e almeno un figlio a carico. È una delle misure che il governo italiano è pronto a varare nel prossimo decreto, presentato ai sindacati prima del 1º maggio. Ci saranno anche sgravi del 120% per chi assume giovani, donne e categorie svantaggiate e semplificazioni sulla dichiarazione dei redditi. Critico il segretario della Cgil Maurizio Landini: «Una marchetta elettorale, serve una politica diversa». A marzo, intanto, il tasso di occupazione è cresciuto al 62,1% su base mensile. La disoccupazione scende al 7,2%, quella giovanile al 20,1%.

Conçescioin da mæña, o Conseggio de Stato o zea tutte e pròroghe

Neuva pontâ inta longa stöia de conçescioin da mæña in Italia: o Conseggio de Stato o l’à confermou a descheita a-i 31 de dexembre de l’anno passou e o l’à obrigou coscì e amministraçioin à retiâ e pròroghe, invitando à arvî de ficco e cæghe pubriche pe assegnâle inte un contesto de «vea concorrensa». Inta sentensa se mette in luxe che a risòrsa mæña a l’é «ræa», a-o conträio de quello che sostëgne o governo inta mappatua mandâ à Bruxelles e portâ comme raxon da mancâ applicaçion da direttiva Bolkestein. Pe-e impreise do settô sta deçixon a l’avià di «effetti devastanti in sce l’occupaçion con mette à reisego 300mia louanti, i ciù tanti za assonti pe-a saxon».

Traduçion italiaña

Concessioni marittime, il Consiglio di Stato congela tutte le proroghe

Nuova puntata nella lunga vicenda delle concessioni marittime in Italia: il Consiglio di Stato ha confermato la scadenza al 31 dicembre dell’anno scorso e ha obbligato così le amministrazioni ad annullare le proroghe, invitando ad aprire immediatamente le gare per assegnarle in un contesto di «vera concorrenza». Nella sentenze si evidenzia che la risorsa spiaggia è «scarsa», al contrario di quello che sostiene il governo nella mappatura inviata a Bruxelles e portata come motivazione della mancata applicazione della direttiva Bolkestein. Per le imprese del settore questa decisione avrà «effetti devastanti sull’occupazione mettendo a rischio 300mila lavoratori, la maggior parte già assunti per la stagione».

E notiçie da-o mondo

Senti a verscion registrâ:

Isræle: «Sensa accòrdio in scî ostaggi intremmo à Rafah»

Se no s’arrivià à un accòrdio in scî ostaggi inte unna settemaña, l’exerçito d’Isræle o l’intrià à Rafah. À Gerusalemme o prescidente Benyamin Netanyahu o l’à dito a-o segrettäio de Stato american Anthony Blinken ch’o no l’açettià unn’inteisa ch’a prevedde a fin da guæra. Da-o seu canto, i Stati Unii conferman l’oppoxiçion à unn’operaçion militare inta çittæ d’arente à l’Egitto. Hamas o l’à ziou e trattative. L’Onu a l’à «pregou» d’arrivâ à un accòrdio. L’Organizzaçion mondiale da sanitæ a temme «un maxello». Intanto se spantega a protesta into mondo, sorviatutto inte universcitæ: 2mia arresti pe-e occupaçioin inti Stati Unii, à Princeton un gruppo de studenti o l’à comensou o sciòpero da famme, à Pariggi a poliçia a l’à desbarassou Sciences Po donde gh’ea dexeñe de manifestanti pe-a Palestiña.

Traduçion italiaña

Israele: «Senza accordo sugli ostaggi entriamo a Rafah»

Se non si arriverà a un accordo sugli ostaggi in una settimana, l’esercito di Israele entrerà a Rafah. A Gerusalemme il presidente Benyamin Netanyahu ha detto al segretario di Stato americano Anthony Blinken che non accetterà un’intesa che preveda la fine della guerra. Dal canto loro, gli Stati Uniti confermano l’opposizione a un’operazione militare nella città a ridosso dell’Egitto. Hamas ha gelato le trattative. L’Onu ha «pregato» di arrivare a un accordo. L’Organizzazione mondiale della sanità teme «una carneficina». Intanto dilaga la protesta nel mondo, soprattutto nelle università: 2mila arresti per le occupazioni negli Stati Uniti, a Princeton un gruppo di studenti ha iniziato lo sciopero della fame, a Parigi la polizia ha sgomberato Sciences Po dove c’erano decine di manifestanti filopalestinesi.

A Ruscia contra Fransa e Gran Bretagna: «Escalation diretta, seguessa à reisego»

O prescidente franseise Macron o l’à parlou torna de mandâ de truppe in Ucraina, se a Ruscia a rompisse o fronte e Kiev a ciammesse aggiutto. Ma Mosca a replica: «Unna tendensa arresegâ ben ben». O ministro de l’Estranxeo do Regno Unio David Cameron o l’à dito che l’Ucraina a l’à o drito de deuviâ e arme britanniche pe attaccâ a Ruscia. «Unn’escalation diretta che mette à reisego a seguessa europea», o commento do Cremlin. Intanto i Stati Unii denonçian l’uso da clöropicriña, un agente chimico soffocante, pe anâ avanti in sciô campo de battaggia. Pe Mosca son de voxe sensa fondamento. À tutte e mainee a scituaçioin in sciô terren a l’é drammatica, tanto che e autoritæ ucraine an conseggiou de no anâ in gexa pe-e çelebraçioin da Pasqua ortodòssa.

Traduçion italiaña

Russia contro Francia e Gran Bretagna: «Escalation diretta, sicurezza a rischio»

Il presidente francese Macron ha parlato nuovamente di inviare truppe in Ucraina, se la Russia sfondasse e Kiev chiedesse aiuto. Ma Mosca replica: «Una tendenza molto pericolosa». Il ministro degli Esteri del Regno Unito David Cameron ha detto che l’Ucraina ha il diritto di usare le armi britanniche per attaccare la Russia. «Un’escalation diretta che mette a rischio la sicurezza europea», il commento del Cremlino. Intanto gli Stati Uniti denunciano l’uso della cloropicrina, un agente chimico soffocante, per avanzare sul campo di battaglia. Per Mosca sono voci senza fondamento. Comunque la situazione sul terreno è drammatica, tanto che le autorità ucraine hanno consigliato di non recarsi in chiesa per le celebrazioni della Pasqua ebraica.

Cile, a drita a propoñe unna neuva miagia a-o confin co-a Bolivia

Unn’atra miagia in America? Dòppo quella tiâ sciù da-i Stati Unii in sciô confin co-o Mescico, o cappo do Partio Repubrican do Cile Felipe Kast, passou candidou prescidente, o propoñe unna «seperaçion fixica» pe garantî a seguessa da frontea co-a Bolivia. Inte un contesto de crixi politica, e à pöchi giorni da l’ammassamento de trei agenti inte unn’inçenta, a drita a vorrieiva unna miagia d’800 chilòmetri pe proteze o confin à nòrd do Paise e a pòrta comme exempio l’Ongaia, donde o Kast o l’é stæto apreuvo à un incontro politico: «Aivan un gròsso problema pe l’inmigraçion inlegale e an piggiou unna deçixon dua ma fonçionante, serrâ a frontea co-a Serbia», o l’à dito.

Traduçion italiaña

Cile, la destra propone un nuovo muro al confine con la Bolivia

Un altro muro in America? Dopo quello eretto dagli Stati Uniti sul confine col Messico, il leader del Partito Repubblicano del Cile Felipe Kast, ex candidato presidente, propone una «separazione fisica» per garantire la sicurezza della frontiera con la Bolivia. In un contesto di crisi politica, e a pochi giorni dall’uccisione di trei agenti in un’agguato, la destra vorrebbe un muro di 800 chilometri per proteggere il confine a nord del Paese e porta come esempio l’Ungheria, dove Kast ha seguito un incontro politico: «Avevano un grave problema per l’immigrazione illegale e hanno preso una decisione dura ma efficacie, chiudere la frontiera con la Serbia», ha detto.