O Zinâ

Ediçion

E notiçie da-a Liguria

Senti a verscion registrâ:

A12, autobo à feugo in galleria: trafego into ravaxo. A Procua a l’indaga

Un autobo carrego de turisti o l’à piggiou feugo a-i 9 de luggio inta galleria Monte Zovo in sce l’autostradda A12, into træto tra Recco e Nervi in direçion de Zena. À l’uspiâ 37 persoñe, e ciù tante atteuscegæ da-o fumme, tra e quæ anche un figgeu e unna dònna gräia. O ciù grave l’autista, l’urtimo à chinâ zu da-o mezzo pe sarvâ tutti i passaggê, finio a-o San Martin in camia iperbarica, ma e seu condiçioin van delongo megio. A galleria a l’é arrestâ serrâ e pe tutta a settemaña son stæti pesantiscimi i asciddi pe-o trafego, misso à corrî in sce unn’andania sola. A-i 12 de luggio a-a seia a Procua, ch’a l’à averto unn’investigaçion pe lexoin e inçendio corpoxi, a l’à deçiso de sexî a galleria pe asseguâse che no ghe fïse di guasti a-a struttua. O giorno apreuvo, dòppo l’inspeçion fæta da-i inzegnê nominæ da-a magistratua, l’é arrivou a luxe verde pe repiggiâ i travaggi e arvî torna a galleria coscì da sconzuâ unna fin de settemaña neigra in sciô fronte di traspòrti.

Traduçion italiaña

A12, pullman a fuoco in galleria: traffico nel caos. La Procura indaga

Un pullman carico di turisti ha preso fuoco il 9 luglio nella galleria Monte Giugo sull’autostrada A12, nel tratto tra Recco e Nervi in direzione Genova. All’ospedale 37 persone, la maggior parte intossicate dal fumo, tra cui anche un bambino e una donna incinta. Il più grave l’autista, l’ultimo a scendere dal mezzo per salvare tutti i passeggeri, finito al San Martino in camera iperbarica, ma le sue condizioni sono in costante miglioramento. La galleria è rimasta chiusa e per tutta la settimana sono stati pesantissimi i disagi per il traffico, convogliato su una sola corsia. Nella sera del 12 luglio la Procura, che ha aperto un’indagine per lesioni e incendio colposi, ha deciso di sequestrare la galleria per accertarsi che non ci fossero danni strutturali. Il giorno seguente, dopo l’ispezione fatta dagli ingegneri nominati dalla magistratura, è arrivato il via libera per riprendere i lavori e riaprire la galleria così da scongiurare un weekend nero sul fronte dei trasporti.

O cazze d’in sciô scooter in Sorvelevâ, o meue à 42 anni

Un òmmo de 42 anni, o Enrico Gambino, o l’é mòrto a-i 11 de luggio in sciâ Sorvelevâ de Zena. O l’anava co-o seu scooter verso ponente quande, fòscia pe un patî, o l’à perso o contròllo da lê e o l’é anæto à piccâ in tæra. E seu condiçioin ean za graviscime e o l’é mancou in uspiâ da lì à no guæi. O Gambino o stava à Sestri Ponente, o l’ea maiou da dex’anni e o l’aiva doî figgeu de çinque e eutt’anni. I cantonê da seçion infortunistica an fæto i exammi dòppo l’açidente e a Procua a l’à dispòsto l’autopscia. Tra i elementi da ammiâ gh’é e telecamere de guardia ascì, che porrieivan dî de ciù in sciâ dinamica di fæti.

Traduçion italiaña

Cade dallo scooter in Sopraelevata, muore a 42 anni

Un uomo di 42 anni, Enrico Gambino, è morto l’11 luglio sulla Sopraelevata di Genova. Procedeva col suo scooter verso ponente quando, forse a causa di un malore, ha perso autonomamente il controllo ed è caduto a terra. Le sue condizioni erano già gravissime ed è deceduto in ospedale poco dopo. Gambino abitava a Sestri Ponente, era sposato da dieci anni e aveva due bambini di cinque e otto anni. I vigili della sezione infortunistica hanno eseguito i rilievi dopo l’incidente e la Procura ha disposto l’autopsia. Tra gli elementi al vaglio ci sono anche le telecamere di sorveglianza, che potrebbero dare più informazioni sulla dinamica dei fatti.

Æga teuscega, neuva allerta à Zena e into Levante

Torna in Liguria l’allerta pe l’æga teuscega, comme se ghe dixe à l’Ostreopsis Ovata, unna speçie tipica di climi tropicali che di urtimi anni a s’attreuva ascì in scê rive do Mediterranio. I campionamenti de l’Arpal an registrou un scioî abbondante inta fascia tra San Pê d’Æña e Sestri Levante. Comme se leze into provedimento do Commun de Zena, «inte çerti caxi peu ësighe di effetti momentanei e reverscibili in scê persoñe, caxonæ da-o contatto e da l’inalaçion de l’aerosol de mâ, che peuan interessâ e primme vie respiatöie». Comm’a l’à ascciaio l’Asl, a tosciña a no l’é mortale ma se conseggia d’avei do sæximo co-i figgeu, i ançien e i soggetti deboli comme chi patisce d’axima.

Traduçion italiaña

Alga tossica, nuova allerta a Genova e nel Levante

Torna in Liguria l’allerta per l’alga tossica, come si definisce l’Ostreopsis Ovata, una specie tipica dei climi tropicali che negli ultimi anni si trova anche sulle coste del Mediterraneo. I campionamenti di Arpal hanno registrato una fioritura abbondante nella fascia tra Sampierdarena e Sestri Levante. Come si legge nel provvedimento del Comune di Genova, «in alcuni casi possono esserci effetti momentanei e reversibili sulle persone, provocati dal contatto e dall’inalazione dell’aerosol marino, che possono interessare le prime vie respiratorie». Come ha chiarito l’Asl, la tossina non è mortale ma si consiglia di avere cautela con bambini, anziani e soggetti deboli come chi soffre d’asma.

E notiçie da l’Italia

Senti a verscion registrâ:

La Russa, o caxo do figgio o l’innäia o governo. A Meloni: «Solidarietæ co-a figgia»

O caxo La Russa o sciata o governo italian. O figgio do prescidente do Senato o l’é accaxonou de violensa sessuale in sce unna figgia de 22 anni dòppo unna neutte in discoteca tra i 17 e i 18 de mazzo. Unna seu amiga a gh’aiva dito ch’a l’ea stæta drogâ –- e e analixi an confermou a poxitivitæ a-a cocaiña e a-i cannabinòidi -– ma segondo l’avvocato do zoeno gh’ea o consenso pe-o rappòrto. O La Russa inte unna nòtta o l’à defeiso seu figgio: «Son seguo ch’o no l’agge fæto ninte d’importante da-o ponto de vista penale». E o l’à espresso ben ben di dubbi in sce unna «denonçia presentâ dòppo 40 giorni» , azzonzendo che a figgia «a paiva queta à reo». «Da moæ accapiscio o patimento do prescidente do Senato, ascì che no saieivia intervegnua – a l’à dito a prescidente do Conseggio Giorgia Meloni da arente a-a riunion da Nato à Vilnius –. Tendo à solidarizzâ pe natua con unna figgia ch’a denonçia e no me poño o problema di tempi. Dapeu besorrià anâ into meito e spero che a politica a n’arreste de feua». Unna costion ch’a se consumma into mezo da reforma da giustiçia e de tenscioin co-a magistratua nasciue ascì da-i caxi do Delmastro e da Santanchè.

Traduçion italiaña

La Russa, il caso del figlio scuote il governo. Meloni: «Solidarietà con la ragazza»

Il caso La Russa agita il governo italiano. Il figlio del presidente del Senato è accusato di violenza sessuale su una ragazza di 22 anni dopo una notte in discoteca tra il 17 e il 18 maggio. Una sua amica le aveva detto che era stata drogata – e le analisi hanno confermato la positività alla cocaina e ai cannabinoidi – ma secondo l’avvocato del giovane il rapporto era consenziente. La Russa in una nota ha difeso suo figlio: «Sono sicuro che non abbia fatto nulla di penalmente rilevante». E ha espresso molti dubbi su una «denuncia presentata dopo 40 giorni», aggiungendo che la ragazza «sembrava assolutamente tranquilla». «Da madre comprendo la sofferenza del presidente del Senato, anche se non sarei intervenuta – ha detto la presidente del Consiglio Giorgia Meloni a margine del vertice della Nato a Vilnius –. Tendo a solidarizzare per natura con una ragazza che denuncia e non mi pongo il problema dei tempi. Poi bisognerà andare nel merito e spero che la politica ne resti fuori». Una vicenda che si consuma nel mezzo della riforma della giustizia e delle tensioni con la magistratura nate anche dai casi Delmastro e Santanchè.

Arriva a carta pe aggiuttâ à fâ a speisa, da-i 18 de luggio a-e Pòste

O governo o l’avaa unna carta contra o montâ di prexi da speisa pe aggiuttâ chi gh’à de difficortæ econòmiche. L’iniçiativa, a l’à dito a Meloni, a l’à da fâ mascime con un mion e 300mia famigge che fadigan à accattâ i generi primäi. L’investimento o l’é de 500 mioin. A carta a s’attreuva da-i 18 de luggio inti offiçi de Pòste, a dev’ëse attivâ pe-i 15 de settembre e peu domandâla e famigge compòste a-o manco da træ persoñe – con prioritæ pe chi à di figgi sotta i 14 anni – con un reddito mascimo de 15mia euro, ma a no se peu azzonze a-o reddito de çittadinansa ò quæsesegge atra mesua de sostëgno. De drento gh’é carregou 382,50 euro e se ghe peu accattâ da mangiâ, ma no di alcòlichi ò de meixiñe. «A no basta manco pe un caffè a-o giorno, a l’é un scciaffo a-a dignitæ», a critica da Cgil.

Traduçion italiaña

Arriva la carta per aiutare a fare la spesa, dal 18 luglio alle Poste

Il governo vara una carta contro i rincari della spesa per aiutare chi ha difficoltà economiche. L’iniziativa, ha detto Meloni, interessa soprattutto un milione e 300mila famiglie che faticano ad acquistare i generi di prima necessità. L’investimento è di 500 milioni. La carta si trova dal 18 luglio negli uffici postali, dev’essere attivata entro il 15 settembre e possono richiederla le famiglie composte almeno da tre persone – con priorità per chi ha figli minori di 14 anni – con un reddito massimo di 15mila euro, ma non si può sommare al reddito di cittadinanza o qualsiasi altra misura di sostegno. All’interno sono caricati 382,50 euro e consente di acquistare alimentari, ma non alcolici o medicinali. «Non basta nemmeno per un caffè al giorno, è uno schiaffo alla dignità», la critica della Cgil.

Ondâ de cado african in sce l’Italia, temperatue fin à 48 graddi

A no ghe mòlla l’ondâ de cado ch’a portià in Italia de temperatue che porrieivan ëse sensa pægi inta stöia: 43 graddi à Romma e fin à 48 inte l’entrotæra da Sardegna. Tante çittæ son marcæ co-o bollin rosso do ministëio da Sanitæ ch’o veu dî «condiçioin d’emergensa con di poscibili effetti negativi in scê persoñe sañe e attive e no solo in scî ançien e i figgeu». Segondo e previxoin, l’antiçiclon african ch’o pòrta l’erta prescion e de temperatue anche de 12 graddi sorvia a media o saià protagonista pe tutta a settemaña. O mascimo reisego pe-a combinaçion tra o cado affogou e l’umiditæ spessa o saià inta Cianua Padaña.

Traduçion italiaña

Ondata di caldo africano sull’Italia, temperature fino a 48 gradi

Non molla la presa l’ondata di calore che porterà in Italia temperature che potrebbero essere senza uguali nella storia: 43 gradi a Roma e fino a 48 nell’entroterra della Sardegna. Molte città sono contrassegnate dal bollino rosso del ministero della Salute che significa «condizioni d’emergenza con possibili effetti negativi sulle persone sane e attive e non solo su anziani e bambini». Secondo le previsioni, l’anticiclone africano che porta l’alta pressione e temperature anche di 12 gradi sopra la media sarà protagonista per tutta la settimana. Il massimo rischio per la combinazione tra caldo torrido e umidità elevata sarà nella Pianura Padana.

E notiçie da-o mondo

Senti a verscion registrâ:

Scontro Zelensy-Nato in sce l’adexon, luxe verde da Turchia pe-a Sveçia

O prescidente de l’Ucraina Volodymyr Zelensky, avanti ch’o l’arrivesse a-a riunion da Nato à Vilnius, o l’à definio «asciurdo» che no ghe fïse un programma pe l’intrâ do seu Paise inte l’Alliansa. «L’invito o saià esteiso à Kiev quande ghe saià e condiçioin», o l’à respòsto o segretäio generale Stoltenberg. A luxe verde a l’arrivià dòppo finia a guæra. O G7 però o mette in campo un scistema de proteçion e garançie pe Kiev. Intanto l’é arrivou o scì do Erdogan à l’adexon da Sveçia, e Stoccolma a sostegnià a Turchia pe l’intrâ inte l’Union Europea. «Semmo tornæ a-i schemi da Guæra Freida – o l’à commentou o ministro ruscio de l’Estranxeo Lavrov –. Mosca a respondià a-e menasse a-o megio de seu poscibilitæ».

Traduçion italiaña

Scontro Zelensky-Nato sull’adesione, via libera dalla Turchia per la Svezia

Il presidente dell’Ucraina Volodymyr Zelensky, prima di arrivare al vertice della Nato a Vilnius, ha definito «assurdo» che non ci fosse un programma per l’entrata del suo Paese nell’Alleanza. «L’invito sarà esteso a Kiev quando ci saranno le condizioni», ha risposto il segretario generale Stoltenberg. Il via libera arriverà una volta finita la guerra. Il G7 però mette in campo un sistema di protezione e garanzie per Kiev. Intanto è arrivato il sì di Erdogan all’adesione della Svezia, e Stoccolma sosterrà la Turchia per l’ingresso nell’Unione Europea. «Siamo tornati agli schemi della Guerra Fredda – ha commentato il ministro russo degli Esteri Lavrov –. Mosca risponderà alle minacce al meglio delle sue possibilità».

Mòrto à 94 anni o scrittô ceco Milan Kundera

L’é mòrto à Pariggi à l’etæ de 94 anni o scrittô Milan Kundera. O l’ea mouto da longo tempo. Nasciuo inta Repubrica Ceca, o l’ea conosciuo pe ëse l’autô de L’insostegnibile leggeressa de l’ëse, libbro de gran sveuga sciortio in Fransa do 1984 in scê avventue de quattro artisti e intellettuali inta Cecoslovacchia do ‘68, vegnuo dapeu un cine do Philippe Kaufman e Jean-Claude Carrière. Ciù vòtte candidou a-o premio Nobel, i seu travaggi son stæti proibii in Cecoslovacchia apreuvo a-a Primmaveia de Praga.

Traduçion italiaña

Morto a 94 anni lo scrittore ceco Milan Kundera

È morto a Parigi all’età di 94 anni lo scrittore Milan Kundera. Era malato da molto tempo. Nato in Repubblica Ceca, era noto come autore de L’insostenibile leggerezza dell’essere, libro di grande successo uscito in Francia nel 1984 sulle avventure di quattro artisti e intellettuali nella Cecoslovacchia del '68, diventato poi un film di Philippe Kaufman e Jean-Claude Carrière. Più volte candidato al premio Nobel, le sue opere sono state proibite in Cecoslovacchia in seguito alla Primavera di Praga.

À Hollywood attoî e scenezzatoî in sciòpero, s’afferma e produçioin

A Hollywood gh’é stæto o ciù gran sciòpero di attoî do cine e da televixon di urtimi quarant’anni. O seu scindicato, ch’o representa 160mia inscriti, o l’à deciarou a protesta dòppo fallio o tentativo de un accòrdio à l’urtimo menuto in sce unna montâ de paghe, unna nueva definiçion di driti d’imagine e garançie in sce l’addeuvio de l’intelligensa artifiçiale. Con loiatri an incroxou e brasse anche i scenezzatoî, pe-a primma vòtta da 63 anni in sà. E produçioin se son affermæ. I manifestanti an tegnuo di presciddi davanti a-i prinçipæ studdi de produçion comme Netflix e Amazon.

Traduçion italiaña

A Hollywood attori e sceneggiatori in sciopero, si fermano le produzioni

A Hollywood si è verificato il più grande sciopero degli attori cinematografici e televisivi degli ultimi quarant’anni. Il loro sindacato, che rappresenta 160mila iscritti, ha proclamato la protesta una volta fallito il tentativo di un accordo in extremis su un aumento degli stipendi, una nuova definizione dei diritti di immagine e garanzie sull’uso dell’intelligenza artificiale. Con loro hanno incrociato le braccia anche gli sceneggiatori, per la prima volta da 63 anni. Le produzioni si sono fermate. I manifestanti hanno tenuto presidi davanti ai principali studi di produzione come Netflix e Amazon.